radheef.info
ރަދީފު


ކުރުން
މ (1) ކަމަކަށް ޢަމަލީ ސިފަގެނައުން (2) ކަމެއްހިންގުން
ކަށިތިޔާރުކުރުން
މ ޗާޓުރޯލާއި ފަރުގާލުގެ ވަސީލަތުން ޗާޓުން މިޞްރާބު ބެލުން
ކަނޑުބޭރުކުރުން
މ (1) އައު ކުއްޖަކު އިރުވަރުން ކަނޑުމައްޗަށް އެރުވުން (2) އަލަށް ބަންނަ އޮޑިދޯނިފަހަރު ކަނޑަށް ނެރުން
ކަނޑުއޮޅި ގިރާކުރުން
މ ކަނޑުއޮޅި ކަޑައްތުކޮށް ދިއުން
ކަނޑުދަތުރުކުރުން
މ ކަނޑުދަތުރުކުރުން
ކަނިހުރަސްކުރުން
މ ފުރާދުއްވާ ތަކެތި ފައްސިޔަ ބޮޑުވެގެން ރިޔަލުގެކަނި ވައިމަތިފަރާތުން ބާލައި ކުނބާ ހަމައަށް ގެނައުން
ކަނިކުރުން
މ (1) ބައްތިފަދަ ތަކެތީގެ ހުޅުގަނޑު ކުޑަކުރުން. (2) ބޮކިފަދަތަކެތީގެ އަލިމަޑުކުރުން. (3) މާމުޔާއި ހަކުރުފަދަ ތަކެތި ބަހަށްޓައިގެން ނުބައި ކުރުން
ކަންހުދުކުރުން
މ ކަންހުދުރުމާލުގެ ހަތަރު ކަނުގައި ހުންނަ ހަތަރެސް ކަން ހަތަރު ގޮޅިން. )ރުމާއޮޅީމާ( ފެންނަން ހުންނަ ތަންތަން އުނގުޅައި ސާފުކޮށް ހުދުކުރުން. މިކަންކުރާގޮތަކީ މިކަމަށް ތައްޔާރުކޮށްފައި އޮންނަ ފިލާ ފޮއްޗެއްގައި ގިނަ ފަށް ހުންނާނެހެން ހުދު ފޮތިކޮޅެއް ފަތްޖަހައި އޮޅައިލައިފައި ކަންގަނޑުގެ ދަށަށް ލައްވައިގެން ބޮނބިން ހަދައިފައި އޮންނަ "ދަނޑި" ކޮޅަކުން ފެންލައިގެން އުނގުޅައި ސާފުކޮށްފައި އަސުރުމާ އޮށުގެ އެތެރޭގައި އޮންނަ ފުށްކޮޅުނަގައިގެން ފެންޖަހައި ފިއްތައި ގަށައިފައި ކަން ތަކުގައި ހާކައި އެއްވަރުކުރަނީ އެވެ. މިފުށް ހާކާނީ ހަރުލަކުޑީގެ އޮމާން ދަނޑި ކޮޅަކުންނެވެ. ފަހަކަށް އައިސް މިގޮތަށްކަން ހުދު ކުރުމުގެ ބަދަލުގައި ހުދުކުރަނީ ކަރުދާސް ތަތްކޮށް ގެންނެވެ ކަންހުދު ރުމާ ލަކީ ފަސްރޮނގު ރުމާލެވެ
ކަންބޮޑުކުރުން
މ މީހަކަށް ބޮނޑިއެއް ނުވަތަ ދެރައެއް ދިނުމުގެ ބޭނުމުގައި ކަމެއްގެ ވާހަކަ ޙަޤީޤަތަށްވުރެ ބޮޑުކޮށްގެން ދެއްކުން
ކަންފަހިކުރުން
މ ކަންތައް ފަސޭހަކުރުން ބޭނުންތައް ފުދޭގޮތްހެދުން
ކަންޓަރަކުކުރުން
މ ކޮންޓްރެކްޓްކުރުން
ކަންޓުރޯލުކުރުން
މ ކޮންޓްރޯލްކުރުން
ކަރަންޓީނުކުރުން
މ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއް ޖެހިފައި ހުރި މީހަކު ހުރިތޯ ބެލުމަށް އެ އުޅަނދަކަށް މީހުންއަރާ ފޭބިޔަނުދީ އެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ބަންދުކުރުން (2) ބޭރު ރަށަކުން އަންނަ އުޅަނދެއްގައި ގައިންގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެ އުޅަނދަކަށް މީހުން އަރާ ފޭބިޔަނުދީ އެހެން އުޅަނދުފަހަރާ ދުރުގައި ވަކިމުއްދަތެއް ވަންދެން ބަންދުކުރުން (3) ނުރައްކާތެރި ރޯގާއެއް އުޅޭ ރަށްރަށަށް މީހުން އަރާ ފޭބިޔަނުދީ ވަކި މުއްދަތެއް ވަންދެން އެރަށްރަށް ބަންދުކުރުން
ކަބަރުކުރުން
މ ޚަބަރުކުރުން
ކަޅާކުރުން
މ މަޖާޒު: ބައްކުރުން
ކަޅިކުރުން
މ (1) ބައެއްކަހަލަ ދިޔާއެއްޗެހި އުނގުޅައިގެން ތެންމުން މިސާލު: )ހ( އަތަރުން ކަޅިކުރުން )ށ( ލެއިން ކަޅިކުރުން
ކައިރާތްކުރުން
މ ޚައިރާތުކުރުން
ކައްތިރިކުރުން
މ ކަތިކޮށް ބުރަފަތިކުރުން
ކަވާބުކުރުން
މ އެއްގަމުމަސް ހަވާދުލައިގެން އުލަށް ޖަހައިގެން ފިހުން
ކަމަށްކަމޭ ހީކުރުން
މ ކުރާކަމަކަށް ފަރުވާ ބެހެއްޓުން
ކަމާލުކުރުން
މ (1) ތަނެއްގައި އެއްޗެހިތަކެއް ހަމަޖައްސައި ބެހެއްޓުން (2) މަޖާޒު: މުދާތަކެއް އަމިއްލަކުރުން