radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
އަށާވީސް ނަކަތުން ކުރެ ނަކަތެއް ނިވައުނުވުން
މަޖާޒު: އަނދެގެން ހުންނަ އެއްޗެއްގެ ތުނިކަމުން ނުވަތަ ފޭރާން ދެރަކަމުން އޮރިޔާން ނިވައުވާ ވަރުނުވުން
އަށި
ނ (1) އިށީނދެ އޮށޯވެހަދާން ލަކުޑީން ނުވަތަ އެހެން އެއްޗަކުން ހަތަރު ކަނަށް ހަދައިފައި ޖަހައިފައި ފަޑިނާޅާ ހުންނަ އެއްޗެއް (2) މިބޭނުމުގައި ރާނައިފައި ހުންނަ ތަންތަން (3) އެކިއެކިކަންތަކު މައްޗަށް އަރައި ތިބޭށާއި އަދިވެސް ބައެއް ބޭނުމުގައި ހަދާތަންތަން (4) މާލޭ ހުކުރު މިސްކިތުގެ ދެފަރާތު ފެންޑާޔަށް އޮންނަތަން
އަށިގަނޑުކަނޮޅި
ނ މިޔަރުގެ ބާވަތެއް މީގެ ތަލަމަތީގައި އަށިގަނޑެއްހެން ހުންނަ ތަނެއް ހުރެއެވެ
އަށިގެޔަށްލުން
މ ކުށްވެރިވެގެން ބަނޑޭރިގޭގައި ހައްޔަރުކުރުން
އަށު
ނ (1) ހިސާބުކުރާއިރު އެއްކޮށް ގުނަކޮށް ގެއްލުމުގައި އަށަކަށް ކިޔާ ގޮތެއް (2) އަށެއް
އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
އަށްޑަން
ނ (1) އަށްދަން (2) ރެޔަކާއި ދުވާލު
އަނބު
ނ ބިޔަވާ ގަހެއްގައި އަޅާ މަޝްހޫރުމޭވާއެއް. މިއީ ގިތިއިރު ހުތް ދޮންވީމާ ފޮނިމޭވާއެކެވެ މިޔަށް "ފޮނިއަނބު" މިހެންވެސް ކިޔައެވެ
އަނދަވަޅު
ނ (1) ކެޔޮގަނޑު ދޮންކުރާންލާވަޅަށް ދުންދާނޭހެން ކައިރީގައި ކޮނެ ކެޔޮގަނޑު އޮތް ވަޅަށް ފޫވައްޓައިފައި ހުންނަ ކުޑަ ވަޅެއް. ކެޔޮވަޅަށް ދުންލާނީ މިވަޅުގައި ކެޔޮފަތް ފަދައެއްޗެއް އަންދައިގެންނެވެ. (2) މީހުން ވައްޓައިލުމަށްޓަކައި ދިގުކޮށް ކޮނެމަތިން ފަތްއަޅައިފަސް ލައި މަތި އޮމާން ކޮށްފައި ހުންނަ ވަޅު
އަނދިރިއަނދިރީން
ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ
އަނދުން
ނ (1) ގަލަދުން (2) ތެޔޮބައްތީން އެއްޗަކަށް އަރުވައިފައި ހުންނަ ދުން
އަނދުންކަށި
ނ ލޮލުގައި އަނދުން އަޅާން މަޢުދަނުން ހަދައިފައި އޮންނަ ކުޑަ ފޯއްޔެއް
އަނދުންއެރުވުން
މ ކާށިތެޔޮ ބައްތިއަކުން ކޮންމެވެސް އެއްޗަކަށް އަނދުން އަރާނެގޮތް ހެދުން
އަނގަ
ނ (1) ދިރިއުޅޭ ތަކެތި އެއްޗެހި ކައިއުޅޭ ގުނަވަން. (2) އެއްޗެއްގެ އެތެރެޔަށް އެއްޗެހި އަޅާން ކަނޑައިފައި ހުންނަ ތަން. (3) މުލިހި ގަނޑު ފަދަ އެއްޗެހި ފަޅައިގެންގޮސް އެތެރޭން އެއްޗެހި ނުކުންނަތަން (4) އެތެރެއަށް އެއްޗެހި އެޅޭނޭހެން ނުވަތަ އެތެރޭގައި ހުސްތަން އޮންނާނޭހެން ހުންނަ ތަކެތީގެ ތެރެޔަށް އެއްޗެހި އަޅައި ނެރެހެދޭނޭގޮތަށް ކަނޑައިފައި ނުވަތަ ކެނޑިފައި އޮންނަ ތަން
އަނގަހެދުން
މ އެއްޗެހި ކިޔާއިރު ނުވަތަ ކާއިރު އަނގަޔަށް ގޮތްގޮތްހެދުން މިއީ އެއްޗެހި ކިޔާއިރު އެކިއެކި މަޚުރަޖު ނެރޭންވެގެން ހަދާގޮތެކެވެ އެއްޗެއް ކާއިރުގައިނަމަ އޭގައި ދޭރަހައެއްގެ ސަބަބުން ހެދޭގޮތެކެވެ
އަނގަބޭނުން
މ ތިމާޔާނުބެހޭ ވާހަކައެއް ބަޔަކު ދައްކަނިކޮށް އެވާހަކައިގެ ތެރެއަށް ވަދެގެން ވާހަކަ ދެއްކުން
އަނގަކެނޑުން
މ (1) އެއްޗެއްގައި އަނގަޔެއްހެދުން (2) އަނގައިންތަނެއް ކެނޑުން
އަނގައިން އަނގަޔަށްއެޅުން
މ (1) ދޫނިސޫފާސޫފި އަނގަޔަށް ކާތަކެތި އަޅައިގެންގޮސް ޅައެއްޗެހީގެ އަނގަޔަށް އަޅައިދިނުން (2) މަޖާޒު: ވިސްނައިދިނުމަކާ ނުލައި އެއްޗެއް ކިޔައިދީ ދަސްކޮށްދިނުން
އަނގަމަތި
ނ (1) އަނގަޔަށްވާ ހިސާބުގެ ބޭރު (2) ނެރާއި ކަނޑިންމަ ފަދަތަންތާގެ ކުރިމަތި (3) ނއ މަތިނުޖަހައިހުރި
އަނގަމަތި ދޯނި
ނ ހިޔައުނުކޮށް ހާމަޔަށް ހުންނަ ދަތުރުކުރާ ދޯނި