radheef.info
ރަދީފު


ވަރު
ނ (1) މިންވަރު (2) ދަރަޖަ (3) ހަކަތަ (4) ބާރު (5) ބައެއް (6) ހަވަރުގެ ބައެއް (7) އެއްޗަކުން ޖަހައިގެން ނުވަތަ އެއްޗެއްގައި ޖެހި ފިތިގެން ހަށިގަނޑުގެ ތާކުން ފެންނަން ހުންނަ ނިޝާން (8) ފަންތޮށިން ނަގާ ފަތި
ރައުޟާ
ނ ކީރިތި ރަސޫލާގެ ގެކޮޅާއި އެކަލޭގެފާނުގެ މިންބަރު ކޮޅާ ދެމެދުގައި އޮންނަ ސުވަރުގޭގެ ބިންކޮޅެއް
ރަމަންރަމަންފޯލި
ނ ކުޑަކުދިން މުގޯލި އަޅައިގެން ކުޅޭ ކުޅިވަރެއް މިކުޅިވަރުގައި މުގޯލިތައް ހުންނަނީ މެދުގައި އެއް މުގޯލި އަޅައި އޭގެ ވަށައިގެން އެހެން މުގޯލިތައް ހުންނަ ގޮތަށެވެ މިމުގޯލިތައް އަޅާނީ ކުދިން ތިބި ޢަދަދަކަށެވެ މެދު މުގޯލީގައި ހުންނަ ކުއްޖާ ހުންނާނީ ތުނި ފޮތިކޮޅަކުން ކަނުބަނދެފައެވެ އެކުއްޖާ ރަމަންރަމަންފޯލި ކޮބައިހޭ ކިޔާފައި އެއް މުގޯލިން އަނެއް މުގޯއްޔަށް ހިނގާއިރު އޭނާގެ އަތުނުޖެހޭން ވެގެން ކުދީން އެއް މުގޯލިން އަނެއް މުގޯއްޔަށް ދުވާނެއެވެ ކަނުބަނދެފައިވާ ކުއްޖާ މުގޯލިން ބޭރުގައި ހުރި ކުއްޖެއްގެ ގައިގައި އަތްލެވިއްޖެނަމަ އެ އަތްލެވުނު ކުއްޖާ ނުބައިވާނެއެވެ އެއީ ރަމަންރަމަން ފޯއްޔެވެ
ރަތްކަށި
ނ )ސ.( ފަރުމަހުގެ ބާވަތެއް މިމަހުގެ ލޯބޮޑުވެފައި ހުޅުނބު ވަރުގަދަވާނެއެވެ މަހުގެ ކުލައަކީ ރަތްކުލައެވެ ބަނޑުދަށްފަރާތްހުންނަނީ ރަތްކުލަޔަކާ އެކުވެފައިވާ ހުދުކުލައެއްގައެވެ
ރަތްކަނދޮޅު
ނ ކަނދޮޅުގެ ބާވަތެއް. މީގެ ފަތްތައް ވަރިބޯވެފައި ހިމަދިގުވާނެއެވެ. މިއީ ފަތްތަކުގެ މަތީފުށް ގަދަފެހިކުލައިގައި ދަށްފުށް ރަތްދަނބުކުލައިގައި ހުންނަ ގަހެކެވެ. ހެދެމުންދަނީ ފީނިވަމުން ވަރުގަދަކޮށެވެ. މާ ނިކުންނާނީ ކޮންމެ ފަތެއްގެ ބުޑުންނެވެ. މާ ހުންނާނީ ރިނދައްޔާ ވައްތަރު ތޫރިއެއް ތެރޭގައެވެ. މީގެތެރޭގައި ހުންނަނީ ހުދުކުލައިގެ ތިންފިޔަލީ ވަރަށް ކުޑަކުޑަ ދެތިންމަލެވެ
ރަތްވިލާދަޅަ
ނ ރަތްވިލާލާންވެގެން އުދަރެހަށް އަރާކުލަވަރު
ރަސްރޯނު
ނ (1) ރިނބުދޫ މީހުން އަތުން އިހުގައި ވަރު ހަނގުންނަށް ނަގާ ރޯނެއް (2) ރީތިކޮށް ވަށައިފައި ހުންނަ އެންމެ ހިމަ ރޯނު
ރަސްބޮލި
ނ ރިނބުދޫ މީހުންގެ އަތުން ވަރު ހަނގުންނަށް އިހުގައި ނަގާ ބޮއްޔެއް
ރާޅުބިސް
ނ އެތެރޭގައި ހޮއި އޮންނަ އެއްފަރާތެއްގައި ދެ ލޯވަޅެއް ހުންނަ އެއްޗެއް. މިއީ ގާތްގަނޑަކަށް ހޯނުބިސްވަރުގެ އެއްޗެކެވެ. މިހުންނަނީ ގޮނޑުދޮށަށް ލައްވެފައެވެ
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ
ރާޑި
ނ (1) އޮށްވަޅާއި ޖޯޑުބިޖޯޑާއި ބޮލިގަނޑުފަދަ ކުޅިވަރުގައި އަތް ހުސްވެގެންވާދެރަ (2) ކުރަން އުޅޭ ބައެއް ކަންތަކުގައި ކާމިޔާބު ނުވެގެންވާ ދެރަ (3) މީހަކާ ދިމާކޮށްލައިގެން އުޅެއުޅެފައި ގޮތެއް ނުވެގެންވާ ދެރަ (4) މީހަކަށް ނަސޭހަތްދީދީ ނާހައިގެން ދެން އަލުން ދޭނޭ ނަސޭހަތެއް ނެތުނީމާވާ ދެރައާއި ފޫހި
ރާޑިކުރުން
މ (1) އޮށްވަޅު ޖޯޑުބިޖޯޑު ބޮލިގަނޑުފަދަ ކުޅިވަރުގައި އަނެކަކަށް އެއްވެސް އެއްޗެއްނުދީ ދެރަކުރުން (2) ބައެއް ކަންތައްތަކުގައި އަނެކާއަށް ކާމިޔާބުނުވާގޮތަށް ދެރަކުރުން
ރާޑިވުން
މ (1) އޮށްވަޅު ޖޯޑުބިޖޯޑު ބޮލިގަނޑު ފަދަކުޅިވަރުގައި އަތްހުސްވެގެން ދެރަވުން (2) ކުރަންއުޅޭ ބައެއް ކަންތަކުގައި ކާމިޔާބު ނުވެގެން ދެރަވުން
ރާޒުވާ
ނ ފަސްދޮޅަސް ހަތަރު ގޮޅި ހުންނަ ފިލާގަނޑެއްގެ މަތީގައި ކުޅޭ ކުޅިވަރެއް މިކުޅިވަރު ކުޅެން ބޭނުންކުރާނީ ދިގުހަރުން އެކިސިފަސިފައަށް ލިޔެފައި ހުންނަ ކުޅިތަކެކެވެ މިއީ ދެމީހުން ކުޅޭ ކުޅިވަރެކެވެ
ރިހިދޯދި
ނ (1) ހަނދުވަރުން ލޮނުގަނޑު މައްޗަށް އެޅިފައި ހުންނަ ދަޅަތައް (2) ވިލާގަނޑުގެ ތެރެއިން ކަނޑުގެ ލޮނުގަޑަށް ފައިބައިފައި ހުންނަ ހަނދުވަރުގެ ރޮނގުތައް
ރިހުންނެގުން
މ މާބަނޑު މީހުން ވިހަން ބަނޑުގައި ރިހޭއިރު އާދައިގެ ރިހުމަށްވުރެ ގަދައަށް ވޭންވަރު އައުން
ރިބާ
ނ (1) ކާތަކެއްޗާއި ފައިސާ ދަރަންޏަށްދީފައި ދިން އެއްޗިއްސަށްވުރެ އިތުރަށް އަތުލާ މިންވަރު (2) ސޫދު
ރިތްފަށް
ނ ކަނބާދަނޑި ފޯރާފެންވަރު
ރިޒާވު
ނ (1) މުސްތަޤްބަލްގެ ބޭނުމަށް ބަހައްޓާ ތަކެތި (2) އެކިއެކި މުބާރާތްތަކާއި ކުޅިވަރު ތަކުގައި މީހެއްގެ ބަދަލުގައި ނުކުންނަން ހުންނަ މީހާ
ރިޔަންކޮޅުއެޅުން
މ (1) ސަރުކާރުގެ ފަރާތުން ގޯތިގޯތީގެ ބޮޑުމިންބަލާ އިންފާހަގަ ކުރުން. މި މިންބަލާ އުޅުނީ ތިންރިޔަން އަށަނގޫ ބަމައިންނެވެ. (2) އިސްކަންދަރު މަހާރަދުން ހެއްދެވި ރިޔަންކޮޅުން ތަނެއްގައި ރިޔަން ހުރިވަރު ބެލުން. މިރިޔަނުގައި ދެއަނގުލާއި އެއްއުނގޫ އިތުރުވާނެއެވެ. އުނގުލަކީ ބައި އަނގުލެވެ
ރިޔާކުޑަކުރުން
މ ޖެހޭވަޔަށް ހެޔޮވަރުވާ ވަރަށް ރިޔާ ބަނުން