radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ތަންބޫރަ
ނ (1) ކޮއްޓާ ފޮށީގައި ބުންނަރާ ޖެހިގެން ހުންނަ ނަރު (2) ބުންއަޑުތައް ބަރުކޮށް ނެރުމަށް ހަދައިފައި ހުންނަ ބެރު
ތަންބޭރުހިފުން
މ ދަތުރުކޮށްފައިދާ އުޅަނދު ފަހަރަށް ތަންބޭރާ ހަމަޔަށް ދެވުން
ތަންބޭރުއަތުލުން
މ ދަތުރުކޮށްފައިދާ އުޅަނދުފަހަރަށް ރަށްރަށާއި ފަރުފަރުގެ ބޭރުން އަޑި އެނގޭ ހިސާބަށް ދެވުން
ތަންބޭރުއެރުން
މ ދަތުރުކޮށްފައިދާ އުޅަނދުފަހަރަށް ރަށުގެ ފަރާ ގުޅިގެން ކަނޑާ ވީފަރާތު އަޑި އެނގޭ ހިސާބަށް އާދެވުން
ތަންމަތި
ނ (1) އެނދުއަށީގައި ނިދުމަށް ތައްޔާރުކޮށްފައި ހުންނަތަން (2) ނިދުމަށްޓަކައި ފަތުރާ އެތި (3) އިލެކްޓްރިކް ހޮޅިބުރި ހަރުކުރާއެތި (4) ލާންޗުފަހަރު އެހެލައި ބޭލުމަށާއި ތަންތާ ބެހެއްޓުމަށްޓަކައި ބަނޑު ފިލާ ޖެހޭގޮތަށް ހަދައިފައި ހުންނައެތި
ތަންމަތިބޮނޑި
ނ ނިދަން ބޭނުންކުރާ ބާލީހާއި ކުނާފަދަ ތަކެތި އެއްކޮށް އޮޅައި ބަނދެފައިވާ ބޮނޑި
ތަންމަތިއެޅުން
މ (1) އެނދުގެ ކުނަލާއި ކަންނޭލާއި ބާލީސްތައް ރީތިކޮށް ހަމަޖެއްސުން ނުވަތަ ގޮދަޑިއާއި ބާލީސްތައް ރީތިކޮށް ފަލަނގު ފޭލިއެޅުން (2) ތަންމައްޗަށް ހިމެނޭ ހުރިހާއެއްޗެއް ތަރުތީބުކުރުން (3) ތަންމަތިފެތުރުން
ތަންމުޑުވުން
މ ނުހިކި ތެތްކޮށް ހުރުމުގެ ސަބަބުން ވަސް ނުބައިވުން
ތަންޑަވާރު
ނ )ގ ( ހަތަރެސްކަން ރިޔަލުގެ ދެކޮޅުގައި އެނގަލައްވަން ހަރުކޮށްފައި އޮންނަ ކައްޕި
ތަންޑުނެއްޓުން
މ ތަންޑު ބޭނުންކޮށްގެން ބަންދުކޮށްފައިހުރިތަނެއް ނުވަތަ އެއްޗެއް ހުޅުވޭގޮތްހެދުން
ތަންޑުއެޅުން
މ ތަންޑު ބޭނުންކޮށްގެން ދޮރު ނުހުޅުވޭގޮތް ހެދުން
ތަރަ
ނ (1) ބިންގަނޑުގައި ކިސަޑުހެދިގެންވާހަރު (2) ލޮތާރީގެ ދަތްފަދަ އެއްޗެހި ހެދުމުގައި އެއްބައި އަނެއްބަޔާގުޅަން ތަޅައިފަތިކޮށް އެއްވަރުކުރާކުރުން (3) ތަނަކަށް އުވަތަކެއް ނުވަތަ ސިމެންތިތަކެއް އެޅިގެން ވާހަރު (4) ބޮލާކީނި ނުވަތަ ދަވާދު ފަދަ އެއްޗެއް ބިންގަނޑަށް އެޅި ހިކިގެންވާހަރު
ތަރަފަތި
ނ )ހ ( ބަނޑުދޮށް ހުދުކޮށް ހުންނަ ކުޑަމަހެއް މިއީއެމުގެ ގޮތުގައި ބޭނުންކުރާ އެއްޗެކެވެ
ތަރާ
ނ (1) ލޮއިގެ ބާވަތްތައް އެއްކޮށްގެން ހަދައިފައިހުންނަ މަޢުދަނެއް (2) )ޏ ސ ( ތަރާފަތް
ތަރާފަތް
ނ ތާހެއްހެން މެދަށްއަޑިކޮށް ލޮއިން ހަދައި ދެއުޅައްލައިފައިހުންނަ އެއްޗެއް. މިއީރާކެއްކުމާއި މެޓާހިލުންފަދަ ކަންކަމަށް ގެންގުޅޭ އެއްޗެކެވެ
ތަރި
ނ (1) ޖައްވުގައިވާ އެތިކޮޅުތައް އެއްވެގެން އުފެދިފައިވާ ބޮޑުއެއްޗެއް މީގައި އަމިއްލަޔަށް ދިއްލޭފަދަ ގޭސްތަކެއް އެކުލެވިފައިވެއެވެ މީގެބައެއް އެއްޗެހި ދުނިޔެއަށްވުރެ ބޮޑެއްޗެވެ އަނެއްބައި އެއްޗެހި ދުނިޔެ ދަތުރުކުރާ ބުރަށްވުރެވެސް ބޮޑެއްޗެވެ މީގެސިފައަކީ ޢާއްމުކޮށް ވަށް ބޯޅައެއްގެ ސިފައެވެ މިއީ ރޭގަނޑު އުޑުން ފިޔަޖަހައި އަލިކަން ފޯރުވާ އެއްޗެކެވެ (2) ފަސްފިޔަ ނުވަތަ ހަފިޔަހުންނަގޮތަށް ހަދައިފައިވާ ނުވަތަ ކުރަހައިފައި ހުންނަ އެއްޗެއް (3) އިއްޒަތުގެ ނިޝާނެއްގެ ގޮތުން ކޮނޑަށް ނުވަތަ މޭ މައްޗަށް އަރާ ނިޝާނެއް މަޖާޒު: (4) ކަމަކުން މަޝްހޫރުވެފައިވާ މީހާ (5) ތަމްސީލުގައި ނުވަތަ ފިލްމުގައި މައިގަނޑު ބައިތައް ކުޅޭމީހުން
ތަރިރުހަނދު
ނ ތަރި އިރު ހަނދު އެއްކޮށް ކިޔާގޮތް
ތަރިކަ
ނ (1) މަރުވެފައިވާ މީހާގެ މުދާ (2) ކާބަފައިން ދޫކޮށްފައިވާ ތަކެތި
ތަރުމޯޒު
ނ ހޫނުފެން ނުވަތަ ފިނިކޮށްފައި ހުންނަފެން އަޅަން ހަދައިފައި ހުންނަފުޅިއެއް މިފުޅީގެ އެތެރޭގައި ހުންނާނީ ރަހަލާފައެވެ މިފުޅިރައްކާތެރި ކުރުމަށްޓަކައި ބޭރުގައި ޕުލާސްޓިކު ނުވަތަ މައުދަނީ ދޮށިގަނޑެއްހުރެއެވެ
ތަރުތޯރާވުން
މ )ސ ( (1) ހަމަޖައްސައިލުން (2) އިންތިޒާމުކޮށްލުން