radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ވައިހިނގުން
މ (1) ވައިހުރި އެއްޗެއްގެ ފޫގޮސްގެން ނުވަތަ ފެޅިގެން އެއިން ވައި ނުކުތުން. (2) ހުރަހެއްނެތި އެއްފަރާތުން އަނެއްފަރާތަށް ވައިހިނގާގޮތް ހަމަޖެހިފައިވުން. )ވެންޓިލޭޝަން( (3) އެއްފަހަރަކު ވައިޖެހޭ މިސްރާބަކުން އަނެއް މިސްރާބަކަށް ވައި ބަދަލުވުން
ވައިހިފުން
މ (1) ހަށިގަނޑުގެ ތަންތާނގައި ހުންނަ ލަކުނާއި ގޮށް ފަދަ ތަންތަން ފުއްޕާ ގޮތްވުން (2) އުވަޖަހައިފައި ހުންނަ ތަންތަން ވައިވަދެގެން ފުފުން
ވައިހުސްވުން
މ މަޖާޒު: ނުފޫޒުހުރި މީހަކާ ވެރިއަކު ރުހިވަޑައިނުގަނެގެން ދުރުހެލި ކުރެއްވުމުން އެމީހާގެ ބާރު ކެނޑުން
ވައިނުބައިވުން
މ (1) ޤުދުރަތީ ވައި ނުސާފުވުން (2) ވައި ތަޣައްޔަރުވުން (3) ވައި ވިހަވުން (4) ދާން ބޭނުން މިސްރާބަށްދާން ފަހިނުވާގޮތަށް ވައި ބަދަލުވުން (5) މަޖާޒު: ވެރިއެއްގެ ރުހިވަޑައިނުގަތުމަކުން އަރިސްކަން ނެތިގެން ދިއުން
ވައިރިހުން
މ ރާއްޖެބަލިން ހަށިގަނޑުގެ އެކިތަންތަނުގައި އުފެދޭ ވޭން
ވައިރޯޅިނުކުތުން
މ ވައި ހިނދިފައި އޮވެފައި ވައިޖެހެން ފެށުން
ވައިރްލެސް
ނ (1) ރޭޑިއޯ ރާޅުގެ ޒަރީޢާއިން ދުރަށް ފޮނުވާ ފޮނުވުން (2) ނަރުނެތް (3) ނަރުނެތި ފޮނުވާ މެސެޖް
ވައިބުޑު
ނ (1) ވައިމަތީގައި ޖަހާ ވިލާބުޑު (2) އުދަރެހުގައި ވައިމަތި ފަރާތުގެ ވައިވަޅުގައި ބޯކޮށް މަތިމައްޗަށް ޖަހާ ވިލާތައް
ވައިބޭރުކުރުން
މ (1) ފުރަގަސްފަރާތު ދޮރުން ވައި ނެރުން (2) އިންޖީނު އެއްޗެހީގެ ހޮޅިހޮޅީން ވައިނެރުން (3) ވައިދަމާ ފަންކާއިން ވައިބޭރަށް ނެރުން
ވައިކަނި
ނ ވައިޖެހޭދިމާ
ވައިކަންޏަށް ދަތުރުކުރުން
މ ވައިޖެހޭ ދިމާއަށް ދަތުރުކުރުން
ވައިކުޑަ
ނ ވައިގެއެހީގައި މަތިން ތިރިއަށް ރައްކާތެރިކަމާއެކު މީހުން ބޭލުމަށް ލުއިފޮތި ފަދަ އެއްޗަކުން ހަދައިފައިވާ ފަތްޖަހާ ކުޑައެއް މިކުޑަ ގިނައިން ބޭނުންކުރަނީ މަތިންދާބޯޓުން އެއްގަމުގެ އެކި ތަންތަނަށް މީހުން ބޭލުމަށެވެ
ވައިކޮޅުކުރުން
މ ފުރާދުއްވާ އެއްޗިހި ދަތުރުކުރާއިރު ދިރުނބާކޮޅު ވައިޖެހޭ ދިމާއަށް އަނބުރައިލުން
ވައިއަނގަ
ނ މަޖާޒު: ތާކުންތާކުނުޖެހޭ ވާހަކަ
ވައިއިދިވުން
މ ދާންވީ ދިމާ ކުރިމަތިން ވައިޖެހުން
ވައިއެނބުރުން
މ (1) ޖެހޭވައި އެކިދިމަދިމާއަށް ބަދަލުވުން މިހެންވަނީ ދެމޫސުން ބެދޭ ދުވަސް ވަރަށެވެ (2) މަޖާޒު: ކަމެއްރާވާގޮތް ނޫން އެހެން ގޮތަކަށް ބަދަލުވުން
ވައިއެރުން
މ (1) ވައިޖެހުން (2) ގަދަވައި އައިސްޖެހުން (3) ހަށިގަނޑުގައި ހިނގާވަޔަކުން ބައެއް ގުނަވަނަށް ވައިގެ އުދަގޫވުން
ވައިއެރޭދިމާ
ނ ވައިޖެހޭދިމާ
ވައިއެޅުން
މ (1) ވައި އެއްޗެއްގައިޖެހުން (2) އެއްޗަކަށް ވައިވައްދައި ބަންދު ކުރުން (3) މަޖާޒު: ވެރިޔަކު މީހަކާމެދު ރުހިވަޑައިގެން އަރިސް ކުރެއްވުން
ވައިއެޅުވުން
މ (1) ރިޔަލުގައި ވައި އަޅާނެގޮތް ހެދުން. (2) މީހަކު ލައްވައި އެއްޗަކަށް ވައިއެޅުން (3) މަޖާޒު: ސާހިބަކު ރުހިވަޑައިގަންނަވާނޭގޮތް ހޯދައިގެން އެގޮތް ދައްކައިގެން އުޅުން