radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
އަޞްޙާބުބޭކަލުން
ނ އީމާންކަންމަތީހުރެ ސަލާމާއި ޞަލަވާތްލެއްވި އިތުރު ރަސޫލުﷲގެ ފާނުދެކެ އެ އީމާންކަންމަތީ މަރުވިމީހުން
އާހަދިލުން
މ އާހަދިޖެހުން
އާނ
އ (1) ހޫން (2) އާނއެކޭ (3) ބިރުވެރި ކަމެއް ނުވަތަ ނުރައްކަލެއް އޮވެގެން އަންގައިލާން ބުނާ ބަހެއް (4) ބަޔަކުމީހުން މަސައްކަތެއް ކުރާއިރު އެންމެން އެއްފަހަރާ ބާރުލުމަށްޓަކައި އަންގައިލާން ގޮވާގޮތެއް މިގޮތުގައި "އާނ" ގޮވާނީ ދަމާލައިފައެވެ (5) އެހެންތަ؟ މިގޮތުގައި މިބަހުގެ މާނަ ދޭހަވާނީ އެމާނަ ގަސްދުކޮށްގެން ބުނާ ރާގުންނެވެ
އާނގު
ނ ގޭގެބިތުގައި ވަޔާއި އަލިއެތެރެއަށް ވަދެނިކުމެވުމަށްޓަކައި ކަނޑައިފައި ހުންނަ ލޯވަޅު
އާނި
ނ ބޯ ބޮޑެތިކޮށް ހުންނަކުދިމޮހޮރު
އާނު
ނ ބިމުތެރޭ ފެނުގެމަތީގައި ފެތުރިފައި އޮންނަގައުފަށް މިހުންނަނީ މަޑު ކޮށާއި ހަރުކޮށެވެ
އާރު
ނ (1) ގަސްގަހުގެލަކުޑީގެ އޮޅުފަށްނޫންތަން މިއީ ލަކުޑީގެ އެންމެ މޮޅުބައެވެ (2) ފެންކޯރު (3) މަޖާޒު: މީހާގައިހުންނަ ހަރުދަނާކަން
އާރޮސް
ނ ކަށިކޭލުގައި ހިލާ ބާވަތެއްގެ ގިތެޔޮނުލައި ހަލުވާއެއް. މިބަބުކޭލާއި އަލާގައިވެސް ހަދައެވެ. މިހުންނަނީ ހިކި ކެޔޮފަތަށް ލައިފައެވެ. މިގިނައިން ހަދަނީ ހުވަދު އަތޮޅު އައްޑު އަތޮޅު ފުވައްމުލައް މިތަންތާގައެވެ
އާބާދީ
ނ ރަށެއް ނުވަތަ އަވަށެއްގައި އުޅޭމީހުން
އާބުހަވާ
ނ (1) ފެނާއިވައި (2) ތަނެއްގައި ޢާއްމުކޮށްހުންނަ ފިނިހޫނުމިނާއި ތާސީރު
އާބުރުރުމާ
ނ ބޮލުގާއަޅާ ރުމާލުގެ ބާވަތެއް. މިހުންނާނީ ކައިރީގައި ހިމަރޮނގުތަކެއް ހުރެފައި ކަންކަޅުކޮންނެވެ
އާއިސްލާމުން
ނ ޣައިރު ދީނުގައި ހުރެފައި އިސްލާމްވާ މީހުން
އާއްޕަން
ނ ފުށުގައި ކަމީރުކޮށްގެން ހަދާ ޒީނާރުފާޑުގެ އެއަށްވުރެ ބޮޑެތިކޮށް ހުންނަ ކާއެއްޗެއް
އާވިއަނބު
ނ ނަރުހިމަ މޮޅުއަނބެއް މިއަނބު ދޮންވާއިރުވެސް ބޭރުގައި ދޮންކުލައެއް ނުޖަހައެވެ ބައެއްމީހުން މިއަށް "ޖާފްނާއަނބު" ވެސް ކިޔައެވެ މީގައި އާވިރަހައެއް ހުރެއެވެ
އާވިއެރުވުން
މ (1) އާވިން ހޫނުވާގޮތް ހެދުން (2) ބޭސްވެރިކަމުގެ ގޮތުން މީހުންގެ ގަޔަށް ހޫނުފެނުގެ އާވިދުއްވުން
އާވިމެޓާ
ނ (1) ކަރައިން ގެންނަ ހުދުކުލައިގައި ހުންނަ އާވިރަހަދޭ ފަތިމެޓައެއް (2) ކޭމާ އަގައިން އާވިނަގާމެޓާ
އާމަނަކަ
ނ ގަހެއްގެ ނަން މީގެ އޮށުން ހާނާތެލަކީ ވަރަށް މޮޅު ޖުއްލާބެކެވެ މީގެ ފަތް ހުންނާނީ ފަޅޯފަތް ހުންނަކަހަލަ ގޮތަކަށް އެއަށްވުރެ ކުދިކޮށެވެ
އާމަނަކަތެޔޮ
ނ އާމަނަކަ ގަހުގެ އޮށުން ހާނައިފައި ހުންނަ ތެޔޮ މިއީ ވަރަށް މޮޅު ޖުއްލާބެކެވެ
އާދަ
ނ (1) ވަކިޤަވާޢިދަކަށް ހިނގަމުން އަންނަކަމެއް (2) ބައެއްކަންތައް ކުރާތަނަށް ބޭރުމީހުންވަނީމާ ދޭންޖެހޭ ދަރަނި (3) ރަސްމީ ބައެއްތަންތަނަށް ވަނުން ހުއްދަކުރުމަށްޓަކައިދޭ ފައިސާ (4) ކުރަމުން އަންނަކަމެއް
އާދަކާދަ
ނ ބަޔަކުމީހުންގެ މެދުގައި ހިނގައިފައި ހުންނަ އާދަތައް