radheef.info
ރަދީފު


ނާ
ނ (1) ނައު. (2) ނަވު. (3) އކ. ސުވާލާ ދެކޮޅަށް ދޭޒުވާބު. ނުވަތަ ޒުވާބުގެ ކުރީގައި ބުނާ އަކުރެއް. މިސާލު: "ކަލޭނުކާނޫތަ؟" އެހީމާ "ނާ" ބުނެފިނަމަ އެބުނީ ކާނަމެވެ. މިއަކުރު ޒުވާބުގެ ކުރިއަށް ގެންނަ ގޮތަކީ "ކަލޭނުކާނޫތަ؟" އެހީމާ "ނާ" ކާނަންމިއެވެ. (4) ޗާނދާލައިފައި ހުންނަ ހަތަރެސްކަން ރިޔާ ނުވަތަ ގޯސީނަގައިގެން ދުއްވާތަކެތި. (5) ބައެއް ބަސް އެބަހުގެ އިދިކޮޅު މާނައިގައި ބޭނުންކުރާއިރު ބަހުގެ ކުރިއަށް ގެންނަ އަކުރެއް. މިސާލު: ނާއުންމީދު ނާތަހުޒީބު
ލޭ
ނ ދިރޭ ތަކެތީގެ ހަށިގަނޑުގެ ނާރުތަކުގެ ތެރޭގައި ހިތާއި ފުއްޕާމެޔާ ގުޅިގެން ހިނގާ ރަތްކުލައިގެ ދިޔައެއް
ލޭހިފުން
މ ލޭމަނާވުން
ލޭހޮޅި
ނ ލޭހިނގާ ފަލަ ނާރު
ލޭނާރު
ނ (1) ލޭހިނގާހޮޅި (2) ހިމަނާރު
ލޭނާރުހިލުން
މ ލޮލަށް އެއްޗެއް ވެއްޓިގެން ނުވަތަ އެހެންވެސް ސަބަބަކާހުރެ ލޯހިރުވުމުގެ ސަބަބުން ލޮލުގެ ތެރެއިން އުފުލޭ ރަތްކުލައިގެ ނާރުތައް އުފުލުން
ލޭނު
ނ (1) ކަނޑުގައި ދެކޮޅަށް ދެބޮއިލައިފައި މަސްހިފުމަށް އަޅައިފައި އޮންނަ ނަނުބައި. މީގައި ހުންނާނީ ތަންތަންކޮޅުން ފުރާވަރު އެލުވައި އޭގައި މިޔަވާލި ހަރުކޮށް ބުޅިލައިފައެވެ. (2) ކަރަންޓުލުމަށް ނުވަތަ ޓެލެފޯން ލުމަށް ދަމައިފައި އޮންނަ ނަރުބައި
ލޭބަލު
ނ (1) އެތެރޭގައި ހުރި އެއްޗެއް ބަޔާންކޮށްދިނުމަށް ބޭރުގައި ތަތްކޮށްފައި ހުންނަ ލިޔުންކޮޅު (2) ތައްޔާރީ ހެދުމުގައި ހެދި ތަނާއި ފޭރާމުގެ ބާވަތާއި ސައިޒު އަންގައިދިނުމަށް ހަރުކޮށްފައި ހުންނަ ލިޔުންކޮޅު
ލޭބޯފަނި
ނ ވައިގައި ތެތްކަންކުޑަ ވަކިމިންވަރަކަށް ފިނި ސަރަޙައްދުގެ ވިނަ އާއި ތިރިގަސްތަކުގެ ތެރޭގައި އުޅޭ ފަންޏެއްެ. މިފަނި ހަރަކާތްތެރިވަނީ އޭގެ ދެކޮޅުޖައްސާ ހިންދެމޭގޮތަށް ފިރުކިގެންނެވެ. މިފަނި އިންސާނުންގެ ހަމުގައިޖެހުމުން ލޭބޮއި ހަދައެވެ. މިފަނި އިންސާނާގެ ހަށިގަނޑުން ނައްޓުވައިލަން އެންމެ ފަސޭހަގޮތެއް ކަމަށް އެނގިފައިވަނީ ގަދަކޮށް ގިރައިފައި ހުންނަ ލޮނުތިއްކެއް ޖައްސައިގެން ނުވަތަ ސައިބޯނި ލައިގެންނެވެ
ލޭކިހުނު
ނ ކިހުނުގެ ބާވަތެއް މިބަލީގައ ކުޑަކަމުދާއިރު ލޭ އަންނާނެއެވެ
ލޭއަރުވައިލުން
މ ޖެހިޖެހީނުން ލޮލުން ލޭނާރު ހިލުވައިލުން
ލޭފިތް
ނ ދުވަނީގެ ބާވަތެއް މިހުންނާނީ ބިހިތަކެއްހެން ލޭކުލައިގައެވެ މިއަށް ފަރުވާއެއް ނުލިބި ގިނަދުވަސް ވެއްޖެނަމަ މިތަން ފާރުވެދާނެއެވެ
ލޭފޭބުން
ބަލިވެއިންނަ އަންހެނާއަށް ޖެހޭ ބައްޔެއްގެ ސަބަބުން ކުރިމަތި ފަރާތުން ލޭއޮހޮރުން
ލޭދަށަށްދިއުން
މ އިންސާނާގެ ހަށިގަނޑުގެ ތެރޭގައި ލޭ ހިނގުމުގެ ބާރުމިން ހުންނަންވާ ވަރަށްވުރެ ދަށްވުން
ލޮނދިވަކަ
ނ ވަކައިގެ ދަނޑިޔާ އެންމެ ކައިރިއަށް ހުންނަ ތުނި ފަށް މިއީ ކުނާ ވިޔުމަށާއި ހިމަނަނު އެޅުމަށް ބޭނުންކުރާ އެއްޗެކެވެ
ލޮނުހަކުރު
ނ މީރާގައި ހިލައިފައި ކުޑަކޮށް ލޮނުލައިފައި ހުންނަ ހަކުރެއް މި ހުންނަނީ އަވީލައިގެންނާއި ދުމަށީގައި ޖަހައިގެން ހިއްކައިފައެވެ މިއީ ގަނޑުގަނޑަށް މުރަނަކޮށް ތަތްކޮށް ހުންނަ ހަކުރެކެވެ
ލޮނުހުނި
ނ ލޮނާއި ފެނާއި ކާށި ހުނިއެއްކޮށްގެން ތައްޔާރުކުރާ ލައިގެންކާ އެއްޗެއް
ލޮނުހުރުން
މ މަޖާޒު: (1) ފޯރިހުރުން (2) ޖޯޝްހުރުން (3) ޙަރަކާތްތެރިކަން ހުރުން (4) ޖިންސީ އެދުންވެރިކަމުގެ ތެރޭގައި ޖޯޝާއެކު ޙަރަކާތްކުރުން )މިބަސް ބުނެއުޅެނީ އަންހެނުންނާ މެދުގައެވެ
ލޮނުބޯދި
ނ )މ ( ބޯދީގެ ބާވަތެއް މިއެމުގެ އެތެރެ ހުންނާނީ ބިއްލޫރި ކޮޅެއް ހެންނެވެ އެތެރޭގެ ކަށިވެސް އެނގޭގޮތަށެވެ މިއީ ވަރަށް ކުޑަ އެމެކެވެ
ލޮނުފެން
ނ (1) ލޮނުގެ ރަހަދޭ ފެން (2) ހޮޑުލައި ބޭރަށް ހިންގާ މީހުންނަށް ފަރުވާއެއްގެ ގޮތުގައި ދޭފެނެއް މިފެނަކީ މިލަފޮނި ރަހަލާވަރަށް ހަކުރު ކޮޅަކާއި އެހާ ލޮނުކޮޅެއް އަޅައިގެން ސާފުފެނުގައި ތައްޔާރުކުރާ އެއްޗެކެވެ (3) )ނ( މަސްނުލިބުމުން ލޮނާއި ފެނާއި މިރުހާއި ފިޔަޔާ އެއްކޮށްގެން ތައްޔާރުކުރާ ލައިގެން ކާއެއްޗެއް
ލޮނުލުނބޯ
ނ ލޮނާއި ކަޅުދިރިއާ އަޅައިގެން ސީރާ ކޮށްފައި ހުންނަ ލުނބޯ