radheef.info
ރަދީފު


ކަހަލަ
އ (1) ޒާތް (2) ބާވަތް (3) ވައްތަރު (4) ފަދަ
ގިތެޔޮމިރުސް
ނ މިރުހުގެ ބާވަތެއް މިއީ ރަހަ ވަރަށްމީރު ކުޅިރަހަ ގަދަ މިރުހެކެވެ މި މިރުސް ހުންނަނީ ތިންއަރިޔަށް ވާކަހަލަ ގޮތަކަށް ކުރުފަލަކޮށެވެ ތޮށިގަނޑުގައި އަޑިއަޑިކޮޅު ހުރެއެވެ މީގެ ތަފާތު ވައްތަރުތައް ހުރެއެވެ މިސާލު: )ހ( ފިއްތިގިތިޔޮ މިރުސް )ށ( ފަގުޑި މިރުސް
ގިތްގޮވުން
މ ބައެއްކަހަލަ ދިރޭ އެއްޗެހި އުސްތަނަކުން ބާރަށްވެއްޓުމުން ނުވަތަ އެފަދަ އެއްޗެއްގައި ޖެހުމުން ކުއްލިޔަކަށް ނުކުންނަ އަޑެއް
ގިގުނި
ނ (1) ހަލުވައިލީމާ އަޑުކިޔާ ގޮތަށް އެތެރެޔަށް ހަރުއޮށެއް ކަހަލަ އެއްޗެއް ނުވަތަ އެތިކޮޅުތަކެއް ލައި ބައްދައިފައި ހުންނަ މައުދަނީ އެއްޗެއް މީގެ ކިތަންމެ ވައްތަރެއް ހުރެއެވެ މިސާލު: ހަލާދަނޑީގެ ފުލުގައި ލުމަށާއި ނަށާ މީހުންގެ ފައިގައި އަޅައި އުޅުމަށް ބޭނުންކުރާ ގިގުނި (2) ވިހަ ގިގުނި ގަހުގެ ހިކިތޮޅި
ގިޑިގެ
ނ އެކިއެކި މުނާސަބަތާ ގުޅިގެން މަގުމަތި ޒީނަތްތެރި ކުރުމަށް މަގުމަތީގައި ހަދާ ބޮޑު ދޮރާއްޓެއް ކަހަލަ ތަނެއް
ގުނގުރު
ނ (1) ނަށާއިރު ފައިގައި އަޅާ އެއްޗެއް މިއީ ގިގުނި ކަހަލަ އަޑު ކިޔާ ގޮތަށް ހުންނަ އެއްޗެކެވެ މިއީ މިއުޒިކު ކުޅޭއިރު އަތުން ތަޅުވަންވެސް ގެންގުޅޭ އެއްޗެކެވެ (2) މުށްގަނޑުލައިފައި ހުންނަ ގުނގުރު
ގުދުނެގުން
މ ބައެއްކަހަލަ ދިރޭ ފަނިފަނި ދުވާއިރު މެދު އުފުލުން
ގޮށިދީދިހެއްދުން
މ އަންހެން ކުދިން ބޮޑެތި މީހުން ލާކަހަލަހެދުން އަޅުވައި ނަލަހެއްދުން
ގޮށް
ނ (1) ގަމީސް ލިބާސް ފަދަ އެއްޗެހީގައި ލުމަށް ތަފާތު އެއްޗެހިން ތަފާތު ގޮތްގޮތަށް ހަދައިފައި ހުންނަ އެއްޗެއް. (2) ގައިގެ އެކި ތަންތަނުން ފުއްޕާ ހަރު ތަންތަންކޮޅު. (3) ބައެއްކަހަލަ އެއްޗެހީގައި އުފުލިފައި ހުންނަ ހަރުތަންތަންކޮޅު. މިސާލު: ގަސްގަހުގައި ހުންނަގޮށް. (4) ލަކުޑި ކީހައިފައި ހުންނައިރު އާރުގެ މެދުގައި ހުންނަ ހަރުތަންތަންކޮޅު. (5) ހަށިގަނޑުގެ ބައެއް ނިޒާމު ހަމަޖެއްސުމަށްޓަކައި އިންސާނުންނާއި ބައެއްޙައިވާނުގެ ހަށިގަނޑުގެ ބައެއް ތަންތަނުގައި ގޮށްގޮށް ހެންހުންނަ ގުނަވަނެއް މިއީ ހަށިގަނޑަށް ބޭނުންވާ ބައެއް އެއްޗެހި އުފައްދައި ބޭނުންނުވާ ބައެއްޗެހި ނައްތައިލާ ގުނަވަނެއް މިސާލު: ކުޅުއުފައްދާގޮށް (6) ފަށެއްގެ ދެކޮޅު ހުޅުވުމަށް ބާރުކޮށް ޖަހާމަޅި މިސާލު: )ހ( ވަގޮށް )ށ( ދަމާގޮށް
ގޮށްޖޯޑު
ނ އަތުކުރީގައި ލާން ހަދައިފައި ހުންނަ އެއްކަހަލަ ދެގޮށް
ގޮނޑި
ނ (1) އިށީނުމަށް ހަދައިފައި ހުންނަ އެއްޗެއް މި ތަފާތު އެއްޗެހިން ތަފާތު ވައްތަރު ވައްތަރަށް ހަދައިފައި ހުރެއެވެ (2) ބިއްސާއި އޮށާޅަ އާއި މުލިހި ފަދަ އެއްޗެހީގެ އަޑީގައި އުފެދިފައި ހުންނަ ހަރުބައި (3) ބައެއްކަހަލަ ގަސްގަހާގެހީގެ މައިމުލާ ގުޅުވައިގެން ބިމުގެ ތެރެޔަށް ފައިބާ ބައި މިސާލު: )ހ( މުރަނގަ ގޮނޑި )ށ( ފަޅޯ ގޮނޑި )ނ( މުޅާ ގޮނޑި (4) ބަނޑުއަޅައި ވިހާ ތަކެތީގެ އުރަމަތީގައި އުފެދިފައި ހުންނަ ހަރުބައި
ގޮތެއް ހުރުން
މ (1) ގޮތްހުރުން (2) އަޅައިގަންނަ ކަހަލަ ސިފައެއް ހުރުން
ސަރުބަތު
ނ (1) ހަކުރާއި ފެނާ އެއްކޮށް ކޮންމެވެސް ކަހަލަ އެސެންސަކުން ރަހަލައްވައިފައި ހުންނަ އޮލަފަނި (2) މޭވާ އަކުން ނަގައިފައިވާ ޖޫހަށް ހަކުރު އަޅައި އޮލަކޮށްފައި ހުންނަ ފަނި (3) ބޭހަށް ބޭނުންކުރުމަށް ބައެއް ބާވަތުގެ ތަކެތިން ކައްކާ އޮލަފަންޏެއް މިސާލު: ވޭމުއި ސަރުބަތު
ސައިލެންސަރު
ނ (1) އިންޖީނުގެ ދުންބޭރު ކުރާއެތި މި އެއްޗަކީ އިންޖީނުގެ އަޑުމަޑު ކުރުމަށްވެސް ބޭނުންކުރާ އެއްޗެކެވެ (2) ބައެއްކަހަލަ ހަތިޔާރުގެ އަޑުމަޑު ކުރުމަށް ބޭނުންކުރާ އެއްޗެއް
ސަޑު
ނ (1) ފުނާއަޅާއިރު ކުރިމައްޗަށް ވާގޮތަށް އިސްތަށިގަނޑުން ލައްވައިފައި ހުންނަ ބަނޑި. (2) ހަވާ ސީދަލަށް ހިފެހެއްޓުމަށްޓަކައި އޭގައި ހަރުކުރާ ހުންގާނެއް ކަހަލަ އެއްޗެއް ރުކުފަތިންނާއި އިލޮށިންވެސް މި ހަދައިފައި ހުރެއެވެ
ސިނގުރުޅި
ނ ކަމަކަށް ނުވާކަހަލަ ކުދިކުދި ކަންތަކާ މާ އަވަހަށް އަންނަރުޅި
ސިނގުކަން
ނއނ (1) ހަށިގަނޑު އަނަރޫފަވެ ބަނޑުބޮޑުވެފައިވާކަން (2) ކަމަކަށް ނުވާކަހަލަ ކުދިކުދި ކަންތަކާ އަވަހަށް ރުޅި އަންނަކަން
ސިއްލުރުޅި
ނ ކަމަކަށް ނުވާކަހަލަ ކަންތައްތަކުގައި ކުއްލިއަކަށް އަންނަރުޅި
ސިމެންތި
ނ (1) ރޭނުމަށާއި ކޮންކްރީޓް ކުރުމަށް ބޭނުންކުރާ އުވަކަހަލަ އެއްޗެއް މި އެންމެ ޢާންމުގޮތެއްގައި ހުންނަނީ އަޅިކުލައިގައެވެ މި ތެމުމުން ގަނޑުވެއެވެ (2) ވެއްޔާއި ސިމެންތިއާ އެއްކޮށް ފެންއަޅައި ގަށައިފައި ހުންނައެތި
ސުންނިއުރަ
ނ ޖިމާއުވާއިރު ދަރިމައިވިޔަ ނުދިނުމަށް ޒަކަރަށް ލައްވަން ހަދައިފައި ހުންނަ ތުނި ދުލިފަށެއް ކަހަލަ ރަބަރުއުރަ
ސުވާ
ނ (1) ކުޅޭ ކުޅިވަރެއްގައި ބޭނުން ކުރާ ބޯޅައެއް ކަހަލަ އެއްޗެއް މިއީ ފޮތިން ހަދައިފައި ކައިވަތެއް ހުންނަވަރުގެ ފަށެއް ލައިފައި އޮންނަ ބޯޅައެކެވެ (2) ސުވާ ބޭނުން ކޮށްގެން ކުޅޭ ކުޅިވަރެއް (3) ކާ އެއްޗަކުން އެއްފަހަރާ އަނގަޔަށްލާން އަތުން ނަގާ މިންވަރު (4) )ޏ ( ޓެނިސްބޯޅަވަރުގެ ވައްބޯޅައަކާއި ބަމައެއް ހުންނަ ވަރުގެ އޮނުބުރިއެއް ބޭނުންކޮށްގެން ކުޅޭ ކުޅިވަރެއް މި ކުޅިވަރު ކުޅެނީ ކުޅޭމީހުން ދެބަޔަކަށް ބަހައިލައިގެންނެވެ (5) )ސ ( ފަންވަތުން ވިޔެގެން ކުޅެން ގެންގުޅޭ ބަށި