radheef.info
ރަދީފު


އޮޑި
ނ ދިވެހިރާއްޖޭގައި ގެންގުޅޭ ރިޔާ ނަގައިގެން ދުއްވާ އެއްޗެއް. މީގެ ކޮޅުފަސްކޮޅު މައްޔަލާއި ހުންގާނާއި ދޭތީގެ ބައްޓަން އެންމެ ވައްތަރުވާނީ އިށީނދެގެންއިން ބުޅަލެއްގެ ބުރަކަށީގައި އޮންނަގުދާއެވެ. އަދިދިރުނބަލުން ފެށިގެން ކުނބާހަމައަށް ފަޑިއެއް ކުނބުން ފެށިގެން ކޮޅުފަސްކޮޅު ފިލާގަނޑާ ހަމައަށް ފަށްގަނޑެއް މަތިކަނުގެ މަތީގައި ހުންނާނެއެވެ
މަގަތްކުރުން
މ (1) އޮޑިދޯނި ފަހަރު އައްދޮށް ކުރުން (2) އެއްޗެއްއަތްފޯރާ ހިސާބަށް ގާތްކުރުން
މަގުމަތީލަވަ
ނ ގާއޮޑި ލަވަކިޔާ މީހުން ވެދުމާ ދާއިރު ކިޔާލަވަ
މަސްއޮޑިއަތިރި
ނ މަސްއޮޑިފަހަރު ނުވަތަ މަސްދޯނިފަހަރު ލަފައިފުރާ އަތިރިމަތި
މަސްދޯނި
ނ މަސްއޮޑި
މަޑޫ
ނ (1) އޮޑިދޯނި ފަހަރު ބަންނައިރު ފަށަނުން ފެށިގެން އިއްސާ ހަމަޔަށް ހުންނަ ވަކަރު (2) ޢަދަދެއްގެ ބަހާއަކަށްވާ ކޮންމެ ޢަދަދެއް
މާޅިސް
ނ އޮޑިދޯނިފަހަރު ބަންނައިރު ވަކަރުގަނޑު ހިމުންކުރުމަށްފަހު އިންދުމަށްޓަކައި ލާޅިސް
މާކާރިއާ
ނ (އ، ސ) އޮޑިފަހަރުގެ ދިރުނބާކޮޅު ހުސްވިތާ އެންމެމަތީ ބެރި އެއީ ހުސެންދެރި ހުންނަ ބެރިއެވެ
މާއޮނިފަރާތް
ނ އޮޑިދޯނި ފަހަރުގައި ދިރުނބާކޮޅަށް ކުރިމަތި ލައިގެން ހުންނައިރު ވާތްފަރާތް
މާމުގުންނިމުން
މ )ސ ( އޮޑި ބަންނައިރު މަޑޫތައް ޖަހާ ނިމުން
މާމުގުރުމޫދަށްލުން
މ އޮޑިދޯނިފަހަރު ބަންނައިރު މަތިކަން އަޅާ ނިމުނީމާ ފަށްގަނޑު ނުޖަހަނީސް ރަށުގެ އަންހެނުންގެ ބަޔަކު ނުކުމެ މުގުރުގެންގޮސް މޫދަށް އެއްލާފައި އިރުކޮޅަކަށްފަހު ގެނެސް ދޮވެ އަތަރު ލައްވައިގެން ގެންގޮސް ހަރުގޭގައި ބޭއްވުން މިދޮވުމަށް ކިޔަނީ ފެންވެރުވުމެވެ މިއީ އިހުގައި ކުރާ ކަމެކެވެ
މާފަތޭރި
ނ މާބޮޑަށް ބަރާކޮށް ދަތުރުކުރާއިރު އޮޑިދޯނިފަހަރުގެ ފަށް ގަނޑުގެ އެތެރޭން އޭގެމައްޗަށް ހުންނަގޮތަށް ފަނުންޖަހާ ފަށްގަނޑު މިއޮންނާނީ އެއްފަށްގަނޑު ޖައްސާ ވަރަށް ގަދަޔަށް ހަރުކުރެވިފައެވެ މިފަށްގަނޑު ޖެހުމުގެ ބޭނުމަކީ ރާޅު އެރިޔަނުދިނުމެވެ
މާދާ
ނ އޮޑިދޯނި ފަހަރުގައި ހުންގާނު އެޅުވުމަށް ހުންގާނާއި މައްޔަލުގައި ލޮއިން ހަދައި ހަރުކޮށްފައި ހުންނަ ބައި
މާދާނަރު
ނ އޮޑިދޯނި ފަހަރުގެ ހުންގާނުގައި ވާދަލުގެ ވިދަށް އަމުނަން ހުންނަ ކަށި
މާދާއެޅުން
މ އޮޑިދޯނި ފަހަރުގެ ހުންގާނު ހަރުކުރުމަށްޓަކައި ހުންގާނު ނުވަތަ މައްޔަލުގެ ނަރު މާދާއަށް ފެއްތުން
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
މާގެ
ނ )ޏ ސ ( އޮޑިފަހަރުގެ މައިކުނބުގެ ފަސްކޮޅުން ފެށިގެން ދިރުނބާކޮޅު ފެންފިލާއާ ހަމަޔަށްއަޅާ ގެ
)މުސްކުޅިބަހެއް( މީހުންގެ ގޮތް އެނގޭނީ އެއްތާކު އުޅެން ދިމާވީމައެވެ މީހުންއެނގޭނީއެއްއޮޑިންދަތުރުކުރީމައެވެ
މުންޑާން
ނ އޮޑިދޯނި ފަހަރާއި އެހެނިހެން ތަކެތި ހިފެހެއްޓުމަށާއި ހަރުކުރުމަށް އެއްގަމާއި ފަޅުމަތީ ގަދަފަދަކޮށް ޖަހާ އެއްޗެހި
މުކަޅި
ނ )ޏ ( (1) އޮޑީގައި މަސްޖަހާއިރު ހުހަށް ހުންނަ ދޭތެރެ (2) މުކޮޅު (3) ލޯވަޅު )އޮޑިދޯނި ފަހަރުގެ ބަނޑުފިލާގައި ހުންނަ ލޯވަޅު
މުޑި
ނ (1) ދަނޑިފަނުން ގެދޮރުފަދަ ތަންތަނާއި ފުޅައްއަޅާއިރު އެތަން ހިފެހެއްޓުމަށް އެކި ހިސާބުން ބިމަށްޖަހާފަލަ ދަނޑި ނުވަތަ ހޮޅު (2) އޮޑި ދޯނިފަހަރު އެހެލައިފައި ހުންނައިރު އޭގެ ދެފަރާތުން ވިއްދައިފައި ހުންނަ ފަލަ ލަކުޑި ބުރިތައް (3) ފާލަން ހިފެހެއްޓުމަށްޓަކައި ބިމަށްޖަހާ ރުއްގުޅި ފަދަތަކެތި ނުވަތަ ކޮންކްރީޓް ތަނބު (4) ކާށީގެ އެތެރޭގައިހެދޭ މަޑުކަމެއް ހުންނަ ބޭރު މަޑުރީދޫކޮށް އޮންނަ އެތެރެ ހުދު މީރު ފޮނި އެއްޗެއް