radheef.info
ރަދީފު


ވައް
ނ (1) ގަސްގަހުގައި ގަންނަ މޭވާ ފަދަ ތަކެތި. މީގެ ތެރޭގައި ކާތަކެއްޗާއި ކައިނޫޅޭ ތަކެތި ހިމެނިގެންވެއެވެ. (2) އިހާގޮނޑީން ފަޅައިފައި ހުންނަ ތަންތަން. ގޮބޮޅިއާއި އެތުމައު ގެންފައި ހުންނާނީ މީގައެވެ. (3) އޮޑިދޯނި ފަހަރުގެ ފަށަނުން މައްޗަށް ދެފަރާތަށް ވާނޭހެން ދެކަތްޕަށް ހުންނަ ވައް. )ބުޑުވައް( (4) އޮޑިދޯނި ފަހަރުގެ ވަތްވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑު ފިލާގައި އަޅާވައް. )ފައިވައް( (5) ބައެއް ވެޔޮވެލާއި ބައެއް ގަސްގަހުގައި ދެފައިކައްޓަށް ހެދިފައި ހުންނަ ގޮފި މޫފަދަ އެއްޗެހި
ޅެން
ނ ހިތުގައި އުފެދޭ ޝުއޫރެއް ނުވަތަ ހިތަށްވައްދާ ޝުއޫރެއް މާނައެއް ދޭހަވާގޮތަށް ވަޒަނަކަށް ފެތޭނޭހެން ބައިތުތަކެއްގެ މައްޗަށް އެކުލަވައިލައިގެން ފާޅުކުރާ ބަސްތައް
ޅޮސްމިޔަރު
ނ ނިދަން މިޔަރުގެ ވައްތަރެއް. މިއީ އާދައިގެ މިޔަރަށްވުރެ ކުރު ބަނޑުބޮޑު މިޔަރެކެވެ ކަންފަތް ތަންކޮޅެއް ދިގުވާނެއެވެ މިއީ ވަކިން އުޅޭ މިޔަރެކެވެ އޮޔާދާ އެތިއެތި ކޮޅުގެ ކައިރީ ހުއްޓި ހުންނާނެއެވެ
ޅޮސްގަނޑު
ނ މަޖާޒު: ވައްތަރުހެޔޮކޮށް ހުރެމެ ބާރުދެރަ ކަމެއްނުވެވޭ މީހާ
ކަހަނބުކޮކާ
ނ )ޅ ( ކަހަނބާ ވައްތަރު ގޮތަކަށް ބުރަކަށި މަތި އޮމާންކޮށް ހުންނަ ބޮޑު މެއްސެއްވަރުގެ އުދުހޭ އެއްޗެއް މިއީ ފީވެފައި ހުންނަ ލަކުޑީގައި އުޅޭ އެއްޗެކެވެ އަދި ދަނޑުމަތީ ގަސްތަކުގެ ތެރޭގައިވެސް އުޅެއެވެ މިކޮކާ ޗިސްވެއްޖެނަމަ ވަރަށް ނުބައިވަހެއް ދުވައެވެ
ކަހަނަލަ
ނ ފުރެއްދެ އަލައިގެ ބާވަތެއް. މިއީ ކެހެނިކަން ގަދަ އަލައެކެވެ. ކެހެނިކަން ބޮޑަށް ހުންނާނީ ތޮށީގައާއި އަލަގަނޑާއި ތޮއްޓާ ގުޅޭ ހިސާބުގައެވެ މިއަލަ ކާން ބޭނުންކުރެވޭނީ ކެހެނި ފިލުވައިގެންނެވެ މީގެ ތަފާތު ވައްތަރުތައް ހުރެއެވެ
ކަހަނަގެނޑި
ނ )ޏ ( ބުރަނދަ ގޮނޑީގެ މޫދިގު ވައްތަރު މިއީ ފެތުރި ހެދޭ ގަހެކެވެ މީގެ ފަތް އާދައިގެ ބުރަނދަ ގޮނޑީގެ ފަތަށްވުރެ ބޮޑެތިވާނެއެވެ މިއީ ބޭހަށްވެސް ބޭނުންކުރާ އެއްޗެކެވެ
ކަހަރުވައް
ނ (1) ގަހެއްގައި އަޅާ ކަރާދުނބުރި ވައްތަރަކަށް ހުންނަ ވަކެއް (2) މަޖާޒު: އެއްވެސް އަގެއްނެތް މީހާ
ކަހަލަ
އ (1) ޒާތް (2) ބާވަތް (3) ވައްތަރު (4) ފަދަ
ކަށިނަހަނާ
ނ ކަށިދަދާ ވައްތަރުގޮތަކަށް ނަގައިފައި ހުންނަ ބަލިކަމެއް
ކަށިކުންބަޅަ
ނ ކުންބަޅައިގެ ތެރޭގައި ހިމެނޭ ކަށިގިނަ ވައްތަރެއް މިވައްތަރުގެ ކުންބަޅައިގައި ހުޅުނބު ތަންކޮޅެއް ބޮޑެތިވާނެއެވެ
ކަށިކެޔޮ
ނ (1) ގޮފިތަކެއްލައިފައި ބޮނޑި އަކަށް ހެދޭ ބިޔަވާ ގަހެއް މިގަހުގެ ފަތް ހުންނަނީ ވަރަށް ދިގުކޮށް ދެފަރާތް އެއްވަރަށް މެދަށް އަޑިވެލާފައި ކޮޅަށް ތޫނުކޮށެވެ. ފަތުގެ ކައިރިފަށުގައްޔާއި މެދުގައި ތޫނުކަށިތަކެއް ހުރެއެވެ. ގަސްހަރުލާފައި ހުންނަނީ ފައިބާ ބިމަށް ހިފައިފައި ހުންނަ ވަރަށް ވަރުގަދަ އަޅޯތަކަކުންނެވެ. މިއީ ތިލަގައި މޫދުވާ ކަފި މޫތަކެއް ހުންނަ ގަހެކެވެ. (2) ކަށިކެޔޮގަހުގައި އަޅާ މޭވާ މިއީ ވަރުގަދަ ދަޅިގަނޑެއްގައި ވަކަކާޖެހިވަކެއް ފިތިބާރުކޮށްހުންނަ ވައްތަކަކުން އެކުލެވިފައި ހުންނަ އެއްޗެކެވެ
ކަށިއޮޑާ
ނ )އ.( އެމުގެ ބާވަތެއް މިއީ ފަތިކޮށްހުންނަ ކަޅުދަނބުކުލައިގެ މަހެކެވެ މިމަހުގެ ބޮލުގައި މަޑިކައްޓަކާ ވައްތަރު ކައްޓެއްހުރެއެވެ
ކަށިގޮނު
ނ ގޮނުމަހުގެ ބާވަތެއް. މިމަހުގެ ސިފަ ގޮނާ ވައްތަރުނަމަވެސް މިމަހުގެ ބަނޑުދަށުން ފުޅާވެފައި ބޮލުގެ މަތީގައި ދެދަޅުފަޅައިފައި ހުރެއެވެ މަހުގެ ބުރަކަށި މަތީގައި ވަރަށް ވަރުގަދަ ހަރުކަށްޓެއް ހުންނާނެއެވެ ނިގޫފަތުގެ ކޮޅު ހުންނަނީ ވަށްކޮށެވެ މަހުގެ ކުލައަކީ ދޮންރީނދޫ ކުލައެވެ މުޅި މަހުގައި އެކިގޮތްގޮތަށް ނޫކުލައިގެ ރޮނގުތަކެއް ހުރެއެވެ
ކަނބޯ
ނ ހިއްތަލަ ގަހުގެވައް މިހުންނާނީ ދިގުމާގަނޑެއްގެ ކޮޅުގައި އެލިފައެވެ
ކަނދު
ނ (1) ތެދަށްހެދޭ ބިޔަވާގަހެއް. (2) ކަނދުގަހުގެލަކުޑި. މިއީ އާރުނުލާ ލުއިލަކުޑިއެކެވެ. މިލަކުޑީގައި ފެނު ބާރުގަދަ ވާނެއެވެ. މީގެ ދެވައްތަރެއް ހުރެއެވެ. (3) ކަނދުފަތި ފަހާށާއި އެހެނިހެން ބޭނުމަށްޓަކައި އޭގެ ކޮޅު ނަރުވިލިކޮށް ބޯކޮށް ހަދައިފައި ހުންނަފިލާ. މިގިނައިން ހަދަނީ ކަނދުގަހުގެ ލަކުޑިންނެވެ. (4) އޮޑިދޯނިފަހަރު އެހެލައި ބަލާއިރު ފަށަން ދޮށަށްލައްވާ ލަކުޑިބުރި. (5) ފެނަށްތިރިކުރާ މަތިންދާބޯޓުގެ ދެފަރާތު ފިޔަފަތުގެ ދަށުގައި ފެނުބާރުހިފާން ހުންނަ ބަރާ. (6) ރާޅާ އެޅުމަށާއި މޫދުގެ ކުޅިވަރުތައް ކުޅުމަށް ގެންގުޅޭ ފެނުބާރު ހިފާގޮތަށް ހުންނަ އެއްޗިހި
ކަނޑަދޭހަ
ނ )ސ ( އައިންމަތީ ދޫންޏެއް މިއީ އަތޮޅު އޮބާހައި ހިސާބުދުރުގައި އުޅޭ ދޫންޏެކެވެ މިދޫނީގެ ބަނޑުދޮށް ކަޅުވާނެވެ މިއީ ހޯގުޅާއާ ވައްތަރު ދޫންޏެކެވެ
ކަނޑިތޮޅި
ނ ރީތިގަހުގެ ވައްތަރެއް ކަމުގައިވާ ބިޔަކޮށް ހެދޭ ރަތްމާގަނޑެއް އަންނަ ގަހެއްގައި އަޅާ ތޮޅިއެއް މިތޮޅި ހުންނަނީ ފަތިކޮށް ކުރު މުށެއްހައި ދިގުމިނުގައެވެ
ކަނޑުހެނޑަމާދޫނި
ނ މާދޫނީގެ ވައްތަރެއް. މީގެފައި ހުންނާނީ ރަތްކޮށެވެ. ބޮލާ ކައިރި ހިސާބުން ތުންގަނޑު ހުންނާނީ ނޫކޮށެވެ މީގެ ބުރިކަށިމަތި ހުންނާނީ ކިރުޅިކޮށެވެ އެހެންތަންތަން ހުންނާނީ ހުދުކޮށެވެ
ކަނޑުރާބޮޅު
ނ )ތ ( ރާބުޅައިގެ ބޮޑެތި ވައްތަރު
ކަނޑުބަރަވެލި
ނ ކުރުކޮށް ވައްކޮށް ދޮންކުލައިގައި ހުންނަ ފޫއެނބުރި