radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
އައްތޮށި
ނ ހަތަރު ރޯނަށް ވިދެ ހުނގޫ މަޅައި ބައްޅި ޖަހައިފައި އޮންނަ ފަންގަނޑު
އައްސަރަނގު
ނ ގަހާތަރި ކައިރީގައި ވަކި ސިފަޔަކަށް ހުންނަ އަލިގަދަ ތަރިތަކެއް މިއީ އަށްތަރިއެވެ
އައްސި
ނ (1) ހަށިގަނޑުގެ ކޮންމެވެސް ތަނެއްގެ ޙިއްޞުކުޑަވާ ކުޑަވުން (2) ގައިގައި އެއްޗެއް ބީހުނީމާ އެނގޭ ގޮތް ކުޑަވާ ކުޑަވުން
އައްސިއޮރި
ނ އާދައިގެ އޮރިޔަށްވުރެ ފަތިކޮށް ހުންނަ އޮރިއެއް. މިގައިގައި ބީހުނީމާ އައްސިވެ މީގެ މަސް ކޭމާ އައްސިފިލާކަމަށް ބުނެއެވެ
އައްސިވުން
މ (1) ގައިގާ ޖެހުނީމާ އެނގޭގޮތް ކުޑަވުން (2) ހަމާއި މަހުގެ ޙިއްސުކެނޑުން (3) އައްސިކަންލިބުން
އައްސިމަޑި
ނ ބުރަކަށިމަތީ ކުދިކުދި ކަށިތަކެއް ހުންނަ މަޑިއެއް މިއީ އައްސި އޮރިޔަށްވުރެ އައްސިކުރާގޮތް ގަދަ އެއްޗެކެވެ މީގެ މަސްކައެއް ނޫޅެއެވެ
އައްސިފެން
ނ އިލެކްޓްރިކުން އައްސީގެ ބާރުދީފައި ހުންނަ ފެން
އައްސިފޮށި
ނ ހިފާނޭ ދެލޯލިލައިފައި އޭގައި ހިފީމާ އަތަށާއި ހަށިގަނޑަށް އިލެކްޓްރިކް ބާރު އަންނަގޮތަށް ހަދައިފައި ހުންނަ ކުޑަ މެޝިނެއް އެއަށް ބާރު އަންނަނީ އޭގައި ހުންނަ އަތްގަނޑެއް އެނބުރީމައެވެ
އަވާމެންދުރު
ނ ސަހަރާފަދަ ހާމަޔަށް ހުންނަ ބައެއް ބިމަށް ގަދަޔަށް އަވިދީފައި އޮންނައިރު ފެންނަގޮތެއް މިފެންނާނީ ފެންގަނޑެއްހެންނެވެ ކައިރިވީވީހެން ފެންގަނޑުދުރުވާހެން ހީވާނެއެވެ
އަވި
ނ ހުރަހަކާ ނުލައި އައިސް އެޅިފައި ހުންނަ އިރުގެ ހޫނު އަލި
އަވިހި
ނ (1) ދޮންދޫނި ތެރޭގެ ބާވަތެއް މި ހުންނާނީ ދޮންދޫންޏަށްވުރެ ކުދިކޮށް ރަތްކޮށްނެވެ މިއުދުހޭނީ މާ އަވަސް އަވަހަށެވެ (2) ނަކަތް ކިޔާއިރު ހުވަން ނަކަތުގެ ކުރީން ކިޔާ ނަމެއް އެކަމަކު މިއީ ދުވަހެއް ނާންނަ ނަކަތެވެ އަށާވީސް ނަކަތް ހަމަވަނީ މިނަކަތް ލައިގެންނެވެ (3) މަޖާޒު: ހަލުވިކޮށް އުޅޭ މީހުންނާމެދުވެސް މީގެ މިސާލު ދެއެވެ
އަމަރާލި
ނ ކޯއްޓޭ ދިދައިގެ މައްޗަށް ނަގާ ހަނިދިގު ކަފި ދިދައެއް މީގެކުރީގައި ލައިފައި ހުންނަ ދެވާގަނޑު ބިންމަތީގައި ޖެހޭ ވަރުވާނެއެވެ
އަމާނާތް
ނ (1) މީހުންގެ އަތުގައި ދުވަސްކޮޅަކު ރައްކައުކޮށްފައި ބެހެއްޓުމަށްޓަކައި މީހުން ބަހައްޓާ ތަކެތި (2) ޚިޔާނާތުގެ އިދިކޮޅު
އަމާންދިދަ
ނ (1) އިހުގައި ރަދުންނާއި ގަނޑުވަރުތެރޭ ހަތްކޮޅުނަގާ ބޭފުޅުން ޢިއްޒަތަށް ވަޑައިގަންނަވާއިރު ކުރީގައި ޖަޑިބު ހިފައިގެން ހުންނަ ބޮޑު ދިދަ މިހާރު އެދިދައިގެ ބަދަލުގައި ހުންނަނީ ޤައުމީ ދިދައެވެ މިހިފަނީ އެކަމަށް ޚާއްޞަ ކުރައްވައިފައި ހުންނަ މީހެކެވެ (2) އަމާން ދިންކަމުގެ ނިޝާން
އަމާކީތީ ފަރަށްދިއުން
)މިސާލުބަހެއް( (1) ބުނާލަފުޒުން ދޭހަވާ ކަމެއްގެ ބޭރު ކަމެއް ނުކުރީމާ ދޭ މިސާލެއް އެއީ ބެބުރުފުތުގެ އަމާފަރަށްދާން ބުނެގެން ބެބުރުފުތު ފަރަށް ގޮއްސްފައި ބޮލިނުހިލާ އައިމާ އޭގެ ފަހުން ޖެހުނު މިސާލެއް ކަމަށް ބުނެއެވެ (2) ބުނާކަންތައް ފަރުވާ ކުޑަކޮށް ކުރުން
އަމާޒުފަތްގަނޑު
ނ (1) ބަޑި ނުވަތަ ދުނި އަމާޒަށް ޖަހާން ފަރިތަކުރާއިރު އެދިމާގައި ބަހައްޓައިފައި ހުންނަ ފިލާގަނޑު މީގައި ހުންނާނީ ފާހަގައެއް ލައިފައެވެ މަޖާޒު: (2) ކަމެއްކުރާން ގަސްދުކޮށްފައިވާގޮތް (3) ތިމާ ނުހަނު ބޮޑަށް އެދޭކަމަކާއިމެދު މަސައްކަތްކޮށްގެން ލިބޭން އަންނަފޮނި ނަތީޖާ
އަމީރު ރަސްކަން
ނ (1) ވަލީޢަޙުދުކަން (2) ރަސްގެފާނުގެ ޤާއިމްމަޤާމްކަން (3) ރަސްކަމުގައި ހުންނެވި ބޭފުޅަކު އެރަސްކަން އެހެން ބޭފުޅަކާ ޙަވާލު ކުރައްވައިފައި ހުންނަވާ ދަރަޖަ
އަފިހުން
މ އަފިހުން ގަހުގައި ހިއްކައިފައިވާ ކިރު މިއީ ވަރަށް ބޮޑަށް މަސްތުވާ އެއްޗެކެވެ އަދި ބޭހެއްމެއެވެ
އަފުނޯސްކަށި
ނ އެއްކޮޅުގައި ބޮލެއްލައިފައި އަނެއްކޮޅު ތޫނުކޮށް ހަދައިފައި ހުންނަ ކުދި ކައްޓެއް. މިހަދަނީ ލޯ ނުވަތަ ދަގަނޑުފަދަ އެއްޗެހީންނެވެ
އަދަރާދަގޮނޑި
ނ އިށީންނަށް ހަދައިފައި ހުންނަ މަޝްހޫރު ގޮނޑިއެއް މިގޮނޑި ދެއަތް ބާއްވަން އަތްގަނޑުލައިފަޔާއި އަތްގަނޑު ނުލައިހުރެއެވެ މިކަހަލަ ގޮނޑީގައި ލެގޭއަތްގަނޑު ހުންނާނެއެވެ