radheef.info
ރަދީފު


ބަ
އ އައްބަ
ކީމިޔާ
ނ (1) މާއްދާއެއް އެކިގޮތްގޮތަށް ބަދަލުކޮށްގެން އޭގައިވާ ޚާއްޞަ ތަބީޢަތް ހޯދަން އެނގޭ ޢިލްމު (2) ހެދިކާގެބާވަތެއް މިއީ ފުށްގަނޑު މޮޑެ އެތެރެޔަށް މަސް އަޅައިގެން ތެލުލައިފައި ހުންނަ ކުޅި ހެދިކާ އެއްޗެކެވެ
ކީމިޔާކެއްކުން
މ ބޭހެއްޖަހއިގެން ލޮއިރިއްސަށް ނުވަތަ ރަނަށް ބަދަލު ވާނެކަމަށްހީކޮށް އެކަމަށް މަސައްކަތް ކުރުން
ކީތު
ނ އޮޑިފަހަރުގެ ދެތާދޭތެރޭ ކުނބުން ދިރުބަލުގައި ހުންނަގޮޅި
ކީސާ
ނ ފައިސާއާއި އަގުމާތް ތަކެތި އަޅާން ގެންގުޅޭ ކޮތަޅު ނުވަތަ ދަބަސް
ކީސާކުރުން
މ (1) މަޢުދަނީ ފައިސާ އާއި ޖަވާހިރުފަދަ ތަކެތި ކޮތަޅަށް އަޅައި ބަނދުކުރުން (2) މުދާ ވިއްކައިފައި ފައިސާއަށް ހެދުން
ކީސްފިލާ
ނ ގަސްގަނޑުނުލައި ހެދޭ ގަހެއް މިއީ ފަނެއްގެ ދެފަރާތުގައި ފަންވަތްތައް ހުންނަހެން ތަނޑެއްގެ ދެފަރާތުގައި ހިމަދިގު ފަތްތަކެއް ހުންނަ ގަހެކެވެ މިފަތުގެ ދެފަރާތްހުންނާނީ ކީސްތުނޑުބަރިއެއް ހެންނެވެ
ކުށުންބަނޑުގައި ރިހުން
މ މާބަނޑުމީހާ ވިހަން ނުވަނީސް ވިހެމުގެ އަލާމާތެއް ނުފެނި ބަނޑުގައި ރިހުން
ކުށުވެރިކަން
ނ (1) ފަންޑިތައިން ނޫނީ ފަސޭހަނުވާނޭ ކަމަށް ހީކުރާ ބަލިބަލި. (2) ޖިންނި ފުރޭތަ ފަރާތުން ޖެހޭކަމަށް ބުނާ ކަންތައް
ކުށުސަޖިދަ
ނ ނަމާދުގައި ބައެއްކަހަލަ ކުށް ކުރެވުމުން ޖަހަންޖެހޭ ސަޖިދަ
ކުށްޓަރި
ނއ އެކިއެކި ކަންތަކާ ވާކުށްވެރި މިބަސް ގިނައިން ބޭނުންކުރަނީ ކުދިކުދި ކުށުން ކުށްވެރިވީމައެވެ
ކުނބުރު
ނ (1) ކަޅުރަތް ކުލައިގެ ފަތިކޮށް ވައްކޮށް ހުންނައޮށެއް. މީގެ މަދު ބޭހަށް ބޭނުންކުރެއެވެ. މިއީ ވެލެއްގައި އަޅާ އެއްޗެކެވެ. މިވެލުގެ ފަތް ހުންނަނީ ވަށްކޮށް ގޮނިކޮށެވެ. މިފަތް ބޯވާނެއެވެ. (2) ސިފައިންނާ މަގު ހިނގާމީހުން ފެން އަޅައިގެން ގެންގުޅޭ ވަށްކޮށް ފަތިކޮށް ހުންނަ ކަންވާރެއް (3) އިހުގައި ބަޑިބޭސް އަޅައިގެން ކަރައިން ގެންނަ ކަންވާރެއް (4) ފެންއަޅަން ގެންގުޅޭ ކަޅުމުށީގެ މުޑުކާ
ކުނބުއިންނަފަތް
ނ ކުނބު އިންނަ ފަތްބައިގައި އެންމެ މަތީ އިންނަ ފަތްގަނޑު
ކުނބުއެޅުން
މ ލަކުޑިގަނޑު ކޮށައި މަށައިގެން ކުނބަކަށް ހެދުން
ކުނބުތަން
ނ ކުނބު ވައްގަނޑާއި ކުނބު އިންނަފަތާއި ދޭތެރޭގެ އިހިބައި
ކުނބުސް
ނ އަޅި އުނދުނުގައި ފިހެއުޅޭ ފޮނި ބޯކިބަލެއް
ކުނޑިކަށި
ނ އަތްކަންކުރާ މީހުން ރަންރިހި ބައްދާ ކުނޑި ނަގާން ގެންގުޅޭ ކަށި
ކުނޑިކޭވާހަކަ
ނ މަޖާޒު: މީހާގެ ކިބައިން ވެފައިއޮންނަ ދެރަކަމެއްގެ ވާހަކަ
ކުނޑިތަށި
ނ އަތްކަންކުރާމީހުން ބައްދާކުނޑި އަޅާފައި ހުންނަ ތަށި
ކުނޑިޖެހުން
މ (1) އަތްކަންކުރާމީހުން ވިރިކެކޭ އެއްޗެހި ބައްދާއިރު އެބައްދަންވީތަނެއްގައި އެކަމަށް ތައްޔާރުކޮށްފައިހުންނަ ކުނޑީގެ އެތިކޮޅެއް ތަތްކޮށްލުން (2) ނީ ހަނޑުލާއި ބުރިހަނޑޫ ވަކިނުކޮށް ކުނޑިތައްދާވަރަށް ކިރިޔަ ކިރިޔާ ހަނޑޫ ފޮޅުން (3) ސ މޫނުގައި ފުށްޖެހުން
ކުނަހަނގާލި
ނ ބޭހަށް ބޭނުންކުރާ ފަތްޕިލާވެއްޔެއް މީގެފަތް ހުންނާނީ ހުސްނުހީނާ ގަހުގެ ފަތާ ވައްތަރުކޮށް އެކަމަކު ރޫޖެހިފައެވެ ގަސްގަނޑުގެ ފަލަމިން ތިންއިންޗި ވަރުވާނެއެވެ އުސްމިން ހުންނާނީ ގާތްގަޑަކަށް 6 ފޫޓު ވަރަށެވެ މިގަހުގެ އޮށްތައް ހުންނާނީ ބޮނޑި ބޮނޑިޔަށެވެ މިއަށް ނިތުބަޑި ކިޔައެވެ އެއީ ނިތުގައި ޖައްސައިގެން ފެޅޭއިރު އަޑު ގޮވާތީއެވެ އަދި ވަލުކުރަދިވެސް މިގަހަށް ކިޔައެވެ