radheef.info
ރަދީފު


ލީ
ނ (1) އުކުނުގެ ބިސް (2) ލުން މިބަހުގެ ނިމި ނިމުނުކަން
ބޯޓުހޫކު
ނ އެއްކޮޅުގައި ފަލަބުޅިއެއް ހަރުކޮށްފައި އޮންނަ ދަނޑިޔެއް މިދަނޑި ގެންގުޅެނީ ބޮޑެތި ނައުޒޯނގު ފަހަރު ދޮށަށްދާ ކުދި ބައްތެލީގައެވެ
ޅަފަށްއެރުން
މ ހަނުލީމާ ޅަފަށް އުފެދުން
ކަހައިލުން
މ (1) ކެހުން މިބަހުގެ ލުއިގޮތް މިސާލު: ނަގިލި ކަހައިލުން (2) ދަނޑިކޮށީގެ ކުޅި ޖެހުމުގައި ހަދާގޮތެއް (3) ލެއްކުޅޭއިރު "އެކަތިކަހައިގެން" ދިޔުމަށްފަހު އެމުގޯލީގައި އަނެއްބައިގެ މީހަކު އަތުން ނުވަތަ ފައިން ރޮނގެއް އެޅުން
ކަށިނެތްމިޔަރު
ނ މިޔަރުގެ ބާވަތެއް. މިއީ ކަށިމިޔަރާވަރަށް އެއްގޮތް މިޔަރެކެވެ. ނަމަވެސް މި މިޔަރުގެ އުރަހަ ކައިރީގައި ކަށްޓެއްނުހުރެއެވެ. ބުރަކަށިމަތީގައި ދެވަނަ އަށް ހުންނައުރަހަ ފުރަތަމަ އުރަހައަށްވުރެ ބޮޑުވާނެއެވެ. މަތީތަލީގައި ހުންނަނީ ހިމަ ކުދި ތިނޯސް ކަހަލަ ދަތްތަކެކެވެ ދަށުތަލީގައި ހުންނަނީ ފުޅާ ދަތްތަކެކެވެ
ކަށިބައި
ނ ދިގުހަރު ލިޔާއިރު ބޭނުންކުރާ ތިލަލީކަށިތައް
ކަށިބޮލި
ނ )ޏ ( ބޮލީގެ ބާވަތެއް: މިބޮލީގެ މަތީފަރާތުގައި ހުންނަނީ އުންތަކެއްހެން ކަށިތަކެއް ފަޅައިފައެވެ މިއީ މަޑުރަތްކުލައިގައި ކުރީކޮޅަށް ހިމަކޮށް އޮންނަ ބޮއްޔެކެވެ
ކަށިބޯ
ނ މޫދުގައި އުޅޭ ހިޔަމަ އާއިލާގެ ފައިގިނަ އެއްޗެއް މިއީ ފަސްއިނގިލީގެ ބާވަތެކެވެ މީގެ ފައިތަކުގައި ހުންނަކަށިތަކުގެ އަދަދު ގިނަވާނެއެވެ މިއީ ރޯގަލުގެ ދިރޭ ފަށަލަ ކާލާ އެއްޗެކެވެ އެހެންކަމުން ފަޅައިގެން ގޮސްފައި ހުންނަބައި ފެންނާނީ ކަޅު ކުލައިގައެވެ އޭގެ އަޑިން ފެންނަނީ ދަނބުކުލައެވެ މީގައި 8 ފަޔާއި 12 ފަޔާ ދެމެދުގެ ޢަދަދަކަށް ފައިހުރެއެވެ
ކަށިކޮލި
ނ ކޮލީގެ ބާވަތެއް މިއީ ލޯބޮޑު އަނގަ ކުޑަ މަހެކެވެ މުޅިމަހުގައި ތޫނުކަށިތަކެއް ހުރެއެވެ މިމަހަށް ގޯނާއެއް ކޮށްފިނަމަ މި މަސް ވަށް ބޯޅައެއްހެން ފުއްޕައިލައި ކަށިތައް ކޮޅަށް ޖަހައެވެ މިއީ ވަރަށް ވިހަގަދަ މަހެކެވެ
ކަށިވާލި
ވާލީގެ ބާވަތެއް މިއީ ވާލީގެ ބާވަތްތަކަށް ވުރެ ދިގު ބުރިކަށިމަތީ ކޮތަރިބައިގައި އެއްވަރަކަށް ކަށިތަކެއް ހުންނަ މަހެކެވެ މަހުގެ ކުލައަކީ ރިހި އަޅި ކުލައެވެ މަހުގެ އަރިމަތީގައި ދެބަރިއަކަށް ހުންނަ ކަޅުކުލައިގެ ލައްތަކެއް ހުރެއެވެ
ކަށްޑަނަ
ނ (1) މައްޔިތާ ގެންދާ އަށިގަނޑު (2) ޚިޔާލީ ފުރޭތައެއް މިހުންނަނީ ސަންދޯކެއްގެ ސިފައިގައިކަމުގައި ބުނެވެއެވެ
ކަށްޑަނަޖެހުން
މ މީހުން ގިނައިން މަރުވާ ދުވަސްވަރަށް ގަބުރަސްތާނުގެ ތެރެއިން ރޭގަނޑު އިވޭކަމަށް ބުނާ ނާމާން އަޑު އިވުން މިއަޑަކީ ފިލާތަކެއް އޮއްސާލީމާ އިވޭ ކަހަލަ އަޑެއްކަމަށް ބުނެވެއެވެ
ކަށްޑެވި
ނ (1) ފޮއްސިވާ ބައްޔެއް ޖައްސާކަމަށް ހީކުރާ ޚިޔާލީ ފުރޭތައެއް މިއުޅޭކަމަށް ބުނެވެނީ ޤަބުރުސްތާނުގައެވެ (2) ގަބުރުސްތާނު ތެރޭގައި އުޅޭކަމަށް ފަންޑިތަވެރިން ބުނާ ދެތްވެއް
ކަށްޑެވިމުޅަދެވި
(1) ބައްޔެއްގެ ނަން މިބަލީގައިވާ ގޮތެއްކަމަށް ބުނަނީ ބަނޑުބޮޑުވެ މީހާ ފޮއްސިވުމެވެ މިއީ ޚިޔާލީ ދެ ދެވިކަމަށް ބުނާ ކަށްޑެތްވާއި މުޅަދެވީގެ ސަބަބުން ޖެހޭ ބައްޔެއްކަމަށް ބުނެވެއެވެ (2) ޚިޔާލީ ދެ ދެވި
ކަނބައިދިކިލެގެކަން
ނ އަންހެނުންނަށް ދެއްވާ މަތީ ދަރަޖައިގެ ކޮލީނަމެއް. މިދަރަޖަ ލިބެނީ ރަސްކަލެއްގެ ނުވަތަ ރަސްކަލެއްގެ އަނބިކަނބަލެއްގެ ދައިތާފުޅަކަށް ނުވަތަ ކޮއްކޯފުޅަކަށެވެ
ކަނބިލި
ނ އެއްގަމު ދޫނީގެ ބާވަތެއް މިއީ ވަލުތެރޭގައި އުޅޭ ދޫންޏެކެވެ. މިދޫނީގެ ބަނޑުދަށާއި ކަރުދޮށާއި މޫނުމަތި ހުންނަނީ ހުދުކުލައިގައެވެ. ބުރިކަށިމަތި ހުންނަނީ ކަޅުއަޅި ކުލައެއްގައެވެ. ތުނބާއި ފައިގައި ހުންނަނީ ދޮންފެހިކުލައެވެ. ވަކި ޢުމުރަކަށް ދިއުމުން ރަތްރީނދޫ ކުލައަކަށް ފައިގެ ކުލަ ބަދަލުވެއެވެ. ތުނބުގެ މަތީކޮޅުގައި ރަތްކުލައެއް ހުރެއެވެ. ކާ ވަގުތާއި ސިހުން ލިބޭ ވަގުތުގައި ބޮލާއި ފިނދުފަތް ނަގައި ތަޅުވައި ތިރިކޮށް ހަރަކާތް ކުރުމަކީ ކަނބިލީގެ ޚާއްޞަ ސިފައެކެވެ މީހެއްގެ ނުވަތަ އެއްޗެއްގެ ހިލަމެއްވުމުން އަވަހަށް ފިލައި ބޮނދައެވެ
ކަނބުލޭގެފާނު
ނ އަންހެނުން މަޖިލީހަށް އެރީމާދީ އުޅޭ ލަގަބު
ކަނދިލިމައު
ނ ކަނދިލީގައި ޖަހާން ކަޅުކުލައިގެ އޮފު ކަރުދާހުންކަފާ މަލެއް މިމާ ކަފަނީ ބިންވަޅުލައި ފައެވެ
ކަނޑުހަންޑި
ނ ކަނޑުން އަރާކަމަށް ހީކުރާ ޚިޔާލީ ފުރޭތައެއް
ކަނޑުރެއްސި
ނ މަސްއޮޑިޔާއި އަޅައިގަނެގެން އުޅޭކަމަށް ބުނާ ޚިޔާލީ ފުރޭތައެއް
ކަނޑުމުޅަދެވި
ނ ބުނެވޭގޮތުގައި ޚިޔާލީ ދެތްވެއް މިއީ މީހުނަށް ބަލިޖައްސާ ދެތްވެކެވެ