radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
އަރާ
ނ (1) ހަތަރެސްކަން ރިޔަލުގެ ފަރުމާނު (2) މީހުންނަށް ހާނީއްކަ ދިނުމުގެ ގޮތުން ދެއަތް ދަމައިފައި އަތުގައި ބަންނަ ދަނޑި ގަނޑު (3) އެރުމަށްކުރާ އަމުރު
އަރާރިހި
ނ ދަނޑިޔާ ދާ ހަނގުބޭކަލުން ރަށްރަށަށް އެރީމާ ދޭންވާ ލާރި މިއީ އިހުގައި ކުރާ ކަމެކެވެ
އަރާބާރު
ނއ (1) ހެދިބޮޑުވަމުން އަންނަ (2) މަޖާޒު: ނަސީބުކުރިޔަށް ހުރި
އަރާމަތި
ނ (1) އެންދަމާއިރު ދަލުގެ އޮޑިއާ ދުރަށް އޮންނަ ފަރާތް (2) ރިޔަލުގެ ފަރުމާނުގައި އައްސާ ފަރާތް
އަރާމަތީންވައުއުކުން
މ ހަމަ ރިޔައު ނަގާ އެއްޗެތި ގަދަވެގެން އުޅޭއިރު ފަރުމާނު ތިރިކޮށް ރިޔައު ހިފެހެއްޓުމަށްޓަކައި ފަރުމާނު މަތިން ވައުލައްވައިފައި އޮޑިއަށް ހަރުކުރުން
އަރި
ނ (1) ކެޔޮގަނޑުގެ ވައްތައް ހިމެނިފައި ހުންނަ ބައިބައި. (2) ފިރިހެނުންލާ މުސްކުޅި ލިބާހާއި އަންހެނުންލާ ބޯވަޅުއަޅާ ލިބާހުގެ ދެބަދަންނޫން ދެފަރާތުގައި މަތިހަނިކޮށް ތިރިފުޅައުކޮށް އޮންނަ ފޮތިގަނޑު (3) ބައެއްތަކެތީގެ އެއްފަޅި (4) އެއްބައި ނުކައްކައި އޮންނަ ކަނޑުމަސްގަނޑެއް (5) ފޮތުގެ ޞަފުޙާ (6) ކުރިމައްޗާއި ފުރަގަސްހުރި އެއްޗެއް އެނޫން ފަރާތަކަށް ޖެހިފައިވާ ޖެހުން (7) ބިލެތާއި އަދިވެސް ބައެއް ފަތުގެ ދެފަޅިކޮށް އެއްފަޅި (8) ނއ ތެދުނޫން (9) ސީދާނޫން
އަރިނެގުން
މ (1) ހިނަވާއިރު މައްޔިތާ އަރިޔަށް ޖެހުން (2) އުދުހޭ އެއްޗެހީގެ ފިޔައިގެ ފަތުގެ ކުރީން ތަންކޮޅެއް ބަހައްޓައިފައި ދެން ހުރިބައި ނޮޅައިލުން (3) އެއްފަޅިނެގުން
އަރިބިއްކައްޓަށް
ކއ (1) އަރިޔަށް އަރިޔަށް (2) ކަން ކުއްޗަށް
އަރިކަށީކަށި
ނ މައިކަށީން ފެށިގެން މޭކަށިގަނޑަށް ކޮޅުތައް ހައްޔަރުވެފައި ހުންނަ ކަށިތައް
އަރިކަށީވިދުން
ނ އަރިކައްޓަށް ކުއްލިއްޔަކަށް އަރާ ގަދަ ތަދެއް މިތަދު ހުރިއްޔާ ކިނބިއްސެއް ނޭޅޭނެކަމަށް ބުނެއެވެ
އަރިކަނޮޅި
ނ ނިތްގަނޑު މިއަރާ ދާދި އެއްވައްތަރަކަށް ހުންނަ މިޔަރެއް
އަރިއަށްނެގުން
މ ހިނަވާއިރު މައްޔިތާ އަރިކުރުން
އަރިޔަށްޖެހުން
މ (1) ފަތިއެއްޗެއްގެ ހަނިކައިރި ދަށަށް ވާނޭހެން ބެހެއްޓުން (2) ފުލާއި އަނގަޔާ ހުންނަ ތަކެތި ބިތަށް ބޭއްވުން
އަރިޔަން
ނ ބޮމަކަނދުގައި ހިއްޕައިގެން ލިޔާ ލިޔުމުގެ ނަން
އަރިޔަންލިޔުން
މ ބޮމަކަނދުގައި ހިއްޕައިގެން ލިޔުން
އަރިޖެހުން
މ )ސ ( (1) އެއްފަރާތަށް އަރިވުން (2) އަރިޔަށް ކޮނޑުންކޮއްޕުން (3) ބަނބުކެޔޮ ކަހަލަ އެއްޗެއް ފަޅައިލައިފައި ފޮތި ފޮއްޗަށް ކެފުން
އަރުވައިލުން
މ ކުރާބައެއް ބާވަތުގެ ކުށަށް ޝަރީޢަތުގެ ފަރާތުން ނުވަތަ ސިޔާސަތުގެ ފަރާތުން އެކުށް ކުރި މީހާގެ ވަޒަން ނޫން ރަށަކަށް ފޮނުވައިލުން އަރުވައިލުން ހުންނަނީ ކިތަންމެ ދަރަޖައަކަށެވެ
އަރުވާހިފުން
މ (1) ހިފުމުގައި ބައްދާފައި ހުރިތަނުން ކުރިޔަށްގެންގޮސް ހިފުން (2) ތިމާގެ ބާރުގަދަ ކުރަމުން ކުރިއަރުވަމުން ގެންދިއުން (3) ބައްޔެއް ފަދަ ކަމެއް ފެތުރެމުން ދިއުން
އަރުމާޒުލަވަ
ނ ބޭފުޅުން ކަނޑުބޭރުފުޅުކުރާ ދުވަސްދުވަހު ނުވަތަ ބޭފުޅަކު ޢިއްޒަތުގައި ދަތުރަށް ނުވަތަ ދަތުރުން އަރާވަޑައިގަންނަވާ ދުވަހު އޮޑިކޮޅުގައި ފުމޭ ލަވަތަކެއް މިލަވަތައް ފުމޭނީ ކަނޑިންމައާއި ބަނދަރާއި ދޭތެރޭ އޮޑިކޮޅު ޖަހައި ހަތްހޭރިޔާއިން ކޮންމެ ދެހޭރިޔާ ދޭތެރޭ " ހޭރިޔާ" އެވެ ކިޔާ ލަވައަކަށް ފަހުގައެވެ
އަރުދު
ނ ތިންމައިގަނޑު ވިޔަ ހަދާއިރު ހަމައެކަނި ގުނަކޮށްގެން ޖަވާބު ހޯދާ ގޮތަކަށް ކިޔާނަމެއް މިސާލު: ފަސްލާރިއަށް ދެވައްކެޔޮ އަގުން ބާރަވަކަށް ވާނޭ އަގު ހޯދާނަމަ ފަންސަވީހާއި ބާރަޔާއި ގުނަކޮށް ނިކުތް އަދަދު )ތިންސަތޭކަ( ކަނާތް ފަރާތުން އެއް އަކުރު ކަނޑާލީމާ އޮންނާނީ )ތިރީސްލާރިއެވެ ( މިއީ ބާރަ ވަކަށް ވާނޭވަރެވެ