radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ފުނޑުފުނޑުވުން
މ (1) ހަރުއެއްޗެއް ބޮޑަށް ހަލާކުވެ ކުދިކުދިވުން (2) މީހަކު ރުޅިއައިސްގެން ހަލާކުވާ ވަރުވުން
ފުނަ
ނ (1) މީރުވަހެއްދުވާ ހުދުމަލެއް އަޅާ ބިޔަކޮށް ހެދޭ ލަކުޑި މޮޅުގަހެއް. (2) ފުނަގަހުގައި އަޅާ އޮށް. (3) ރާގުގެ ހަމައިގެ އިތުރަށް ލެވޭ ދަނޑިވަޅެއް. (4) ބަސް ބުނާއިރު މާނަ ބަދަލުވާގޮތަށް ވައްދާ އިތުރު ބަސް ނުވަތަ އަކުރު. މިސާލު: ލަވަ ފައްލަވަ ކާރު ބޭކާރު
ފުނަފަތި
ނ ރުކުފަތިން ވިޔެފައި އޮންނަ ކުޑަ ދަބަހެއް )މިއީ މަލިކު މީހުން ދުފާއެއްޗެހި އަޅައިގެން ގެންގުޅޭ އެއްޗެކެވެ
ފުނި
ނ (1) އުސްކޮށް ހުންނަ ގޮތަށް އޮއްސައިފައި ހުންނަ އެއްޗެހިތަކެއް މިސާލު: ވެލިފުނި ގާފުނި ދަރުފުނި (2) މީހުންގެ ބައިބައިގަނޑު (3) )ސ ( ރާއެރީން ރުކުގެ އެތުގައި ފުރަތަމަ ލާ އުނބު (4) ގިނަ
ފުނިޖެހުން
ނ (1) އެއްޗެހިތަކެއް މައްޗަށް އުސްވާގޮތަށް މަތިމައްޗަށް އެޅުން (2) ތަނަކަށް އާދަޔާ ޚިލާފަށް ގިނަ ޢަދަދަކަށް މީހުން އެއްވުން (3) މަޖާޒު: މަސައްކަތްތަކެއް ނުކުރެވި ގިނަވެފައި ހުރުން
ފުންނަ
ނ މޫދުގައި އުޅޭ ކުޑަމަހެއް މީގެ ދެވައްތަރެއް ހުރެއެވެ އެއީ ވެން ފުންނަ އާއި މަސް ފުންނައެވެ
ފުންނާބުގައިތެޅުން
މ މަޖާޒު: މީހުންގެ ގާތަށް އުނދަގޫވާ ވަރަށް ކަންކަމާ ހިނގުން
ފުންމާކޯކިޔުން
މ ކުޑަކުދިންގެ ވަކި ޢުމުރެއްގައި އެކުދިން އުފާކޮށް ދިނުމަށާއި އަދި ބައެއް ފަހަރު މަސަލަސް ކުރުމަށް ކުއްޖާ ތަނެއްގައި ބަހައްޓައި ފުންމާކޯ ކިޔަމުން މީގާހެ އަތަށް ފުންމުވުން
ފުންމިން
ނ (1) އަޑިއަށް ހުންނަވަރު. (2) އެތެރެއަށް ހުންނަވަރު. (3) ކަމަކާމެދު ނޫނީ އެއްޗަކާމެދު ޢިލްމީ ރޮނގުން ދިރާސާ ކުރެވިފައިވާ މިންވަރު
ފުރަހަނިޖެއްސުން
މ މަޖާޒު: ޅަކުދީންނަށް މައިމީހާގެ ކިރުނޫން އެހެން ކާއެއްޗެއް ދޭން ފެށުން
ފުރަވީރު
ނ (1) ޖިސްމާނީގޮތުން އެންމެ ބާރުގަދަމީހާ (2) ހަށިގަނޑު އެންމެ ގަދަފަދަ މީހާ
ފުރަމޭވުން
މ މޫނުބޯވެ ބަނޑުބޮޑުވެ މުޅިމީހާ ރީނދޫވުން
ފުރަގަސް
ނ މީހެއްގެ ނުވަތަ އެއްޗެއްގެ ނުވަތަ ތަނެއްގެ ފަހަތް
ފުރަގަސްދިނުން
މ (1) މީހަކަށް ނުވަތަ އެއްޗަކަށް ބުރަކަށި ދިމާވާގޮތަށް އެނބުރުން (2) މަޖާޒު: ކުރަން ޖެހިފައިވާ ކަމެއް ކޮންމެވެސް ސަބަބަކާއި ހުރެ ނުރުހިގެން ނުކޮށް ދޫކޮށްލުން
ފުރިބާރުވުން
މ (1) އެއްޗަކަށް ތަކެތި އެޅެންހުރި އެންމެ ގިނައެއްކޮށް ތަކެތި އެޅުމުން އެވާގޮތްވުން. (2) ތަނެއްގައި ޖާގައޮތް އެންމެ ބޮޑުމިންވަރަކަށް ނުވަތަ އެއްޗެހި ވެއްދުމުން ނުވަތަ ވަނުމުން އެވާގޮތްވުން (3) އުޅަނދަކަށް މީހުންނާއި ތަކެތި އެރުވެންއޮތް އެންމެ ގިނައެއްކޮށް އެރުވުމުން އެވާގޮތްވުން
ފުރިފައިހުރި އެއްޗެއް ގުޑުގުޑެއްނާޅާނެ
)މުސްކުޅިބަހެއް( ސާބިތު ހިތެއްގެ ވެރިޔަކު މީހަކު ބުނާހާ ބަހަކަށް ނުވަތަ މީހަކު ކުރާހާ ކަމަކަށް ނުހެއްލޭނެކަން އެންގުމުގެ ގޮތުން ބުނެއުޅޭ ބަހެއް
ފުރުވާލުން
މ (1) ދަތުރު އެރެހެއްޓުން (2) ތަނަކަށް ދިއުމަށް ދަތުރު ކުރަން ބޭނުންވާމީހާ އެތަނަކަށް ދެވޭނެމަގު ތަނަސްކޮށްދީ ދަތުރަށް ފަށްޓުވައި ދިނުން (3) ތަނަކަށް ދަތުރު ކުރަން އުޅޭ އުޅަނދުގެ ދަތުރަށް ބޭނުންވާ ހުރިހާކަމެއް ހަމަޖައްސުވައިދީ ދަތުރު ފައްޓުވައި ދިނުން (4) ބޮނބި އޮޑިއާއި ކަނދުދޯންޏާއި ބޮނބިގަނޑެއް ފަދައެއްޗެއް ދަތުރު ކޮށް ފައިދާން ދޫކޮށްލުން (5) ބައްސާލުން މިބަހުގެ 1 ވަނަ މާނަ ބަލާ!
ފުރުދެވި
ނ )ސ ( އަމިއްލަ އެދުމުން ފުރިފައިވާ މީހާ
ފުރެއްދެވެހިން
ނ (1) ރާއްޖޭންބޭރު މީހުން (2) ބިދޭސީން
ފުރޭނުން
މ (1) ދިޔާ އެއްޗިއްސާއި ހިކިތަކެތި ފުރޭންޏަށް ނުވަތަ އެފަދަ އެއްޗަކަށް އަޅައިގެން ރާޅުބަޔާއި ހިމުން ބައި ވަކިކުރުން. (2) ދިޔާ އެއްޗިއްސާއި ހިކިތަކެތި ފުރޭންޏަށް ނުވަތަ އެފަދަ އެއްޗަކަށް އަޅައިގެން ކަމުދާ ބަޔާއި ކަމުނުދާ ތަކެތި ވަކިކުރުން. (3) މީހުންތަކެއް ނުވަތައެއްޗެހި ތަކެއްގެ ތެރެއިން ވަކިބަޔެއް ހޮވައި ވަކިކުރުން (4) ބައެއްގެ ތެރެއިން ފޭދިގެން ގޮސް އެބަޔަކާ ވަކިވުން