radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ވައިގަސް
ނ ސާފުވައިމަޑުއިރަށް އުޑުމަތީން ދުންކުލައިގެ ގަހެއްގެ ސިފައިގައި ފެންނަ ވިލާފަށް މިގަހުގެ ބުޑުހުންނަ ދިމާއިން ވައިޖެހޭނޭކަމަށް ބުނެއެވެ
ވައިގުޅިޖެހުން
މ "ވައިގުޅީ" ގައި ބަޔާންކޮށްފައިވާ ގޮތަށް ޢަމަލުކުރުން މީގައި ގުޅީގެ ބަދަލުގައި ކައިރިފަށް ބޯކޮށް ހުންނަ ތަށިވެސް ޖަހައި އުޅެއެވެ ފޮތިކޮޅަކަށް ވެލިއަޅައިގެން ބަނދެފައި އޭގެކޮޅު ކާށި ތެލުން ތެންމާ ރޯކޮށް ބަނޑުމަތީގައި ބަހައްޓައިފައި އޭގެމަތިން ގުޅިއެއްޖެހުން މިކަންކުރަނީ ބަނޑުގައި ވައިހެދިގެން ރިއްސާތީއެވެ
ވައު
ނ (1) މޭވާފަދަ އެއްޗެހީގެ ދިޔަ ބޮއިގެން އުޅޭ ރޭގަނޑަށް އުދުހޭ ޖަނަވާރެއް. މި ގަސްގަހުގައި ތިބޭނީ ފިޔަގަނޑުގައި ހުންނަ ބުޅި ގަނޑެއް އަޅުވައިގެން ބޯތިރިއަށް އެލުވައިލައިގެންނެވެ. (2) ރޯނު ވަކަ ސުތުލި ފަދަ އެއްޗިހީގެ ދެއުޅިއަށްވުރެ ގިނަ އުޅީގައި މާރަށްވުރެ ފަލަކޮށް ދިގުކޮށް އަޅައިފައި ހުންނަ އެއްޗެއް. (3) އުނދޯލި އެލުވައިފައި ހުންނަ ފަށް. (4) އޮލަ ނުވަތަ ތަތް އެއްޗަކުން ނުކެނޑިދެމޭ ފަށް. (5) ބައެއް ބާވަތުގެ ފަންޏާއި ގިނަ ބާވަތް ބާވަތުގެ މަކުނު ދޫކުރާފަށް. (6) އެގޮތް މިގޮތަށް ބޯކޮށް ގަސްހެދިފައި އޮންނަތަން. (7) ބައްޔެއްގެނަން. މިބަލީގައި ވާގޮތަކީ ބަލި ޖެހުނު ގުނަވަނެއްގެ ބާރު މުޅިން ނެތެނީއެވެ. )ނއ.( (8) ތެދަށް ނުހުންނަ. (9) ލެނބުން ހުންނަ. މިސާލު: ވައު އިލޮށި
ވައުބަލި
ނ ހަށިގަނޑުގެ ގުނަން ގުނަނަށް ޖެހޭ ބައްޔެއް މިބަލީގައި ވާގޮތަކީ އެގުނަވަނުގެ ބާރުމުޅީން ނެތެނީއެވެ އަދި އެގުނަވަނުގެ ބާރުނެތުނީމާ ދުވަސްކޮޅަކުން ހިމަވެސްވެދެއެވެ
ވައުއެޅުން
މ (1) ވަލެއްގެ އުޅިތައް އެއްކޮށް އެނބުރުން (2) އޮޑިދޯނިފަހަރު އަޅާއިރު ވަލުން ހައްޔަރުކުރުން (3) މަޖާޒު: ތިމާ ކުރިކަމެއް ބަދަލު ވެގެން ދިޔަނުދިނުމަށްޓަކައި އެކިގޮތްގޮތުން ގަދަހޯދުން
ވައުވަނުން
މ މަޖާޒު: (1) މަގުއޮޅުން. (2) ދެވޭ ނުދެވޭތަނެއް ނޭގުން. (3) ޙަޤީޤަތް ނުފިލައިހުރެ ޙަޤީޤަތް ފިލައްޖެކަމަށް ހީވެގެން އުޅުން. (4) ހެޔޮ ކަމަކަށް ނުބައިކަމެކޭ ހީވުން ނުވަތަ ނުބައިކަމަކަށް ހެޔޮކަމެކޭހީވުން
ވައުވެއްދުން
މ މަޖާޒު: (1) މަގުއޮޅުވައިލުން (2) ވައު ވަންނާނޭގޮތްހެދުން (3) ހެޔޮނުބައި އޮޅުވައިލުން
ވައުފަށް
ނ (1) ރޯނު، ވަކަ، އުއިފަދަ އެއްޗެހީގެ ފަށް (2) އެލިފައި ހުންނަ ފަށް (3) އުނދޯލި އެލުވާން ޖަހައިފައި ހުންނަ ވައު (4) މަޖާޒު: ގުޅުން
ވައުދެމުން
މ (1) އޮލަ ނުވަތަ ތަތް އެއްޗެހިން ވަކިކޮށްލާބައި މެދުނުކެނޑި ފަށެއްހެން ހިމަވަމުން ދިއުން (2) ވަލެއްގެ ދެކޮޅުގައި ދެމީހަކު ނުވަތަ ބަޔަކު ހިފައިގެން ތިމާހުރި ކޮޅަށް ގެންނާން ބާރުލުން މިއީ ވާދަޔަށް ކުޅޭ ކުޅިވަރެކެވެ (3) މަޖާޒު: ކުރާން އުޅޭ ކަމެއްނުވެ ލަސްވަމުން ދިއުން
ވައްބިމެލުން
މ )ޏ ( އުދަލިން ނުވަތަ އޮޑަލުން ފަސްގަނޑު ޖެހުން
ވައްކަށްކުރުން
މ (1) އަނެކެއްގެ އެއްޗެއް އެމީހާއަށް ނޭނގި ވަންހަނާގައި ނެގުން (2) މަޖާޒު: ސިއްރުކަންތައް ކުރުން
ވައްކަން
ނ (1) އަނެކެއްގެ އެއްޗެއް އެމީހާއަށް ނޭނގި ސިއްރުން ނަގާ ނެގުން (2) މަޖާޒް: ސިއްރު ކަންތައް
ވައްކަކުޅު
ނ )ގ.( (1) ވައްފުފުޅި މިބަސް "ވައްކަކޮޅެ" މިހެންވެސް ކިޔައެވެ (2) ދޮންދޫނީގެ ތެރޭގައި ފިޔައިގައި ކަޅުތިކެއްޖަހައިފައި ހުންނަ ވައްތަރުގެ ދޮންދޫނި
ވައްކޮރު
ނ އޮޑިދޯނިފަހަރުގެ ވަކުބުޑުގައި ޖަހާ ފަންގަނޑު
ވައްވައްޖެހުން
މ (1) ކުއްތާ ރުޅިއައިސްގެން ގޮވުން. (2) ރުޅި އައިސްގެން މީހަކާ ދިމާޔަށް އެއްޗެހި ގޮވަން ފެށީމާ އެމީހާ އެއެއްޗެތި ގޮވާމީހާ ނިކަމެތި ކުރުމުގެ ގޮތުން ބުނާގޮތެއް މިސާލު: އޭނާ މަށާ ދިމާއަށް "ވައްވައްޖަހަނީ" އެވެ
ވައްތަރުޖެއްސުން
މ (1) ސިފައިގައި އެއްގޮތްކުރުން (2) އެއްޗަކާ އެއްގޮތްވާނޭ ސިފަ ގެނައުން (3) ހުތުރު ސިފަސިފަ ޖައްސައި ހުތުރު ވައްތަރު ދެއްކުން ގިނައިން ވައްތަރު ޖައްސަނީ މޫނާއި އަތްފައިންނެވެ
ވައްތިރި
ނ )ޏ.( (1) އަންހެނުންގެ ހެދުމުގެ ފަތިނުޖަހާ ވަށްކޮށް ހުންނާނެހެން ކަނޑައިފައި ހުންނަ ތިރި (2) )ޏ( ވައްތިޔަރަ
ވައްލަހިފަމުންދިއުން
މ މަޖާޒު: ބަޔަކު މީހުނާ އެކުގައި ކަމެއްކުރާން އުޅެފައި އެހެން މީހުނަށް ތިމާ ދަނީކަން ނޭގޭގޮތަށް ދުރުދުރުގައި އުޅެމުން ފިލަފިލައިގެން ގޮސް އެތަނުން ނުމެގެން ދިއުން
ވައްގަނޑު
ނ (1) އިހާގޮނޑީން ފަޅައިފައި ހުންނަ ތަންތަން. ގޮބޮޅިޔާއި އެތުމައުގެންފައި ހުންނަނީ މީގައެވެ. (2) ފުރާދުއްވާ ތަކެތީގެ ދެ ބަނޑުފިލާ އެއްކުރާން އަޅާ ދެފައިކައްޓަށް ހުންނަ އެއްޗެހި އެއީ މިގޮތަށް ދެފައިކައްޓަށް ހަރުކުރާން ހުންނަ ކޮންމެ އެއްޗެކެވެ (3) އުރަމަތީގެ ކުރީގައި ހުންނަ ކިރު ނުކުންނަ ތަންކޮޅު (4) ކިރު ހުންނަ ޖަނަވާރުގެ ކިރު ހުންނަ ގުނަވަން (5) ކުރާ ފަދަ އެއްޗެހީގައި ފެން އޮހޭން ހުންނަ ތަން (6) ބިލެތު ދާމުލުން ފަޅައިފައި ހުންނަގޮފި
ވައްޓައިލުން
މ (1) ތިރިއަށް އަންނާނޭހެން ދޫކޮށްލުން (2) ވެއްޓޭނެ ގޮތް ހެދުން މަޖާޒް: (3) މީހަކު ހުރި ވަރަށްވުރެ ދަށުދަރަޖައަކަށް ބޭލުން (4) ދެރަކޮށްލުން (5) އަގުދަށްކޮށްލުން