radheef.info
ރަދީފު


ފައި
ނ (1) އިންސާނުންގެ އުކުޅުވަޅުން ފެށިގެން ތިރިޔަށް ހުންނަބައި. (2) ހަތަރު މޮށްގަނޑު ހުންނަ ޖަނަވާރުގެ ފަހަތު ދެމޮށްގަނޑު. (3) ގޮނޑި މޭޒު ފަދަ އެއްޗެހި ކޮޅަށް ބެހެއްޓުމަށްޓަކައި ހުންނަބައި. (4) ދިޔަހިއްކަން ލަކުޑިން ހަދައިފައި ހުންނަ އެއްޗެއް. (5) )ޏ.ސ( އެހެން އެހެންޏާ. (6) ކަންކުރި ފަރާތް އެއްގޮތްވުމާއެކު އެއްކަމެއް އަނެއްކަމަކާ ގުޅަމުން ގެންދިއުމުގައި ބޭނުންކުރާ އަކުރެއް މިސާލު: ޞާދިޤު އައިސް ވަދެފައި އެހެން ބުނެލައިފައި ހިނގައްޖެއެވެ
ހިފިހުރުން
މ (1) ތަތްވެފައި ހުރުން (2) އެގޮތް މިގޮތަށްނުވެ ހަރުލާ ހުރުން (3) ކިޔަމަންތެރިވެފައި ހުރުން (4) ބަންދުވެފައި ހުރުން މިސާލު: )ހ( ލޭހިފި ހުރުން )ށ( ދިޔަހިފި ހުރުން
ހިތާނުވަޅު
ނ އިހުގައި ދިވެހިގޮތަށް އަޅައިފައި ހުންނަ ގޭގޭގައި މައިދޮރާ އެންމެ ކައިރިޔަށް ބޮޑުއަށީގައި އިށީނދެވެން ހުންނަ ތަން
ހިތާކުޅެލުން
މ (1) ހިތަށް އަސަރުކުރުވުން (2) ހިތަށް އަސަރުކުރުވައިފައި ވަކިވެގެންދިއުން
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހިތިބަދަން
ނ ބޭހަށް ބޭނުންކުރާ އެއްޗެއް މީގެ ތޮށިގަނޑު ހަރުވެފައި ތޮށިގަނޑުގެ ކުލަ ހުންނާނީ ފެހިކުލައެއްގައެވެ މިއީ ކާފޫރުތޮޅިއަށްވުރެ ކުޑަކޮށް އެކަހަލަ ސިފައަކަށް ހުންނަ އެއްޗެކެވެ ބޭހަށް ބޭނުންކުރަނީ އެތެރޭގެ މަދެވެ
ހިތިކަށި
ނ )ސ ( (1) ކަނޑުމަހުގެ ބަޑާދޫ ކަނޑާލީމާ ބަނޑުގެ އެތެރޭ ހަމާއިމަސްގަނޑާއި ގުޅިފައިވާ ފަތިކަށީގެ ބައި (2) ނއ ހިކިއަނަރޫފަ
ހިތިކަން
ނއނ (1) ހިތިރަހަދޭކަން (2) މަޖާޒު: ހިތަށް މާބޮޑަށް އަސަރުކުރަކޮށްފައިވާކަން
ހިތިކަދޫވެލެއްގެ ބުޑަށް ފެންކަމުގައި މާމުއި އެޅިއަސް އޭގައި އަޅާ އެއްޗެއް ފޮންޏެއް ނުވާނެއެވެ
(މުސްކުޅިބަހެއް) ނުބައިކަމުގައި ޙައްދު ފަހަނަޅާފައިވާ މީހަކަށް ކިތަންމެ ހެޔޮ ނަސޭހަތެއް ދީ ވިސްނައިދީ ހެދިޔަސް އޭނާގެ ނުބައިކަމަށް ބަދަލެއް ނާންނާނެކަން އަންގައިދިނުމުގެ ގޮތުން ބުނެއުޅޭބަހެއް
ހިތިދަނޑި
ނ ބޭހަށް ގެންގުޅޭ ހިތިރަހަލާ ހިމަދަނޑިއެއް މިއީ ރާއްޖެއިން ބޭރުން ގެންނައެއްޗެކެވެ މީގެ ގަސްހެދެނީ އޮނު ހުންނަ ގޮތަށް ބަދަބަދަލައިފައި ބަދަތައް ވަރަށް އޮމާން ކޮށެވެ ބަދަތައް ހުންނަނީ ހިމަކޮށެވެ ގާތްގަޑަކަށް ކުޑަވާއިނގިއްޔެއްހާ ފަލަމިނެއްގައެވެ ފަތްތައްވެސް ހުންނަނީ އޮނުފަތާ ވައްތަރުކޮށް އެއަށްވުރެ ކުދިކޮށެވެ މިގަސް ހެދެނީ ގާތްގަނޑަކަށް 5 ފޫޓެއްހާވަރަށެވެ އިނގިރޭސިބަހުން މިގަހަށް ކިޔަނީ ސިންކޯނާއެވެ
ހިތިގަސް
ނ އުސްކޮށް ބޮޑުތާނގައި ފެތުރިގެންހެދޭ ލަކުޑިމޮޅުގަހެއް. މިގަހުގެ ލަކުޑި ހުންނާނީ މަޑުމުށިކުލައިގައެވެ. މިގަހުގެ ދަނޑިޔާއި ފަތަކީ އެކިކަންކަމަށް ފައިދާހުރިބޭހެކެވެ. ފަތްހުންނާނީ ކުރިޔަށް ހިމަކޮށް ބުޑުދޮށަށް ފަލަކޮށް އަރިޔަށް ލެނބިލައިފައެވެ ފަތުގެކައިރިފަށް ހުންނާނީ ތުނޑުތުނޑުލައިފައެވެ ފަތުގައި ވަރަށް ގިނަ ގަދަ ހިތިރަހައެއް ހުންނާނެއެވެ
ހިތީކިޔެވުން
މ ހިތިދުވަހު އަޞްރު ނަމާދުން ފައިބައިގެން ބޮޑު ކިއެވެނީންނާއި ކަމުވޮށިނުވޮށީން އެދުވަހު ހިއްޗަށް ވަޑައިގަންނަވާ ޒިޔާރަތެއްގެ ކައިރީގައި ފޮތް ފޮއްޓެއް ކިއެވުން
ހިތުންފިލުން
މ (1) ހަނދާންނެތުން (2) ކަމަކާމެދު ނުވަތަ އެއްޗަކާމެދު ހިތުގައި އުފެދިފައިވާ ޝައުޤުވެރިކަން ނެތިގެންދިއުން
ހިތުންފިލުވުން
މ (1) ހަނދާން ނައްތައިލުން (2) ކަމަކާ ނުވަތަ އެއްޗަކާމެދު ހިތުގައި އުފެދިފައިވާ ޝައުޤުވެރިކަން ނައްތައިލުން
ހިތުވަފެއިދިނުން
މ )ސ ( (1) ހިއްތައިފައި ދިނުން (2) ދިއްކޮށްލާފައިދިނުން
ހިތުލީބޮލިނެގުން
ނ (1) ބޮލިއަތުރައިގެން ކުޅޭ ކުޅިވަރެއް މިކުޅިވަރުގައި އެކެއްގެ ހިތުން ގަސްތުކުރާ ބޮލި ދެވަނަ ފަހަރު އެތުރުމުގެ ގޮތުން އަނެކަކު ވިސްނައިގަނެއެވެ (2) މަޖާޒު: މީހަކާ ހިތާވެގެން އެކަން ފާޅުނުކޮށް ހުރެހުރެފައި އެމީހަކާ އިންނަ އިނުން
ހިތްހަށިހަމަވުން
މ (1) ހިތާއި ހަށިގަނޑު ހަމަޖެހިފައި ހުރުން (2) ހިތްގައިމު ކަންލިބުން
ހިތްހަމަޖެހުން
މ (1) ހިތަށް ލިބިފައިވާ ދަތިކަމެއް ފިލުން (2) ހިތްރުހޭ ގޮތްވުން
ހިތްހަލާލު ހޯދުން
މ (1) ހިތުގެ ރުހުން ހޯދުން (2) ހިތުގެ ސާފު ރުހުން ލިބިގަތުން މިކަމަކީ ފިރިމީހާގެ ކިބައިން އަނބިމީހާ މައިންބަފައިންގެ ކިބައިން ދަރިން އެދުރުންގެ ކިބައިން ދަރިވަރުން ލިބިގަންނަ ކަމެކެވެ
ހިތްވަރުހުރުން
މ (1) ހިތުގެ ސާބިތުކަމާއި ވަރުގަދަކަން ލިބިފައިވުން (2) ކަންތަކާއި ކުރިމަތިލާން ކެރުން
ހިތްމޮޅު
ނއ (1) ބޮޑާ (2) ކިބުރުވެރި (3) ތިމާއަށް ތިމާ ފެނިފައި ހުންނަ