radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ފިރިޖަވާހިރު
ނ ފިރިމީހާ ހެއުވުމުން ބުނެއުޅޭ ބަހެއް
ފިރުކައިގަތުން
މ މީހެއްގެ ނުވަތަ ބައެއްގެ އަތުގައި ހުރި އެއްޗެއް ނުވަތަ މުދާތަކެއް ނުވަތަ އޮތްބާރެއް ރޭވުމަކުން ނުވަތަ މަކަރާއި ޙީލަތަކުން އަތުލައި ގަތުން
ފިރުމުން
މ (1) ރުހުމާއި އޯގާވެރިކަމާއެކު މީހެއްގައި ނުވަތަ ދިރޭ އެއްޗެއްގައި އަތްކޭއްތުން (2) ބީހުން
ފިރުޢައުނު
ނ (1) މޫސާގެފާނު ދުނިޔޭގައި އުޅުއްވި ޒަމާނުގައި މިޞުރުގައި އަމިއްލައަށް ކަލަކު ކަމުގައި ހެދިގެން އުޅުނު ނުބައި ރަސްކަލެއް (2) އެއްޒަމާނެއްގައި މިޞުރުގައި އުޅުއްވި ރަސްރަސްކަލުންނަށް ދީފައިވާ ލަޤަބެއް (3) މަޖާޒު: ނުބައި ނުލަފާކަމާއި އަނިޔާވެރިކަން ހައްދު ފަހަނަޅައިފައިވާ މީހާ
ފިރުޢައުނުމުދާ
ނ ކަނޑުގައި ދިރިއުޅޭ ހަލުވިދާގަނޑެއް ކަހަލަ އެއްޗެއް މީގެ ވަކި ތަންކޮޅެއް ގައިގައި ޖެހުމުން ދިލަނަގާގޮތްވެއެވެ މީގެ ތަފާތު ވައްތަރުތައް ހުރެއެވެ
ފިއްތިފުޅި
ނ އިހުގައި ރަސްކަލުންނާއި އަމީރުންނާއި ވަޒީރުންގެ ސަންދޯންޕުޅު ގެންދާއިރު ފިނިފެން ޖަހަން ގެންގުޅޭ ފުޅިއެއް. މި ފުޅި ހުންނާނީ ފަތިކޮށް މެދަށް ފިއްތާލާފައެވެ މިއީ ނޫކުލައިގެ ފުޅިއެކެވެ މިފުޅި ފިނިފެން ޖަހަން ގެންދަނީ އުނަށްދިން ފޭއްޔެއް އޮޅާލައިގެންނެވެ
ފިއްތެއޮބަޑި
ނ (1) ތަންކޮޅެއް ދިގުކޮށް ހުންނަ ކެކުރިޔެއް މީގެ ފަތް ހުންނާނީ ތޮރާފަތް ކަހަލަ ގޮތަކަށެވެ މި ކެކުރީގައިދޮން ވީމާ ފޮނި ރަހަ ލާނެއެވެ (2) ފިއްތެޔޮ ނަރު
ފިއްސާލުން
މ (1) ހޫނުކަމެއް ބޭނުންކޮށްގެން މީހެއްގެ ހަށިގަނޑު ނުވަތަ ހަށިގަނޑުން ބައެއް ރޯ ފިލުވައިލުން (2) "ފިހުން" މިބަސް ކުރުވުމުގެ މާނައިގައި ބުނާގޮތް
ފިދްޔަ
ނ (1) ހަނގުރާމައިގައި ހިފެވި ހައްޔަރު ވެފައިވާ މީހަކު މިނިވަން ކުރަންދޭ ފައިސާ ނުވަތަ މުދާ (2) ޝަރީޢަތުގެ ކަންތަކުގެ ބައެއް ކުށްކުށަށް ނެރެވޭ ޞަދަޤާތް
ފިތުނަވެރިން
ނއ ފިތުނަ އުފައްދާ މީހުން
ފިތުނާޔަކަ
ނ )ބދ ( ޙުކުމް ކުރާމީހާ
ފިތުރޯނު
ނ (1) ބިޔަކޮށް ހެދޭ ގަހެއް. މީގެ ފަތްތައް ހުންނާނީ ވަރަށް ހިމަކޮށް ބުރިތަކަކުން ގުޅިފައި ހުންނަ ތަނޑުތަކެއް ހެންނެވެ މީގެ ދެބާވަތެއް ހުރެއެވެ އެއިން އެއްބާވަތެއް ބޭހަށްވެސް ބޭނުންކުރެއެވެ (2) މިގަހުގެ ލަކުޑި
ފިތްނެގުން
މ (1) ހަށިގަނޑުގެ ތަންތާގައި ބައެއް ޒާތުގެ އެއްޗެހި ހެފީމާ އެ ތަނެއް ދުޅަވުން. (2) މީހެއްގެ ނުވަތަ ކުއްޖެއްގެ ގައިގައި އިލޮށި ފަތިން ނުވަތަ އިލޮއްޓަކުން އަދި ނުވަތަ އެއްތެޔޮ ގަނޑެއް ފަދަ ހިމަ އެއްޗަކުން ޖެހީމާ އެތަނެއް އުފުލުން (3) ވިހައެއްގެ ސަބަބުން ނުވަތަ ބައްޔެއްގެ ސަބަބުން ހިރުވައިފައި ނުވަތަ ނުހިރުވާ ހަށިގަނޑުގެ ތަންތަންކޮޅު އުފުލުން
ފިލާފޮތިދަތި
ނ މީދާ ހިފަން ފިލާގަނޑެއްގައި ހަރުކޮށްފައި ހުންނަ ދަތި
ފިލުން
މ (1) ފޮރުވިގަތުން މިސާލު: މީހަކަށް ނުފެންނަން ފިލުން (2) އެއްޗެއްގައި ހުރި ނިޝާނެއް ފޮހެވުން މިސާލު: ގަމީހުގައި ހުރި ލައްގަނޑު ފިލުން (3) ހަނދާނުގައި ހުރިކަމެއް ހަނދާނުން ކެހުން މިސާލު: ރަށުގެ ހަނދާންތައް ފިލުން
ފިލުވައިލުން
މ (1) ފިލުވުން މަޖާޒު: (2) އެއްޗެއް ނަހަމަގޮތުގައި ބޭނުން ކުރުން (3) މީހެއްގެ އިއްފަތްތެރިކަން ނަގައިލުން
ފިލްމީދުނިޔެ
ނ ބައިސްކޯފް ފިލްމު އުފައްދާ މީހުންނާއި ފިލްމް ކުޅޭ މީހުންނާއި އެ މީހުންގެ ދިރިއުޅުމާއި ފިލްމް އުފެއްދުމާ ބެހޭ ދާއިރާ
ފިލްމުއިސްޓާރު
ނ ފިލްމުކުލޭ މީހާ
ފިޔަންއެޅުން
މ ބަނޑުފުއްޕާ ކުދީންގެ ބަނޑުގައި ހޫނު ފިޔަން އޮބުން މީ ބަނޑުހިންދުމަށް އިހުގައި ކުރާ ފަރުވާއެކެވެ
ފިޔަވަޅު ބެލުން
މ މަޖާޒު މީހަކު ހިނގާފައިދިޔަގޮތް ބެލުން