radheef.info
ރަދީފު


ފޭ
ނ ދުރު
ފަތުކެއްކިއުއި
ނ ފޭލިވިއުމަށްޓަކައި އަހިގަހުގެ ފަތާއި ތޮއްޓާއި މޫލައިގެން ކައްކާ ކުލަޖައްސައިފައި ހުންނަ އުއި
ފަތްދިޔަ
ނ އަހިމުލުން ތައްޔާރުކުރާ ދިޔައެއް. މިއީ ފޭލިފަދަ ތަކެތި ވިއުމަށްޓަކައި އުއިގައި ކުލަޖެއްސުމަށް ބޭނުންކުރާ އެއްޗެކެވެ
ފަތްޕުޅުޖެހުން
މ އާދައިގެ މީހަކު ބޭފުޅެއްގެ ފޭރާންކޮޅު ފަތްޖެހުމަށް ބުނެއުޅޭ ގޮތް
ފަލަނގު
ނ ފަލަނގުފޭލި
ފަސާޙް
ނ (1) ހެދުން (2) ފޭރާން
ފަސްގަނޑު ކަނޑައިގެންދިއުން
މ (1) ބިންގަނޑަށް އަންނަ ބަދަލަކުން ފަސްގަނޑު ކެނޑި ފޭވުން (2) ދެމިގެން އަންނަ ފެންގަނޑު ފެތުރިގެން ދިޔަ ނުދިނުމަށްޓަކައި ހަދާފައި ހުންނަ ވެލީގެ ހުރަސް ގިރާލުން
ފަޑި
ނ (1) އެނދާއި އުނދޯލި ފަދަ ތަކެތީގެ ދެކޮޅާއި ބިތްދޮށުގައި ހުރަސް ތޭރިމައްޗަށް ފަތިހަރުކޮށް ހަދައިފައިވާ ބައި (2) ފުރާދުއްވާ އުޅަނދު ފަހަރުގެ ދެއަރިމަތީގައްޔާއި އަރާފައިބަން ހަދާފައިވާ ސިޑި ފަދަތަންތާނގެ އަރިމަތީގައި ހިފޭ ގޮތަށް ހަދައިފައިވާ ބައި
ފަޓުލޫނު
ނ ދެފަޔަށް ވަކިން މެހިފައިއުނަގަނޑަށް ހިފެހެއްޓިފައި ހުންނަ ގޮތަށް ފަހައިފައި ހުންނަ ފޭރާމެއް މީގެ ދެފަރާތު ގައްޔާއި ފުރަގަހުގައި ތަފާތު ގޮތްގޮތަށް ޖީބުލައިފައި ހުރެއެވެ ގޮށްފޮތި ހުންނާނީ ކުރިމަތީގައެވެ
ފާތެއްޔަށްވެއްޓުން
މ (1) ފަޗިސް )ގޮޓި( ކުޅޭއިރު ގެޔާ އެންމެ ކައިރި ހިސާބުން އެމީހެއްގެ ކަނޑުން މެދުގޮޅިޔަށް ފޭބުން (2) މަޖާޒު: މީހާ ހުރި މަޤާމަށްވުރެ ދަށަށް ދިއުން (3) މީހާގެ އަގުވެއްޓުން
ފާލަން
ނ (1) ފުރާ ދުއްވާ އެއްޗެހި ގާތްކޮށް މީހުން އަރާ ފޭބުމަށާއި މުދައު އަރުވައި ބޭލުމަށް ގޮނޑުދޮށުގައި ތަނބުޖަހައިގެން ނުވަތަ ގަލާއި ވެލި އަޅައި ހިއްކައިގެން ހަދައިފައި އޮންނަތަން (2) ދެތަނެއް ގުޅުވުމަށް ކޯރުކޯރާއި ފެންފެންގަނޑު ފަދަ ތަންތަން ހުރަސްކޮށް މީހުން ހިނގުމަށާއި އެއްޗެހި ދުއްވުމަށް ތަނބުޖަހައިގެންނާއި ހިއްކައިގެން ނުވަތަ ފަތިތަކެއް ހަނިދިގުކޮށް ގަތައި އެލުވައިގެން ހަދައިފައި ހުންނަ މަގު
ފެންވެހުން
މ (1) ތަނަކުން ފެން ފޭބުން (2) ވާރޭވެހުން
ދެރުން
މ (1) ދަރަނިވެރިވުން (2) އާދަ ދޭންޖެހުން (3) އުދުހޭ އެއްޗެހި ތިރިކުރަން ފަރިކޮށްލުން (4) ފޭރާމެއް ރީތިތޯ ނުވަތަ ހެޔޮވަރުތޯ ގައިގައި ޖައްސައިލުން (5) )ޅ ސ ( ދިއްކޮށްލުން
ފާސް
ނ (1) ތަޢުލީމީ ފެންވަރު ހުރިވަރު އަންގައިދޭ ސަނަދު. (2) ތަނަކަށް ވަނުމުގެ ހުއްދަ ދިނުމުގެ ގޮތުން ދޭލިޔުން ނުވަތަ ނިޝާން. (3) ފޭލުގެ އިދިކޮޅު. (4) ވަކި ކަމަކަށް މީހަކު އެކަށީގެންވާ ކަމަށް ނުވަތަ ވަކި ބައެއްގެ ތެރެއަށް ހުށަހެޅޭ ގޮތްތަކަކަށް ނުވަތަ ގޮތަކާމެދު އެއްބަސްވާ އެއްބަސްވުމާއި ނިންމާ ނިންމުން. (5) ތާސްބައިން "ނީލަން" ކުޅޭއިރު އެމީހެއްގެ ފަހަރު އައުމުން ދޫކޮށްލާ ދޫކޮށްލުން. (6) އަންހެނުން ދެ ބަޔަކަށް ބެހިގެން ކުޅޭ ކުޅިވަރެއް. (7) އެއްޗެއް ނުވަތަ ކަމެއް ނުވަތަ ތަނެއް ހުރީ ޤަވާޢިދާ އެއްގޮތަށްތޯ ނުވަތަ ނޫންތޯ ބަލައި ނިންމާ ނިންމުން
ފާޓު
ނ (1) ފޮތިފޭލީގެ ފުޅާމިން (2) ރިޔަލުގައި ގުޅައިފައި ހުންނަ ބައިތަކުން ބައެއް
ފިނދުން
މ (1) ބޮނބިނަރާއި ކަފަފަދަ އެއްވެފައިވާ ތަކެތި ވަކިވަކިކުރުން (2) ވިޔެފައި ހުންނަ ފޭރާން ފަދަ އެއްޗަކަށް ވާގޮތަކުން ބާރުވެގެން ރޮދިތައް ދުރުވުން
ފިއްތިފުޅި
ނ އިހުގައި ރަސްކަލުންނާއި އަމީރުންނާއި ވަޒީރުންގެ ސަންދޯންޕުޅު ގެންދާއިރު ފިނިފެން ޖަހަން ގެންގުޅޭ ފުޅިއެއް. މި ފުޅި ހުންނާނީ ފަތިކޮށް މެދަށް ފިއްތާލާފައެވެ މިއީ ނޫކުލައިގެ ފުޅިއެކެވެ މިފުޅި ފިނިފެން ޖަހަން ގެންދަނީ އުނަށްދިން ފޭއްޔެއް އޮޅާލައިގެންނެވެ
ފިޔަން
ނ ތެލި ފުފޭ ފަދަ ތަކެތީގެ މަތިން ޖަހަން ލަކުޑިން ހަދައިފައި އޮންނަ އެއްޗެއް
ފީވުން
މ (1) ލަކުޑިއާއި މައުދަނުގެ ތަކެތި ބާވެ އެތަކެތީގެ ބާރުދިޔުން (2) މޭވާއާއި ގޮވާން ފަދަ ތަކެތި ގިނަދުވަސް ވެގެން ބޭނުން ނުހިފޭ ވަރަށް ހަލާކުވުން (3) ކުޑަކުދިން ރުޅިގަދަ ވެފައި ފިނޑިވުން (4) ބިސްފީކުރާ ދުވަސްވަރު ކުކުޅަށްވެފައި ހުންނަ ގޮތްވުން (5) މަޖާޒު: ވެރިކަމާއި ޢާއިލާ ތަކާއި މީހުންގެ ބާރުކެނޑުން
ފުހަޑުއްދީއްތަ
ނ )ބދ ( (1) ފަރުދާ (2) އުނަށް ދޭފޭލި މަތިމައްޗަށް އަންނަ އިރު އަޑިއަށް އޮންނަ ފޭލި
ފުށުފޭލި
ނ (1) އުނުފޭރާން (2) އަންނައުނު