radheef.info
ރަދީފު


ވާ
ނ (1) "ވައު" ބަލާ! (2) އ. ބައެއް ތަންތާނގައ ި "ވެސް" ގެ މާނައިގައި ބުނެއުޅޭ އަކުރެއް މިސާލު: ތިޔައީވާ ބޮޑުކަމެއްނޫނެވެ (3) ދަތިނޫންކަމެއް ނުވަތަ ބޮޑުނޫން ކަމެއްކަން އެންގުމުގެ މާނައިގައިވެސް މިއަކުރު ބޭނުން ކުރެއެވެ މިސާލު: އޭނާވާ އަތުވެދާނެއެވެ
ހަފުސްކުރުން
މ (1) ދިރޭއެއްޗެހި ބަންދުކުރުން (2) ދިރޭއެއްޗެހި ބަނުން (3) ނޭވާބަންދު ކުރުން
ހަފުސްވުން
މ (1) ދިރޭއެއްޗެހި ބަންދުވުން (2) ދިރޭއެއްޗެހި ބެނދެވުން (3) ގޮތްހުސްވެގެން ހާސްވުން (4) ނޭވާބަންދުވުން
ހަދަސްވެރިކަން
ނއނ (1) ވުޟޫ ގެއްލިފައިވާކަން (2) ހިނެއިން ވާޖިބުވެފައިވާކަން
ހަދަޘް
ނ (1) ހިނެއިންވާޖިބުވާވުން (2) ވުޟޫގެއްލޭ ގެއްލުން
ހަދިޔާބަދިޔާ
ނ ހަދިޔާގެ ގޮތުގައި ފޮނުވާ ތަކެތި
ހަދިޔާބަޑި
ނ (1) އެއް ދައުލަތެއްގެ މަނަވަރެއް އަނެއް ދައުލަތެއްގެ ރަށަކަށްގޮސް ވަނުމާ އެކުޖަހާ ސަލާމުގެ ބަޑި (2) އޭގެ ޖަވާބުގައި އެރަށަކުން ޖަހާބަޑިޔަށްވެސް ކިޔަނީ މިހެންނެވެ (3) ބަޑިކޮށީމީހުން ޢީދު ދުވަހު ގޭގެ ދޮށުގައި ކުދިންނަށް ޖަހައިދޭ ބަޑި
ހަދީޘް
ނ ރަސޫލާ ވިދާޅުވެފައިވާ ބަސްފުޅު
ހަދު
ނ (1) މުށިން ހަދައިފައި ހުންނަ ކަރުދިގު ބަނޑިޔަލެއް ކަހަލަ ކަންވާރެއް (2) )ޏ ސ ( ފުފޭ
ހަތަރު ބީރުންގެ ވާހަކަ
(މިސާލުބަހެއް) ހަތަރުބީރުން ދެއްކިކަމުގައި ބުނެވޭ ވާހަކައެއް. މީގައި އެކަކު ކިޔާ އެއްޗެއް އަނެކަކަށް އޮޅުން ނުފިލައިގެން އެކި މީހުން ދެއްކީ އެކި ވާހަކައެވެ. ބައަކު މިބާވަތަށް ވާހަކަ ދައްކަންޏާ މިސާލަކަށް ބުނެއުޅެނީ "އެ ދައްކަނީ ހަތަރު ބީރުންގެ ވާހަކަ" އެވެ.
ހަތަރުއަނގޮޅި
ނ ދެމަގެއް ބުރަފަތިވާތަން މިތާ ހުއްޓި ހުންނައިރު ހަތަރު ފަރާތަށް ހަތަރުމަގު އޮންނާނެއެވެ
ހަތަރުވަނަ
ނއ (1) ހަތަރަކަށްވާ (2) ހަތަރެއްގެ
ހަތަރުމަސްދިހަވުން
މ (1) މީހަކު މަރުވާތާ ހަތަރުމަހާ ދިހަދުވަސްވުން އެދުވަހަކީ މަރުވިމީހާގެ މައްޗަށް ފާތިހާ ކިޔަވާ ދުވަސްތަކުގެ ތެރޭން ބޮޑު ދުވަހެކެވެ (2) މަރުވިމީހާގެ އަނބިމީހާ ބަލިވެ އިންކަމުގައި ނުވާނަމަ ޢިއްދަ ހަމަވުން
ހަތަރުމޮށްގަނޑު
ނ ހަތަރެސްފައިޖެހި ޖަނަވާރުގެ ހަތަރުފައިގެ ކަކުލުހުޅުން ތިރި
ހަތަރުފަރާތް
ނ (1) އުތުރު ދެކުނު އިރު ހުޅަނގު. (2) ކުރިމަތި ފުރަގަސް ކަނާތްފަރާތް ވާތްފަރާތް
ހަތަރުފަތިފޭލި
ނ އިހުގައި އަންހެނުން އަނދެއުޅުނު ފޭއްޔެއް. މިފޭލިވިޔެފައި ހުންނަނީ އެއްތަތުނުގައި ހަތަރުފޭލި އޮންނަ ވަރަށް ފުރައިގެންނެވެ. މި ތިންފަތި ފޭއްޔަށްވުރެ ދެރަވާނެއެވެ
ހަތަރުފަލުކުނާ
ނ ރާއްޖޭގައިވިޔާ ދުރުދުރުގައި ރޮނގުހުންނަ ކުނަލެއް މިއަށް މިނަން ކިއުނީ ވާރުނެގި ޒަމާނުގައި ހަތަރު ފައު ބޮލީގެ ބަދަލުގައި މިކުނާ ޤަބޫލުކުރާތީއެވެ
ހަތަރުދަން
ނ (1) ދުވާލު ނުވަތަ ރޭގަނޑުގެ ހަތަރުބައި (2) މުޅި ދުވާލު ނުވަތަ މުޅި ރޭގަނޑު (3) ސާޅީސްއަށް މޭލުގެ ދުރުމިން
ހަތަރެސް
ނއ އެއްޗަކާ ގުޅިފައިވާ ހަތަރު ބަޔަކަށް ދަލީލުކުރާ ބަހެއް. މިސާލު: ހަތަރެސްކަން ހަތަރެސްފައި
ހަތަރެސްފައި
ނ (1) ދެއަތާއި ދެފައި (2) ހަތަރެސްފައިޖެހި ޖަނަވާރުގެ ކުރީދެފަޔާއި ފަހަތުދެފައި
ހަތާ
ނ (1) މޫދުގައި ތުނިކޮށް ފަތިކޮށް ފެތުރި ހެދޭ ގައު (2) ތުނިގައު ފޮތި ފޮތި (3) ކުޅަނދުރު އުޅޭން އެ އެއްޗިހި ހަދާގެ (4) ދިރޭއެއްޗެއްގައި ދިރުންހުންނަ އެންމެ ކުޑަބައި ހުރިހާ ދިރޭއެއްޗެހި އެއެއްޗަކުން އުފެދިގެންވާ އަސާސީމާއްދާ މައިކްރޯބްފަދަ ސާދާ ދިރޭއެއްޗެހި އުފެދިފައިވަނީ އެންމެ ހަތަޔަކުންނެވެ އިންސާނުންފަދަ އޮޅުން ބޮޅުން ބޮޑުއެއްޗެހި އުފެދިގެންވަނީ އެތައް މިލިޔަން ހަތާތަކަކުންނެވެ