radheef.info
ރަދީފު


ދަ
ނ )ބދ ( (1) ވަ (2) އަހަރެން މިސާލު: ދަބުނެފީމާ )އަހަރެން ބުނެފީމެވެ ( (3) ދަގަނޑު
ކޮތަރި
ނ (1) މަހުގެ ބުރިކަށިމަތީގައްޔާއި މަހުގެ ބަނޑުދަށުން ފޫޅުދަނޑީން ތިރީގައި ހަނިކޮށް ތުނޑުތުނޑަށް އުފުއްލާފައި ހުންނަފަށް (2) ދުންމާރި އެދުރުމީހާގެ ދުންމާރީގެ މަތީފަރާތުގައި މަހުގެ ކޮތަރިފާޑަށް ގުދުކޮށް ހަރުކޮށްފައި އޮންނަ ތުނޑުބައެއް މިހަރުކުރާނީ ރަސްމީ ބޮޑެތި ދުވަސްދުވަހަށެވެ
ކޮތަރިރީނދޫދަންބޮޑު
ނ ދަންބޮޑުގެ ބާވަތެއް މިއީ ބުރަކަށިމަތީ ކޮތަރިބައިގެ ހަރުކަށިތައް ރީނދޫ ކުލައިގައި ހުންނަމަހެކެވެ ކަރުތާފަތުގެމަތީ ކައިރިފަށުގައި ކަޅުކުލައިގެ ލަފެއްހުރެއެވެ މަހުގެ ކުލައަކީ މަޑުރަތްކުލައެވެ ހުޅުނބުތަކުގެ ކައިރިފަށް ހުންނަނީ ގަދަ ރަތްކުލައިގައެވެ
ކޮތަރު
ނ ދޫނީގެ ބާވަތެއް މިއީ ފައިކުރު ބޯކުޑަ ކަރުދޮށަށް ރީތި ކުލަކުލައަރާ ފިޔައިގެ ބާރުގަދަ ދޫންޏެކެވެ މިޢާންމުކޮށް ހުންނަނީ ހުދުކުލައިގައާއި މުށިކުލައިގައާއި އަޅިކުލައިގައެވެ
ކޮތަޅު
ނ (1) އެއްޗެހި އަޅަން ތިންފަރާތުން ބައްދައިފައި އޮންނަ ކުދިގޯނި ނުވަތަ އުރަ (2) )މ ( މޫދުގައިއުޅޭ ތަތުންފުޅި
ކޮލިކަލޭގެ
ނ ކޮލިލާން ދައުލަތުން ޚާއްޞަކުރައްވައިފައި ހުންނަ މީހާ
ކޮލިމަތި
ނ (1) އޮޑިދޯނިފަހަރު ކިއްސަރުލައިގެން ބަނދެފައި ހުންނައިރު ދޯނީގެ އަރިމަތިން ފުއްޕުންލައިފައި ހުންނަތަން (2) ބަނޑުގެ ދެއަރިމަތިން ފުފިފައި ހުންނަތަން (3) ގުޅި ރުނބާ ފަދަ ތަކެތީގެ ފުއްޕުންލައިފައި ހުންނަ ތަން
ކޮލިދޮށް
ނ އޮޑިދޯނުފަހަރުގެ ކޮލީގެ ދަށަށްވާ ހިސާބު
ކޮލިލޯގަނޑު
ނ ކޮލިލާއިރުގައި ކޮލިކަލޭގެ ޖަހަން ބޭނުންކުރާ ލޯގަނޑު މިއީ ބޯ ލޮއިން ވަށްކޮށް ފަތިކޮށް ހަދައިފައި އޮންނަ އެއްޗެކެވެ
ކޮލީނަން
ނ ކޮލިލައިގެން ދައުލަތުގެ ފަރާތުން މީހުންނަށް ދީއުޅުނު ލަޤަބު މިސާލު: )ހ( ފާށަނާ )ށ( ހަކުރާ )ނ( މޭނާ
ކޮލުދަތް
ނ (1) ފޭރާދަތާ ޖެހިގެން ހިރުގަނޑުގެ ކަނާ ހަމަޔަށް ހުންނަ ދަތްތައް (2) ފުށުން ހަދައިފައި ތެލުލައި ހަކުރުލައިފައި ހުންނަ ފޮނި ހެދިކާއެއްޗެއް މިހަދައިފައި ހުންނަނީ ކޮލުދަތާ ވައްތަރު ގޮތަކަށެވެ
ކޮލެޖް
ނ މަދުރަސާތަކުންނިމޭ ދަރިވަރުންނަށް ވަކިރޮނގަކުން މަތީތައުލީމު ދިނުމަށް ހުންނަ ތަޢުލީމުދޭ ތަންތަން
ކޮޑި
ނ (1) ރޮންދާގެ ތިލަޖަހާން ހަދައިފައި އޮންނަ ލަކުޑިގަނޑު. (2) އޮޑިފަހަރުގެ ތުންމަތީރިޔަލުގެ މައްޗަށްނަގާ ކަތިރިޔާ. މީގެ މޯރާކޮޅު އޮންނާނީ ތޫނުކޮންނެވެ. (3) ދިގުމިނާއި ފުޅާމިނާއި އުސްމިން ބޭނުންކޮށްގެން އަޅާމިނެއް. (4) ދިގުމިނާއި ފުޅާމިނާއި އުސްމިން އެއްވަރު
ކޮޕީ ފަންސުރު
ނ ކޮޕީނަގާން ލިޔާ ޚާއްޞަ ފަންސުރެއް މީގެ ކުލަގަދަވެފައި ގިނަދުވަހު ކުލަ ހަރުލައި ހުންނާނެ އެވެ
ކޮޕީ ފޮތް
ނ ސިޓީފަދަ ލިޔުންތަކުގެ ނަކަލުއަރުވާން ގެންގުޅޭފޮތް
ކޮޕީކަރުދާސް
ނ ދެކަރުދާސްފަށް ދޭތެރެއަށް ލައްވައިގެންމަތީ ކަރުދާހުގައި ލިޔުނީމާ ދަށުކަރުދާހަށް ނަކަލު އަރާނޭގޮތަށް ހަދައިފައިވާ ކަރުދާސް
ކޯ
ނ (1) ކަންކަށީ ކަށިގަނޑާ ދަތްދޮޅީ ކަށިގަނޑާ ދެމެދު (2) އަނގަޔަށް ވައިވެއްދީމާ ދެފަރާތުން ފުފޭ ހިސާބު (3) ފަރުގެ ބޭރު ކައިރިން އެތެރެއަށް ލައިފައި އޮންނަ ގޮނި (4) )ސ ( ހިނދު
ކޯހުގާފު
ނ (1) ގާފު ފަރުބަދަ. މިއީ މެދުތެރޭ އޭޝިޔާގައި ހުންނަ ފަރުބަދައެކެވެ. (2) އިހުގައި މީހުން ޚިޔާލުގައި މީހަކަށް ނުދެވޭ ހިސާބު ދުރު
ކޯނަރު
ނ ހޮކީ އާއި ފުޓްބޯޅައިގައި ދަނޑުގެ ކަނުން ޖަހަން ޖެހޭ ހިލޭޖެހުން. މިޖެހުން ޖަހަނީ ބައިގެ މީހެއްގެ އަތުން ނުވަތަ ބައިގެ މީހެއްގެ ގައިގައި ޖެހިފައި އޭނާގެ ކޮޅުން ބޯޅަ ބޭރުވުމުންނެވެ
ކޯނަރުނެގުން
މ ހޮކީއާއި ފުޓުބޯޅައިގައި ދަނޑުގެކަނުން ޖެހުން މިޖެހުން ޖަހަނީ ބައިގެ މީހެއްގެ އަތުން ނުވަތަ ބައިގެ މީހެއްގެ ގައިގައި ޖެހިފައި އޭނާގެ ކޮޅުން ބޯޅަބޭރުވުންނެވެ
ކޯރާޑި
ނ ގާތެޅުމަށް ގެންގުޅޭ އާލަތެއް މިއީ މުޅޯއާއި އެއްސިފައަކަށް އެއަށްވުރެ ތިލައާއި ދަނޑި ކުރުކޮށް އޮންނަ އެއްޗެކެވެ