radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ފިޔަވަޅުމަތީ ފިޔަވަޅުއެޅުން
މ މަޖާޒު (1) މާމަޑުމަޑުން ހިނގުން މިސާލު: އޭނާ އެދަނީ ފިޔަވަޅުމަތީ ފިޔަވަޅު އަޅަމުންނެވެ (2) މީހަކާ ނުވަތަ ބަޔަކާ ތަބާވެގެން އުޅުން
ފިޔަލަ
ނ ކަނޑުގައި އުޅޭ ފަރުމަހެއް. މިއީ ފަތިދިގުކޮށް ހުންނަ މަހަކެވެ މީގެ ކޮތަރި ބޮލުން ފެށިގެން ނަގޫފަތާ ހަމަޔަށް ހުންނާނެއެވެ
ފިޔާ
ނ ކާ ތަކެތީގެ ރަހަމީރު ކުރުމަށާއި ބޭހަށް ބޭނުންކުރާ ތަރުކާރީއެއް މިއީ ބިމުގެ އަޑިއަށް ފައިބާ އެއްޗެކެވެ މީގެ ބޮޑެތި ބާވަތާއި ކުދި ބާވަތް ހުރެއެވެ
ފިޔާދާ
ނ (1) ފިޔާ ދާގަނޑު (2) ކަރުދާހުން ކަފައިގެން ފިޔާދާގަނޑާއި އެއްގޮތަށް ހަދައިގެން އެލުވައި އުޅޭ އެއްޗެއް (3) ބިންމަތީގައި ހަނގުރާމަ ކުރާމީހާ
ފިޔާތޮށިކުލަ
ނ (1) ރަތްކުލަ ފަނޑުވަމުންގޮސް އެންމެފަހުން ހުންނަކުލަ (2) ފިޔާގެ ތޮށީގައި ހުންނަ ކުލަ (3) ޤައުމީ ފިނިފެންމަލުގެ ކުލަ
ފީހޮވުން
މ (1) އެއްޗެހިތަކެއްގެ ތެރެއިން ކަމުނުދާ އެއްޗެހި ވަކިކުރުން (2) މަޖާޒު: މީހުންތަކެއްގެ ތެރެއިން ކަމުނުދާ މީހުން ވަކިކޮށްލުން
ފީނާހެދުން
ނ (1) ފީނާ މީހުން އަޅަން ތައްޔާރުކޮށްފައި ހުންނަ ޚާއްޞަ ހެދުމެއް (2) ފީނާ އުޅުން
ފީނާމީހުން
ނ ކަނޑުފަޅުގެ އަޑިއަށްގޮސް އުޅޭ މީހުން
ފީރު
ނ އެއްޗެހި ގާނައި އޮމާންކުރުމަށާއި ހުނިގޮނޑި ތިލަ ކީސް ފަދަ ތަކެތި ތޫނު ކުރުމަށްޓަކައި އެކަތައިން ހަދައިފައި ހުންނަ ހަތިޔާރެއް. މީގެ ދެތިން ހަތަރު ވައްތަރެއް ހުރެއެވެ. މިސާލު: ތިންއަރިފީރު އޮނުފަޅިފީރު ފަތިފީރު ގަސްގާނާފީރު
ފީރޯޒު
ނ އަގުހުރި ހިލައެއް. ޢާއްމުކޮށް މީގެ ކުލައަކީ ފެހިކުލައެވެ. މި އަގޮޓީގެ އެހަށާއި ފަށުފުލަށް ބޭނުންކުރެއެވެ
ފީކަޅާހެދުން
މ ހެއްވާ މީހަކަށް ހެދިގެން އުޅުން
ފީވުން
މ (1) ލަކުޑިއާއި މައުދަނުގެ ތަކެތި ބާވެ އެތަކެތީގެ ބާރުދިޔުން (2) މޭވާއާއި ގޮވާން ފަދަ ތަކެތި ގިނަދުވަސް ވެގެން ބޭނުން ނުހިފޭ ވަރަށް ހަލާކުވުން (3) ކުޑަކުދިން ރުޅިގަދަ ވެފައި ފިނޑިވުން (4) ބިސްފީކުރާ ދުވަސްވަރު ކުކުޅަށްވެފައި ހުންނަ ގޮތްވުން (5) މަޖާޒު: ވެރިކަމާއި ޢާއިލާ ތަކާއި މީހުންގެ ބާރުކެނޑުން
ފީތާ
ނ (1) ތެޔޮއަޅައިގެން ބޭނުންކުރުމަށް ހަދައިފައިވާ ބައްތި ދިއްލުމަށާއި އުނދުން ރޯކުރުމަށް ރޮދި ނުވަތަ އުއި ބޭނުންކޮށްގެން ވަށްކޮށް ނުވަތަ ފަތިކޮށް ދިގުކޮށް ތައްޔާރު ކޮށްފައި ހުންނައެތި. (2) ފިލްމުރޯލު. (3) މިންއެޅުމަށްޓަކައި ފޫޓުން ނުވަތަ މީޓަރުން މިންއަންގައިދިނުމަށް ހަދައިފައިވާ ފަތިކޮށް ދިގުކޮށް އޮންނަ އެއްޗެއް (4) ފީތާފޮށީގެ އެތެރޭގައި ދަގަނޑު ނަރުން ކައިރި ކައިރީގައި ބަންދު އަޅައިފައިވާ ދިއުޅި
ފީލުބާގައިމީހުން
މ ގެފުޅު މުގުރާން ދިޔަމީހުން
ފުށަހި
ނ އަތްކަން ކުރާމީހުން ތައްގަނޑަކަށް އަޅައިގެން ގޮށެއްގެ ސިފައިގައި ހަދާ އެއްޗެއް. މިނަމޫނާއަށް އަނގޮޓިއާއި ގަމީހުގެ އަތުކުރީގައިލާ ގޮށްފަދަ އެއްޗެހި ހަދައެވެ
ފުށް
ނ (1) ގޮވާމާއި އެނޫންވެސް ތަކެތީގެ ހިމުން ކުނޑި (2) ގައިގައި ޖެހުމަށް ތައްޔާރުކޮށްފައި ހުންނަ މީރުވަސްދުވާ ވަރަށް ހިމުން ކުނޑިއެއް (3) ފަރާތް މިސާލު: އޭނާގެ ފުށުން )އޭނާގެ ފަރާތުން( (4) ކިބަ މިސާލު: އޭނާގެ ފުށުން )އޭނާގެ ކިބައިން( (5) ބިތެއް މިސާލު: އެއްޗެއްގެ ފަރާތެއް (6) މުއި
ފުށްދީފައިދިއުން
މ (1) ކޮކާ އަތުގައި ޖެހުމާއިއެކު ނުހިފިދިއުން އޭރުހުންނާނީ ކޮކާލުގެ ފުށް އަތުގައި ހޭކިފައެވެ (2) މަޖާޒު: ޝަހްވާނީ އެދުމުގައި އަންހެނަކާ ބައްދަލުވާ އިރަށް ފިރިހެން މީހާގެ އެދުން ފުދުމުން ފިރިހެން މީހާ ދާދިއުމަށް ބުނެއުޅޭ ބަހެއް
ފުށްގަހުގުރާ
ނ (1) ޑިންޑިން ކޮވެލި ފާޑަށް އިންނަ އެއަށްވުރެ ކުޑަ އެއްގަމު ދޫންޏެއް (2) މަޖާޒު: މާގިނައިން ފުށްޖަހައިފައި ތިބޭ މީހުންނަށް މަލާމާތުގެ ގޮތުން ބުނެއުޅޭ ބަހެއް މިސާލު: ހީވަނީ ފުށްގަހު ގުރައެއް ހެންނެވެ (3) ސަމައްތަރު ހެޔޮ ޗާލު އަންހެން ކުއްޖެއްގެ ރީތިކަން ބަޔާން ކުރުމަށް ބޭނުންކުރާ ބަހެއް
ފުނޑަނިން
ނ ބދ ފުނޑާމީހުން
ފުނޑުވުން
މ (1) ވަޅޯމަސްގަނޑެއް ފަދަ އެއްޗެއް އަތުން ވަކިވަކި އެތިކޮޅުތަކަކަށް ހަދައިލުން (2) "ފުނޑުން" މިބަސް މީހަކުލައްވައި ކުރުވުމުގެ މާނައިގައި ބޭނުންކުރުން (3) ހަރުއެއްޗެއް އަތުން ކުދިކުދިކޮށް ވަކިވަކި ކުރުން