radheef.info
ރަދީފު


އާ
ނއ (1) ބާކަމުގެ އިދިކޮޅު (2) އެއްފަހަރުވެސް ބޭނުންނުކުރާ (3) ގިނަދުވަސްނުވާ (4) ކުރީން އުފެދިފައިނެތް ނުވަތަ ފެނިފައިނުވާ
ރާޑަރު
ނ ނުފެންނަ ހިސާބު ދުރުގައިވާ އުޅަނދެއް ނުވަތަ އެއްޗެއް ހޯދުމަށް ބޭނުންކުރާ ރޭޑިއޯ ރާޅު ބޭނުންކުރާ އާލަތެއް މިއިން ފޮނުވާ މަތީ ދަރަޖައިގެ ރޭޑިއޯވޭވުސް އެއްޗެއްގައި ޖެހިފައި އެނބުރި އައުމުން އެއްޗެއްހުރި މިސްރާބަކާއި ދުރުމިނެއް އަންގައިދެއެވެ މިއިން ތަންތަނުގެ ތިލަމިނާއި ފުންމިނާއި އުސްމިން ބެލެއެވެ
ރާޑި
ނ (1) އޮށްވަޅާއި ޖޯޑުބިޖޯޑާއި ބޮލިގަނޑުފަދަ ކުޅިވަރުގައި އަތް ހުސްވެގެންވާދެރަ (2) ކުރަން އުޅޭ ބައެއް ކަންތަކުގައި ކާމިޔާބު ނުވެގެންވާ ދެރަ (3) މީހަކާ ދިމާކޮށްލައިގެން އުޅެއުޅެފައި ގޮތެއް ނުވެގެންވާ ދެރަ (4) މީހަކަށް ނަސޭހަތްދީދީ ނާހައިގެން ދެން އަލުން ދޭނޭ ނަސޭހަތެއް ނެތުނީމާވާ ދެރައާއި ފޫހި
ރިހަ
ނ ލައިގެން ކާއެއްޗެއް މިއާއްމު ގޮތެއްގައި ކައްކަނީ ހަވާދުލައިގެންނެވެ
ރިހަބަތްކޭން
ނ މައުލޫދަށް ކައްކާ ކޭމުގެ ބާވަތެއް. އާންމުކޮށް މިކޭމުގައި ހުންނާނީ ފެންބަތާއި ބަރަބޮލު ރިހައާއި ކިރެވެ. މިކިރަކީ ހަނޑުލު ފުށުގައި ފޮނިކޮށް ކައްކާފައި ހުންނަ އެއްޗެކެވެ. މިއީ ހިޔަރަކާތް މާލޫދާއި ގަނޑުމާލޫދާއި ރަންމާލޫދު ފަދަ މާލޫދުތަކަށް ކައްކާއުޅުނު ކޭމެކެވެ
ރިހާކުރުބަގީޗާ
ނ ކުރޯޓަންއާއިލާގެ ގަހެއް މިގަހުގެ ފަތް ހުންނަނީ ރީނދޫކުލައިގެ ތިކިތަކެއްޖަހައިފައި ފެހިކުލައިގައެވެ ބައެއްގަސްގަހުގެ ފަތް ހިމަދިގުކޮށް އަނެއްބައިގަސްގަހުގެ ފަތް ކުރުފަލަކޮށް ހުރެއެވެ މިގަހުގެފަތް ޗިސްކުރުމުން ރިހާކުރުވަސް ދުވައެވެ
ރިހުންނެގުން
މ މާބަނޑު މީހުން ވިހަން ބަނޑުގައި ރިހޭއިރު އާދައިގެ ރިހުމަށްވުރެ ގަދައަށް ވޭންވަރު އައުން
ރިނދަވާލި
ނ )ހ ( އާދައިގެ ވާއްޔަށްވުރެ ފުޅާ ރަތްކުލައިގެ މަހެއް މީގެ ކަރުތާފަތްގަނޑު ކައިރިން އެތެރޭގައި ރިނދައެއް ކަހަލަ ހުދު އެއްޗެއް އޮވެއެވެ
ރިއްމަސް
ނ މުށިމަހުގެ ސައިޒުގެ މަހެއް މިއީ މަހުގެ މަތީބައިގެކުލަ ނޫކުލައަކަށް ދާ ފެހިކުލައެއްގައި ހުންނަ އައިން އައިން ގަނޑަށް އުޅޭމަހެކެވެ މި މަސް އާއްމުކޮށް އުޅެނީ އެތެރެވަރީގެ ކަނޑުތަކުގައާއި ފުން ވިލުވިލުގައެވެ މިއީ ކަށިގިނަ މަހެކެވެ
ރިގިނިކުރުން
މ ނައުފަހަރުގެ ކުނބުކޮޅު އާލާތް ހަމަކުރުން
ރިޝްވަތު
ނ (1) ޤަވާއިދާ ޚިލާފަށް ކަންތައްތައް ނިންމުމަށް ނުވަތަ ކުރުވުމަށްދޭ ފައިސާއާއި ތަކެތި
ރީނބުރުފިލާ
ނ ގެދައާ އެއްވައްތަރަށް ފަތްކުދިކޮށް ބިމުގައި ފެތުރި ހެދޭ ކުޑަކުޑަ ގަހެއް މިގަހުގައި ވަރަށް ރީނދޫކުލަ ގަދަ ކުޑަކުޑަ މަލެއް އަޅައެވެ މިގަހުގެ ހުރިހާ ބައެއް ހަމުގެ މަތީގެ ދިލަނެގުމުގެ ބައްޔަށް ބޭސް ހެދުމަށް ބޭނުންކުރެއެވެ މީގެ ގޮނޑި ހުންނާނީ ކުޑަވާ އިނގިލިހާ ކުޑަކޮށެވެ
ރީނދޫބޭސް
ނ ބޭހުގެ ބާވެތެއް މިބޭސް ހުންނާނީ ރީނދޫ ކުލައިގައެވެ މިބޭސް ބޭނުންކުރަނީ ފެންފޮދެއްގައި ގިރައިގެންނެވެ މިބޭސް ކެނޑޭ ތަންތާނގައާއި މެށޭތަންތާގައި ފާރުހިއްކުމަށްޓަކައި އުނގުޅައެވެ
ރުއްގަލުބޭސް
ނ އެތެރެހައްޓަށާއި ކަށްޓަށް ހާނީއްކަ ވީމައާ ކަށިމުގުރުނީމާ ހަދާ ދިވެހި ބޭސް
ރުޑި
ނ އާމަނަކަ
ރޫޑަކިރޯޅި
ނ (1) ބަތްތަވާ ކެކެމުން އަންނައިރު އެއިން އެނބުރެމުން އަރާއާވި (2) އެނބުރޭ ވައިރޯޅި
ރެނޑި
ނ )ސ ( އާމަނަކަ
ރެންޗު
ނ ބޯލްޓާއިނަޓު ބާރުކޮށް ދޫކުރުމަށް ބޭނުންކުރާ އާލަތެއް
ރެކުން
މ (1) ސަލާމަތްވެގަތުން (2) ތިމާއާ ދިމާއަށް އަންނަ އެތި ފަހަރަކުން ރައްކާވެގަތުން (3) ކަމަކާއި ޙަވާލުވެގެން ހުރެމެ އެކަމުގެ މަސްއޫލިއްޔަތު ކޮނޑުގައި ނޭޅުން (4) ހަލަނީން ފުރޭނުން (5) އެއްވެފައި ހުރި ދެވަރެއްގެ އޮށްޓަރު ބަތްޕޮޅިއަށް އަޅައިގެން ހަލާ ވަކިކުރުން
ރެފުރީ
ނ ފުޓްބޯޅައާއި ރަގްބީއާއި އަދިވެސް މިފަދަ ބައެއް ކުޅިވަރުގައި އިންސާފު ކުރަން ހުންނަ މީހާ
ރެދި
ނ އާމަނަކަ