radheef.info
ރަދީފު


މަތި
ނ (1) ތިރީގެ އިދިކޮޅު (2) އެއްޗެހީގެ އަނގަމަތި ނިވާކުރަން ޖަހާ ނުވަތަ ބާއްވާއެތި (3) ދަށުގެ އިދިކޮޅު (4) އެއްޗެއްގެ މަތީކައިރި (5) ހަމައެއްޗެއްގެ ސަތަހަ (6) އެއްޗެއްގެ މަތީކޮޅު
ކަކާތުއުކުޅު
ނ ހިފުމުގެ އުކުޅެއް ގުޅަމަތި ހިފުމުގައި މަޑިޔަށް ޖެހިގެން އޮވެ އަނެއްމީހާގެ ކިހިލިފަތް ދޮށަށްލާ ހިފެހެއްޓުން
ކަކޫ
ނ މާކަޅުވާމަހާއި ކުޑަކަޅުވާމަހާއި ގުޅުނުތާނގެ ހުޅުމަތި
ކައިރި
ނ (1) ދުރުގެ އިދިކޮޅު (2) ގާތް (3) އަރިމަތި (4) )ސ ( ކައިރު
ކައިރިންއެޅުން
މ ރިޔާނަގައިގެން ދުއްވާ ތަކެތި އަރިވެގެންގޮސް އަރިވެފައިވާ ފަރާތުގެ މަތިކަންމަތިން ފެންއެރުން
ކައްބާބު
ނ މަތިކަރާ ބޭހުގެ ބާވަތެއް މިއީ ގަހެއްގައި އަޅާ ކަޅުކުލައިގެ އޮށެކެވެ މިހުންނާނީ އަސޭމިރުހާ ދާދި އެއްބައްޓަމަކަށް އެއަށްވުރެ އޮމާންކޮށެވެ މީގައި ކުޑަ ތަނޑިއެއް ހުންނާނެއެވެ
ކައްޔާލު
ނ (1) އޮޑޮދޯނިފަހަރުގެ ކޮލިމަތި (2) އުކުޅުމަތި
ކަވަރުނާ
ނ ފުރާދުއްވާ ބޮޑެތި އެއްޗެހި ބަނުމުގައި ފަށަނުން ފަށައިގެން އެތެރެއިން ބަނޑުފިލައިގައި މަތިކަނާ ހަމައަށް އަޅާވައް
ކަމަރު
ނ (1) އުނަގަނޑުގައި އަޅާން ގެންގުޅޭ ބަކަލުގައި އެކި ވަރުވަރަށް ހަމަޖެއްސޭގޮތަށް ހަދައިފައި ހުންނަ ބަންދު (2) އެކިއެކި ބޭނުމަށްޓަކައި މޫނުމަތި އަޅުވައި ނެއްޓޭނޭހެން ހަދައިފައި ހުންނަ ބަންދު މިސާލު: )ހ( އަތުކުރީގަޑީކަމަރު )ށ( ތަންމަތިބަންނަކަމަރު
ކަމަރުބަނދެލުން
މ މަޖާޒު: ކަމަކަށް ކުރިމަތިލުމަށް ތައްޔާރުވުން
ކަމަރުބަނުން
މ މަޖާޒު: ހިތްވަރާއިއެކު ކަމަކަށް ކުރިމަތިލުމަށް އަޒުމް ކަނޑައެޅުން
ކަދާމާލި
ނ ކުޅުދުއްފުށީގައި "ދަމުހިނގުމޭ" ކިޔާކުޅިވަރުގައި ބައިވެރިވާނަށާ މީހުން. މިމީހުންތިބޭނީ "މާލިހެދުމޭ" ކިޔާ ހެދުންއަޅާފައެވެ. މިއިން ކޮންމެ މާއްޔެއްގެ އަތުގައި ކަދާމައްޗަކާއި ލޯ ކައްޓަކާ އޮންނާނެއެވެ. އެމީހުން ނަށާއިރު އެކަށީން މަތިގަނޑުގައި ލަވަހަމަކޮށް ޖަހާނެއެވެ. މާލިތައްތިބޭނީ ފޭލިއަނދެފައި ކަކުލައިހަމަޔަށް ހުންނަވަރުގެ އަތްދިގު ހުދުލިބާހެއްލައިފައި އުނަގަނޑުމަތީ ތެޔޮރުމާލެއް ބަނދެލާފައެވެ. އަދިއުނަގަނޑާ ހަމަޔަށް އެލިފައިއޮންނަވަރުގެ ހުދުފޮށައެއް ބޮލުގައި އަޅުވައި އޭގެމަތިން ރަތްރުމާލެއް )ކަނުންކަނަށް ފަތްޖަހާފައި( ކަނދުރާމަތިން ގެނެސް ކަރުގައި ބައްދާފައި އޮންނާނެ އެވެ
ކަލަމިދި
ނއ ދެމަތިފުށް ރަސްމަތިކޮޅާއި ގުޅިފައިވާ
ކަލަމިދިވުން
މ ދެމަތިފުށް ރަސްމަތިކޮޅުން އައުން
ކަލިވަތް
ނ (1) ގޯއްޗެއްގެ ތެރޭގައި މީހުންނަށް އުޅެވޭގޮތަށް ހަދައިފައި ހުންނަ ކުދި ކުދި ތަންތަންކޮޅު (2) ފޮއްޓެއް ނުވަތަ ދަބަހެއްގެ ތެރޭގައި އެއްޗިހިލާން ހަދައިފައި ހުންނަ ބައިބައި (3) މަތިންދާ ބޯޓު ތެރޭގައި މީހުންގެ އަތްމަތީ ސާމާނު ލާން ހަދައިފައި ހުންނަ ވަތްވަތްގަނޑު
ކަލޯ
ނ (1) ފިރިހެނެއްކަން ދަލީލުކުރާނަމެއް (2) ތިމާޔަށްވުރެ ހަގު ގާތްތިމާގެ ފިރިހެނުންނަށް ލޯބިން ކިޔާނަމެއް (3) ދެރަކޮށް ނިކަމަތިކޮށްލުމަށް ފިރިހެނުންނާ ދިމާއަށް ބުނާގޮތް (4) މުސްކުޅިބަހުގައި މާތް ފިރިހެނުންނަށް ކިޔާގޮތެއް (5) ބައެއް ކަހަލަ ޖަނަވާރާއި ދޫނިސޫފާސޫފީގެ ނަމުގެ ފަހަތަށް ގެންނަބަހެއް މިސާލު: )ހ( ބުޅާކަލޯ )ށ( މާކަނާކަލޯ
ކަސްމަތިން ދިއުން
މ (1) މަތިކަނާއި ހަމައިން ނަގިލީގެ ވައު ކަނޑައިގެން ދިއުން (2) މަޖާޒު: ކުއްލިއަކަށް އަންހެނުން ވަރިވުން
ކަޓަކަރާ
ނ )ކަޓަރާ( (1) ބަދިގޭ ބިތްދޮށުބިތުގައި އެތެރޭގައި އެއްޗެހި ބެހެއްޓޭނެހެން ބިތަށްވުރެ ބޭރަށް ނެރެފައިހުންނަތަން މިތަންހުންނަނީ ވަތްވަތްގަނޑަށެވެ (2) މަތިގޭ މަތީބުރީގެ ފެންޑާ
ކަޓަކަރާމަތި
ނ މަތިގޭ ކަޓަކަރާ
ކާންދިނުން
މ (1) އިންސާނުންނާއި ހައިވާނުންނަށް ކާތަކެތި ދިނުން (2) ކާމޭޒުމަތި ބެލެހެއްޓުން
ކާބަފައިން
ނ (1) މަތިފުށުގެ ކާފައިން (2) މަޖާޒު: ޤައުމެއްގެ އިސްވެ ގޮސްފައިވާ މީހުން