radheef.info
ރަދީފު


ވެސް
އ (1) ދޭދޭ ބަސް ގުޅައިލުމުގައި ބޭނުންކުރާ އަކުރެއް. މިސާލު: އަޙްމަދު ވެސް އަނީސްވެސް އައެވެ. (2) އިތުރުކުރުން ހިމެނުން މިސާލު: އަހަރެން ވެސް ދާނަން
ބޮނޑެހި
ނ )ހ ( ކަނޑުލާއި ބޮޑަވަކިފަދަ ގަސްގަހުގައި އަޅާ ފަންޏެއް މިއީ ލަކުޑިވެސް ކާފަންޏެކެވެ
ބޮޅުވޮށި
ނ އެކިވަރުގެ ބޮޅު ވަށްކުރާންގެންގުޅޭ އެކި ވަރުގެ ދަގަނޑުކޮޅު މިއަށް "މުދިވޮށި" މިހެންވެސްކިޔައެވެ
ބޮކަރުމާ
ނ (1) ތާޅަފިއްޔެއްގޮތަށް ހުންނަ ރީނދޫކުލައިގެ މަލެއް މިމަލުގެ ތަނޑާވީ ކޮޅަށް ހިމަވެފައި މަލުގެ ކުރީގެ އެތެރެއަށް ހުންނަ ބައިފުޅާވާނެއެވެ މިބަޔާއެއްކޮށް މަލުގައި ފަސްފިޔަ ހުރެފައި އެއްފިޔަ އަނެއްފިޔައަށް ހުންނާނީ ވަކިވެފައެވެ މިމަލުގައި ބޮކަރު ވަހާގާތް މަޑުލުއި މީރުވަހެއް ދުވައެވެ މިގަހުގެ ފަތަކީ އަރިމަތީގައި ވަރަށް ގިނަ ތުނޑުލައިފައި ކޮޅަށް ތޫރިކޮށް ހުންނަ ހިމަދިގު ފަތެކެވެ (2) ތުނި ފޮނިތޮށިހެން ހުންނަ ބޮކަރުވެސް ދުވާ އެއްޗެއް މިއީ ދުން އަޅާން ގެންގުޅޭ އެއްޗެކެވެ
ބޮއްބޯ
ނ )ސ.( ކިރުއެރިފައިވާ އުރަމަތި. މިއި ކުޑަކުދިން ވާހަކަދައްކައި އުޅޭއިރު ކިޔައި އުޅޭ ގޮތެކެވެ. ފެން ނުވަތަ ދަޅު ކިރުފަދަ އެއްޗެހި ބޯން ބޭނުންވީމާވެސް މިހެން ކިޔައެވެ
ބޮލި
ނ (1) މޫދުގައި މަސްލައިގެން ދުވާ ދިރޭ އެއްޗެއް. މިހުންނަނީ އެކިބޮޑުމިނުގައި އެކި ކުރެހުމުގައި އެކި ކުލަކުލައިގައެވެ. މީގައި ވަރަށް ރީތި އޮފުވެސް ހުރެއެވެ. މީގެ ތެރެއިން ރާއްޖޭގައި އެންމެ މަޝްހޫރު ވެގެންވަނީ ހުދުކުލައިގައި ހުންނަ ކުދި އެއްޗިއްސެވެ (2) )ސ( ނއ ބޯ ނުވަތަ ތުނީގެ އިދިކޮޅު
ބޮޑަދެއްކުން
މ (1) ދެކޮޅުވެރިކަމަކާ ނުލައި ދެރަނުވާންވެގެން ގޮތް ދޫނުކޮށް އުޅުން. (2) ކަމެއް ކުރާހިތުން ހުރެ ގޮތްދޫނުކުރުމުގެ ގޮތުން އެކަމެއް ނުކުރާން ބުނުން. (3) ބޭނުންވުމާއެކުވެސް ބޭނުންނުވާގޮތް ދެއްކުން. (4) ގާތްމީހަކު ލައްވައި ތިމާ ބޭނުންކަމެއް ކުރުވުމަށްޓަކައި ނުކިޔަމަންތެރިކަމެއް ނުވަތަ ނުރުހުމެއް ދެއްކުން
ބޮޑު
ނއ (1) ކުޑައެވެ ބުނާ ބަހުގެ އިދިކޮޅު (2) ކޮންމެ މިނަކުންވެސް އިތުރު (3) މޮޅު (4) ޢިއްޒަތްތެރި
ބޮޑުބަޑި
ނ ހަރުގައި ނުވަތަ އެހެންވެސް ތަނެއްގައި ބާއްވައިގެން ގޮއްވާ ކަންފަތްލީ ބަޑި
ބޮޑުބިސްކޯދު
ނ (1) ކެބިން ބިސްކޯދު (2) ދޫނިޖެހި ބިސްކޫދު މިއީ ގާތްގަނޑަކަށް 3 ސޫތުހާ ބޯމިނުގައި ފަރާތެއްގައި 3 އިންޗި ހުންނަވަރުގެ ހަތަރެސްކަނަށާއި ވައްކޮށް ހުންނަ ބިސްކޯދެކެވެ މިހުންނަނީ ކުޑަވަރެއްގެ ޑަބިޔާއެއްގައެވެ ފަހަކަށް އައިސް ފާރޮށިގޭގޭގައިވެސް މިބިސްކޯދު ހަދައި އުޅުނެވެ
ބޮޑުކަން
ނއނ (1) ކުޑަކަން މިބަހުގެ އިދިކޮޅު (2) ކޮންމެ މިނަކުން ނަމަވެސް އިތުރުކަން (3) މޮޅުކަން (4) ޢިއްޒަތްތެރިކަން
ބޮޑުފަތަފޮޅިކުނާ
ނ ބޮޑުފަތަފޮޅިޔާއެކު ގެންނަ ފޭރާން ދެރަކުނާ މިއީވެސް ބޮޑުފަތަފޮޅި ފަދައިން ގެންނަ އެއްޗެކެވެ
ބޮޑުފެހި
ނ އިހުގައި ބޯވަޅު އެޅި ލިބާސް ލައިއުޅުނު ފޭރާމެއް މިއީ ކަޅު ފެހިކުލައިގެ ފޮއްޗެއްގައި ހިމަރޮނގު ބަޔެއްގެ މެދުތެރޭގައި އެއަށްވުރެ ކުޑަތަންކޮޅެއް ފުޅާ ރޮނގެއްހެން ހުންނަ ފޮއްޗެކެވެ ރޮނގުބައި ހުންނާނީ ކަޅުފެއްސަށްވުރެ އަޅި ފެހިކުލައެއްގައެވެ މިގޮތަށް ރޮނގު ހުންނަ ރަތްކުލައިގެ ފޮތިވެސް ހުރެއެވެ އެއަށް ކިޔަނީ ބޮޑުފެހީގެ ރަތެވެ
ބޮޑުތަކުރުފާނު ވާހަކަ
ނ ޣާޒީ ބަންޑާރައިންގެ ހަޔާތާއި އެރަދުން އަނދިރި އަނދިރީންގެ ކިބައިން ރާއްޖެ ސަލާމަތްކުރެއްވި ވާހަކަ މިވާހަކަ އާބަކުރު ރަސްގެފާނުން ފެށިގެން ކަލާފާނާ ހަމައަށް ވެސް ކިޔައެވެ އަދި ކޮއިމަލާއިން ފެށިގެން އައްސުލްޠާނު މުހައްމަދު މުޢީނުއްދީނުލް އައްވަލާ ހަމަޔަށްވެސް ކިޔައެވެ
ބޮޑުތަވީދު
ނ ކޮންމެވެސް ބޮޑުބައްޔަކަށް ފަންޑިތަ ހަދައި އެކަން ފަސޭހަވީމާ އެކަމުގެ ރައްކަލަކަށް އެންމެފަހުން އަޅާ ތަވީދު
ބޮޑުސޯޅަ
ނ އެއްވެސް އަގެއްނެތް މީހެއް ނުވަތަ އެއްޗެއް
ބޮޑެތިމީހުން
ނ (1) ކޮންމެ ބައެއްގެ ތެރޭންވެސް އިސްމީހުން (2) ބަސްވިކޭ މީހުން (3) ކުޑަކުދިންނޫން މީހުން
ބޯހިކޭވަރުވުން
މ މަޖާޒު: (1) ދަރަނިވެރިވެފައިވާ މީހަކު އެކަމުން ކިރިޔާ ސަލާމަތްވުން (2) ކޮންމެ ދަތިކަމަކުން ނަމަވެސް ކިރިޔާ މިންޖުވުން
ބޯށި
ނ (1) ފަތް ކެޔޮގަހުން ނުކުންނަ މާގަނޑު. މިނޫނަސް ބައެއްގަސްގަހުން އަންނަ މާގަނޑަށްވެސް މިނަންކިޔައެވެ. މިސާލު: ކަރަންކާބޯށި. ކަފުރުތޮޅިގަހުބޯށި (2) ކަނޑޫ. ރަނޑޫފަދަ ތަކެތީގެ ތާފަތް. (3) ބޯށިގަސް )މިއީ އާންމުކޮށް ހޭޅީގައި ހެދޭ ބޯކޮށް ފަތްހުންނަ ގަހެކެވެ ( (4) ބޯށިގަހުގެ މާގަނޑު (5) ބޯށި ގަހުގެ އޮށް (6) ބައެއް ޒާތުގެ ކުރެހުމުގައި ކަންކަނުގައި ޖަހާމަލެއް (7) ފައްތަރުލައި ކަފާބިލެތުގެ ހުނގުލުކޮޅުގައިލާ ވަނާއެއް (8) )ހ ( އޮށްނާޅާ ހުކުރަދި
ބޯކިބާ
ނ ފުށަށް ކާށިކިރު ނުވަތަ ހުނިއަޅައިގެން ފޮނިކޮށް ނުވަތަ ލޮނުކޮށް ފިހާ ހެދިކާއެއްޗެއް މިފިހަނީ ކޮންމެވެސް ކަންވާރަކަށް އަޅައިގެންނެވެ
ބޯދި
ނ ރާއްޖޭގެ މަސްވެރިން ދިރޭ އެމުގެ ގޮތުގައި ގެންގުޅޭ ކުދި މަހެއް މީގެ ކުލައަކީ ރަންމުށިކުލައެވެ އާންމުކޮށް އުޅެނީ ފަރާއިފަޅު ފަޅުގެ ބޭރު ގުންޑޮޅިތަކާއި ހަތާތަކުގެ ނިވަލުގައާއި ވިލުވިލާއި ކަނޑުއޮޅިތަކުގައި ހުންނަ ބަދިތަކާއި ބޮޑެތިގައުގަލުގެ ނިވަލުގައެވެ އަދި ބޮޑެތި އައިން ހަދައިގެން ކަނޑުގައިވެސް އުޅެއެވެ