radheef.info
ރަދީފު


ވުން
މ (1) ހުރުން (2) އުފެދުން (3) ފަހިވުން (4) ނިމުން
ޙަސަދަވެރިވުން
މ (1) މީހަކަށް ލިބުނު މޮޅުކަމަކާމެދު ތިމާހިތްދަތިވުމާއި އެމޮޅުކަމެއް ފިލައިދިއުމަށް އެދުން (2) ދެކޮޅުވެރިވުން
ޙިކްމަތްތެރިވުން
މ (1) ކަންފަހިކުރާން ދަތުން (2) މަކަރުވެރިވުން (3) ހީލަތްތެރިވުން (4) ބުއްދިވެރިވުން
ޙިއްސު
ނ (1) ގުނަވަންތަކުން އެނގޭ އެނގުން (2) އިންސާނާގެ ހަށިގަނޑުގައި ލައްވައިފައިވާ އެނގުމުގެ ބާރު މިސާލު: )ހ( އިވުން )ށ( ފެނުން )ނ( ވަސްލިބުން
ޙިއްޞާކުރުން
މ މުދާ ނުވަތަ ފައިސާ ނުވަތަ އެނޫންވެސް އެއްޗެއް ނުވަތަ ކަމެއްގައި ބައިވެރިވުން
ޙިއޞާކުރުވުން
މ މުދަލުގެ ނުވަތަ ފައިސާގެ ނުވަތަ އެނޫންވެސް އެއްޗެއް ނުވަތަ ކަމެއްގައި މީހަކު ބައިވެރިކުރުވުން
ޚަރާބުވުން
މ (1) ނުބައިވުން (2) ގޯސްވުން (3) ހަޑިވުން
ޚަބަރުވުން
މ (1) ކަމެއް ހިނގިގޮތް އެނގުން (2) ވާހަކަ އިވުން
ޚަބަރުލިބުން
މ ޚަބަރުވުން
ޚަލާސް
ނ (1) ނިމޭނިމުން (2) ހުސްވާހުސްވުން (3) އަދާވާ އަދާވުން މިސާލު: އޭނާގެ ދަރަނި ޚަލާސްވެއްޖެއެވެ
ޚަލާޞްވުން
މ (1) ހުސްވުން (2) ނިމުން
ޚަޒާނާކުރުން
މ (1) ރައްކާކުރުން (2) ފޮރުވުން
ޚާއްޞަވުން
މ (1) ހޮވައިލެވިފައިވުން (2) ވަކިން ފާހަގަކުރެވުން
ޚިތާނުކުރުން
މ (1) ޒަކަރުގެ ކުރީގައި ދިގުކޮށް އޮންނަ ހަންކޮޅު ކަނޑައިލުން (2) އަންހެންކުދިންގެ ކުޅަދިލީގެ މަތީގައި ތޫނު ކަމެއް ޖައްސައިލައި ލޭ ދައްކައިލުން (3) ނަކަތްގެލެއްވުން (4) ގޭބޭންދުން (5) ކުރަފަތްޖެހުން (6) އިސްލާންކުރުން (7) ބޭންދުން (8) ބޭއްވުން (9) ހިތާނުގެލެއްވުން
ޚިލާފުއުފެދުން
މ ކަމަކާމެދު ބައެއްގެ ތެރޭގައި ދެބަސްވުން އުފެދުން
ޚިލާފުވުން
މ (1) ތަފާތުވުން (2) ދެބަސްވުން
ޚިޔާނާތް
ނ (1) ތިމާގެ ހަވާލުގައިހުރި އަނެކެއްގެ އެއްޗެއްގައި ޖެހޭޖެހުން (2) ކަމަކަށް ނުވަތަ އެއްޗަކަށް ތެދުވެރި ނުވާ ނުވުން
ޚިޔާނާތްތެރިވުން
މ (1) ކަމަކަށް ނުވަތަ އެއްޗަކަށް ތެދުވެރިނުވުން (2) އަމާނާތްތެރިނުވުން (3) ޙައްޤަށް ރައްކާތެރިނުވުން
ޚިޔާލީފޮލާ
މަޖާޒު: ތިމާގެ މިންވަރަށްވުރެ މައްޗަށް ޚިޔާލުގައިރާވާ ރޭވުން
ޚުޠުބާކިއުން
މ ޚުޠުބާ އިއްވުން
ޝަހާދަތްލައިދިނުން
މ (1) މަރުވާ މީހާއަށް ޝަހާދަތް ކިޔައިދިނުން (2) މަރަށް ހާޒިރުވާ މީހާގެ ކަންފަތް ދޮށުގައި ޝަހާދަތް ކިޔައި އިއްވުން