radheef.info
ރަދީފު


ދީ
އމ (1) ދިނުންމިބަހުގެ އަމުރު (2) )ސ ( ދޯ
ކޮޅުން
މ (1) ކަފައާއި އަލަނގުފަދަ ތަކެތި އައްޕަތުން ނުވަތަ ޕަޓޭމީން ހިންމިއަށް ވެއްދުން (2) މަޖާޒު: އެއްޗެއް ހޯދާން ތަންތަނަށް ބޯދީ އަތް ބާނައި ހާވައި ހެދުން
ކޮކާހަނދުވަރު
ނ ގަސްގަހުގެ ފަތްތަކުގެ ތެރޭން ފުރޭނިގެން ތަންތަންކޮޅަށް ދީފައި ހުންނަ ހަނދުވަރު
ކޮކާއަވި
ނ ގަސްގަހުގެ ފަތްތަކުގެ ތެރެއިން ފުރޭނިގެން ތަންތަންކޮޅަށްދީފައި ހުންނަ އަވި
ކޮއްކޮ
ނ (1) ތިމާގެ މީހުންގެތެރެއިން ހަގުމީހާ (2) ތިމާއަށްވުރެ ހަގުކުދީންނަށް އޯގާވެރިކަމުގެ ގޮތުން ކިޔާ އުޅޭ ނަމެއް ބައެއް ފަހަރަށް ވަނަމަކަށްވެސް ބައެއްމީހުނަށް މިހެން ކިޔައެވެ
ކޮއްތަށް ދީފައި ބަނޑަށްދޭ ވަރަށް ހުރުން
(މިސާލުބަހެއް) އެއްޗެއް މާގިނައިން ހުރީމާ ދީއުޅޭ މިސާލެއް މިސާލު: އެގޭގައި ކޮއްތަށް ދީފައި ބަނޑަށްދޭވަރަށް ހިކަނދިފަތް ހުރެއެވެ
ކޮލީނަން
ނ ކޮލިލައިގެން ދައުލަތުގެ ފަރާތުން މީހުންނަށް ދީއުޅުނު ލަޤަބު މިސާލު: )ހ( ފާށަނާ )ށ( ހަކުރާ )ނ( މޭނާ
ކޮޑިވުން
މ )ޏ.ސ.( ކުޑަކުދިންނަށް ގޮވާލާ ސަމާސާކޮށްލައި ހެދީމައި އުފަލުން ފަރިދެއްކުމުގެ ގޮތުން ގޮތްގޮތް ހެދުން
ކޯ
ނ (1) ކަންކަށީ ކަށިގަނޑާ ދަތްދޮޅީ ކަށިގަނޑާ ދެމެދު (2) އަނގަޔަށް ވައިވެއްދީމާ ދެފަރާތުން ފުފޭ ހިސާބު (3) ފަރުގެ ބޭރު ކައިރިން އެތެރެއަށް ލައިފައި އޮންނަ ގޮނި (4) )ސ ( ހިނދު
އަނހާސަހަރޯ
އ ހަމްދަރުދީ ނުވަތަ އުފާ ފައުޅުކުރާން ބުނާ ބަހެއް
އަނބޯދިނުން
މ ބޮސްދީލޯބިކުރުން
އަނދިރިއަނދިރީން
ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ
އަނދުންމުށިގަނޑު
ނ ކުޑަކުދީންގެ ލޮލުގައި އަނދުން އަޅާއިރު ކޫރުދަމައިހަދާން އަނދުން އަރުވައިގެން ގެންގުޅޭ މުށިގަނޑު
އަނގައިން އަނގަޔަށްއެޅުން
މ (1) ދޫނިސޫފާސޫފި އަނގަޔަށް ކާތަކެތި އަޅައިގެންގޮސް ޅައެއްޗެހީގެ އަނގަޔަށް އަޅައިދިނުން (2) މަޖާޒު: ވިސްނައިދިނުމަކާ ނުލައި އެއްޗެއް ކިޔައިދީ ދަސްކޮށްދިނުން
އަންޒަމާން
ނ (1) ޤަދީމް ޒަމާން (2) މަދަރާސީއާއިދިމާ ދެކުނުގައި އޮންނަ ޖަޒީރާތަކެއް
އަރާރޫޓް
ނ ކުޑަކުދީންނަށާއި ބަލިމީހުންނަށް ދޭން ގެންގުޅޭ މަޝްހޫރު ފުށެއް މިއީ ގަހެއްގެ ގޮނޑިންނަގާ ފުށެކެވެ
އަބުއި
ނއ (1) ގެއްލުންދެނިވި (2) ޢިއްޒަތްތެރި (3) ރައްޓެހިނޫން (4) ބެހެންނުވާ (5) ހައިބަތުހުރި މިސާލު: ކުޑަކުދީން ނުބެހެންވީ ކަންތަކާ ބެހެން އުޅެފިނަމަ ތިޔައީ އަބުއިކަމެކޭ ބުނެއުޅެއެވެ ޢިއްޒަތްތެރީންނާ މެދުވެސް އަބުއިމީހެކޭ ބުނެއުޅެއެވެ
އަޅައިގޮވުން
މ (1) ވައްލަފަދަ ބައެއްދޫނި އެކަތި އަނެއްކައްޗަށް ރައްޓެހިވެގެން އެކަތި ގޮވައިލީމާ އަނެކަތި ގޮވައިލުން (2) ދެޖިންސުގެ ދެމީހުން ރައްޓެހިވެގެން އެކަކު އެއްޗެއް ބުނީމާ އެޔާއަޅައި އަނެކަކު އެއްޗެއް ބުނުން (3) މަޖާޒު: ލާދީގޮވުން
އަޅެ
އކ ނިކަން. މިބަސް ބޭނުންކުރަނީ އާދޭހުގެ ގޮތުންނާއި ރުޅިވެރި ކަމުގެ ގޮތުންނެވެ. މިސާލު: އަޅެދީބަލަ އަޅެޖަހާބަލަ
އައިންހިފައިގެންވައިމައްޗަށްއެރުން
މ (1) މަސްއައިނެއްގައި އެތައް ދޯންޏެއް އޮއްވާ އެތަނުން ވަކިދޯންޏެއް އެންކަވައިގެން އެހެން މީހުންނަށް ކެހިދިނުމަށް އައިން ގޮވައިގެން ވައިމައްޗަށް ދިއުން (2) މަޖާޒު: އަނެކަކަށް ލިބޭން އަންނަމޮޅެއް ނުވަތަ ރީއްޗެއް އެފަރާތަކަށް ލިބުނަނުދީ ތިމާ އަތުލުން
އައްދޮވުން
މ ކުޑަކުދީންގެ ބަހުގައި ބަލިވުން ނުވަތަ ތަދުވުން