radheef.info
ރަދީފު


ޔާރު
ނ (1) އިޔާރު (2) ރަޙުމަތްތެރިޔާ (3) އެކުވެރިޔާ
ދުއްދުން
މ (1) ތައްޔާރުކޮށްފައި ބެހެއްޓުން މިސާލު: ބަޑިޖަހަން ދުއްދައިފައި )ތައްޔާރުކޮށްފައި( ބެހެއްޓުން (2) މަޖާޒު: ދުރަށްނުގޮސް އަބަދު ކައިރީގައި ހުރުން (3) އަޅައިގަންނަގޮތަށް އެއްޗެއް ދިއްކޮށްފައި ބެހެއްޓުން (4) ކިރިޔަކިރިޔާ ހިފެހެއްޓޭވަރަށް ތަނެއްގައި އެއްޗެއް ވިއްދުން
ދުވާފަރުދަންޑަހެލު
ނ ޣާޒީބަންޑާރައިންގެ އަރިހުގައި އުޅުނު ވަރަށް ހަލުވި އެހައިމެ ހުސިޔާރު ވަފާތެރި ޚާދިމެއް އޭނާއަކީ ކަޅުއޮށް ފުންމީގެ ދަންޑަހެލެވެ
ދެވަރުވުން
މ (1) އެއްވަރުނުވުން (2) ކަސިޔާރުވުން (3) ތަފާތުވުން
ދެދޮށިބެރެއްސި
ނ ދެދޮށިއެއްކޮށް ބަނުމަށްފަހު އެއްމިޔަވާލި ލައިފައި ބޮޑެތި މަސްބާނަން ތައްޔާރުކުރާ ދޮށި
ދެލި
ނ (1) ނާއްޓާއި ދަރުފަދަ ތަކެތި އެނދީމާ އަޅިޔަށްނުވެހުންނަބައި (2) ލިޔުމަށާއި ޗާޕްކުރުމަށް ބޭނުންކުރާ އޮލަ ނުވަތަ ދިޔާ އެއްޗެއް މިތަފާތު ކުލަކުލައިގައި ހުރެއެވެ (3) ދަރުފަދަ ތަކެތި އެނދީމާ އަޅިޔަށްނުވެ ހުންނަބައި ފުނޑައިގެން އޮޑިދޯނި ފަހަރުގެ ބޭރުގައިލާން ތައްޔާރުކުރާ ދިޔާ އެއްޗެއް (4) ދުމުގެ ސަބަބުން އުފެދޭ ކަޅު އެއްޗެއް
ދޮށިބޮނޑި
ނ (1) މަސްބާނަން ގެންގުޅޭ އެކިވަރުގެ ދޮށި އެއްކޮށްބަނދެފައި އޮންނައިރު އެތަކެއްޗަށް ބުނާގޮތް )ދޮށިބޮނޑި އޮންނާނީ ބުޅިއާއި ކަންވާރާ ލައިތައްޔާރުކޮށްފައެވެ ( (2) އެއްކޮށް ބަނދެފައިވާ ދޮށިތައް
ދޮންނަކުނޑި
ނ (1) އެއްޗެހި ދޮވުމަށް ތައްޔާރުކޮށްފައި ހުންނަ ކުނޑި (2) ކުނޑި ސައިބޯނި
ތަށިބަރި
ނ ކާއެއްޗެހި އެއްތަނުން އަނެއްތަނަށް ގެންދިއުމަށް ޓަކައި ޕްލާސްޓިކު ނުވަތަ ޒިންކު ނުވަތަ ދަގަނޑުން ދަޅުބުރި ތަކެއްގެ ސިފައަށް ތައްޔާރުކޮށް ދުނިގަނޑަކަށް އެމުނޭގޮތަށް ހަދައިފައި ހުންނައެއްޗެއް
ތަށިމައްޗަށްގޮވުން
މ ކެއުމަށް ތައްޔާރުކޮށްފައިވާ ކަތަކެތި މަދުވެފައި ވަނިކޮށް އެތަނުގައި ހުރި އެއްޗެއް ކައިލުމަށް މީހަކަށް ނުވަތަ ބަޔަކަށް ގޮވުން
ތަށިމަތި
ނ (1) ސުފުރާމަތި (2) ކާން ތައްޔާރުކޮށްފައި ހުންނަތަން (3) އެއްބަޔަކު ކައިނިމިފައި ހުންނަތަން
ތަށިމަތިކަހައިލުން
މ މަޖާޒު: ކެއުމަކަށް ތައްޔާރުކޮށްފައިވާ ކާތަކެތި ދެންއަންނަބަޔަކަށް ނުބަހައްޓައި ކައި ހުސްކޮށްލުން
ތަންހެދުން
މ (1) ތަނެއްގައި އެއްޗެއް ބެހެއްޓުމަށް ނުވަތަ މީހަކު އިށީނުމަށް ޖާގަހެދުން (2) ޖާގަ ތައްޔާރު ކުރުން
ތަންމަތި
ނ (1) އެނދުއަށީގައި ނިދުމަށް ތައްޔާރުކޮށްފައި ހުންނަތަން (2) ނިދުމަށްޓަކައި ފަތުރާ އެތި (3) އިލެކްޓްރިކް ހޮޅިބުރި ހަރުކުރާއެތި (4) ލާންޗުފަހަރު އެހެލައި ބޭލުމަށާއި ތަންތާ ބެހެއްޓުމަށްޓަކައި ބަނޑު ފިލާ ޖެހޭގޮތަށް ހަދައިފައި ހުންނައެތި
ތަންމަތިހެދުން
މ (1) ތަންމަތިއެޅުން (2) ނާފަހަރުފަދަ އެއްޗެހި އެހެލައިފައި އަރިއަށް ބާއްވާއިރު ބަނޑުފިލާޖެހޭގޮތަށް އައްޓެއްހެދުން (3) ތަންމައްޗެއް ތައްޔާރުކުރުން
ތަންމަތިބަނުން
މ (1) ދަތުރަށްދާމީހާގެ ތަންމަތި އޮޅައިލައި އައްސައިލުން (2) މަޖާޒު: އުޅޭ ތަންނޫން އެހެން ތަނަކަށް ދާން ތައްޔާރުވުން
ތަޅު
ނ (1) ނަންބަރު ދިމާކޮށްގެން ނުވަގަ ތަޅުދަނޑިފަދަ އެއްޗަކުން ހުޅުވޭގޮތަށް ދޮރާއި ފޮށިފަދަ އެއްޗެހީގައި ހަރުކޮށްފައި ނުވަތަ ލައިފައި ހުންނަ އެއްޗެއް (2) ލަކުޑިފަދަ އެއްޗެހީގައި މަކުޑިކަނޑައިގެން ތަޅުލެވޭގޮތަށް ތައްޔާރުކުރާ ތައްޔާރުކުރުން
ތައްގަނޑަށްޖެހުން
މ އުޅާބައިގެ ފިތްތައް ފަދަ އެއްޗެހި ފުއްވުމަށް ތައްޔާރުކޮށްފައި އޮންނަ ތައްގަނޑަށް ރަންރިހިފަދަތަކެތި ތަޅައި ތުނިކޮށްފައި ޖެހުން
ތައްގަނޑު
ނ (1) އެއްޗެއްގެ އަސްލާއެއްގޮތަށް އެއްޗެއް ހެދުމަށް ނުވަތަ ކުރެހުމަށް ބޭނުންކުރާ އެއްޗެއް މިސާލު: )ހ( މެޓާ އޮބާ ތައްގަނޑު )ށ( ހުންގާނުގެ މާދާފަދަ ތަކެތި ހެދުމަށް ވިރުވާ އަޅާތައްގަނޑު )ނ( ގަސްމުށި ފަދަތަކެތި ހެދުމަށް ސިމެންތި ފަދަ ތަކެތި ގަށައިގެންއަޅާ ތައްގަނޑު )ރ( ރަސްމީ ނުވަތަ އަމިއްލަ ނިޝާންޖަހާ ތައްގަނޑު (2) ކަނޑައި ނަގައިފައި ހުންނަ ނަމޫނާ (3) ގޮންގްރެޓް ކުރާ އިރު ގޮންގްރެޓް އެޅުމަށް ލަކުޑިން ނުވަތަ ދަނގަނޑުން ތައްޔާރުކުރާ އެތި (4) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާ ގޮތުން ތައްޔާރުކުރާ ސިއްކަ
ތައްގަނޑުޖެހުން
މ (1) ކަނޑައި ނަގައިފައި އޮންނަ މާދިރީ އެއްގެސިފަ އެއްޗަކަށް ނަގުލުކުރުން މިސާލު: ގަންޖުފަރާހުގައި ތައްގަނޑުޖެހުން (2) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާގޮތަށް ތައްޔާރުކުރާ ސިއްކައެއް އޮބުން
ތައްޔާރީހެދުން
ނ ބޭނުންވާ މިންތަކަށްފަހައި ތައްޔާރު ކޮށްފައި ގަންނަން ލިބޭ ގޮތަށް ފިހާރަ ފިހާރައިގައި ހުންނަ ހެދުން