radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ބިސްބޯކިބާ
ނ ބިސްއަޅައިގެން ކުދިކޮށް ފިހާ ބޯކިބަލެއް މިއެންމެ ވައްތަރުވާނީ ޒީނާރާއެވެ
ބިސްއުޅާލި
ނ ކުކުޅުބިސް އަޅައިގެން ހަދާ އުޅާއްޔެއް
ބިސްވަޅު
ނ (1) ވެލާއާއި ކަހަނބު ފަދަ ތަކެތި ބިސްއަޅައިފައި ހުންނަ ތަންތަން (2) މަޖާޒު: ފަރުޖު
ބިސްތުއްވުން
މ ބިސްފީވެ ފިޔޮއް ނިކުންނަންވީމާ ކުކުޅު ތުނބުން ތަޅައި ބިސްފަޅައިލުން
ބިޑި
ނ (1) ކުށްވެރިންގެ އަތްފައިގައި އަޅާ ކަސްތޮޅު. (2) ދުންފަތުގެ އިސްތިޢުމާލު ކުރުމަށްޓަކައި އެތެރެއަށް ދުންފަތް އަޅައިގެން ފަތުގައި ނުވަތަ ކަރުދާހުގައި އަނބުރާ އެއްޗެއް (3) ދަގަނޑު ހޮޅިފަދަ އެއްޗެހި އެއްކޮށް ހަރުކުރުމަށް އަޅުވާ ތަޅެއް
ބިޖިލީބައްތި
ނ ބަހައްޓާ ބައްތިއެއް. މިއީ އުސްމިނުގައި ގާތްގަނޑަކަށް 41 އިންޗި ވަށަމިނުގައި ގާތްގަޑަކަށް ހަ އިންޗި ހުންނަ ބައްތިއެކެވެ މި ދިއްލަނީ ކަރާސީނު ތެޔޮ އަޅައިގެން ޗާބިދީގެން އެ ތެޔޮ ގޭހަށް ބަދަލުކޮށްގެންނެވެ
ބީހުން
މ (1) އަތްލުން. މިސާލު: ޤުރްއާން ފޮތުގައި ބީހުން. (2) ގައިގައިޖެހިލުން. މިސާލު: އެކަކު އަނެކަކުގެ ގައިގައި ބީހުން. (3) ފުރާދުއްވާ އުޅަނދެއް ރަށެއްގެ ވެލިގަނޑުގައި ނުވަތަ ގޮނޑު އާނުގާޖެހުން ނުވަތަ ތޮށީގައި ނުވަތަ ފަޅުގެ އަޑީގައިޖެހުން މަޖާޒު: (4) ކަރުގައި އަޅައިގަތުން (5) ވައިރޯޅި އެއްޗެއްގައި ޖެހިލުން (6) ރަށެއްގެ ގޮނޑުދޮށަށް ރާޅު އައިސްނިމުން
ބުންބާސައި
ނ (1) ސައިފަތު ކުލަގަދަކޮށް ގިނައިންކިރު އަޅައިގެން ފޮނިމަޑުކޮށް ހަދައިފައި ހުންނަ ސައި (2) މިއީ ބުންބާ މީހުން މާލޭގައި އުޅުނު ޒަމާނުގައި އެމީހުން ހަދައި އުޅުނު ސައެކެވެ (3) ބުންބާޓީ
ބުރަނދު
ނ މޫދުގައިއުޅޭ ކުޑަމަހެއް މަހުގެ ކޯތާފަތްމަތީގައި ތިން ބަރިއަށް ހުޅުނބުހުރެފައި ކޯތާފަތްގަނޑާއި ދިމާއިން ބަނޑުދޮށް ފަރާތުގައި ހުންނަ ކޮތަރީގެ ދިގުމިން މަހުގެ ކަންފަތް ގަނޑާއި އެއްވަރުވާނެއެވެ މަހުގެ ހުރަހަށް ރީނދޫ ކުލައިގެ ރޮނގުތަކެއް ހުރުމާއެކު ކަންފަތްގަނޑު ފަޅައިފައިވާ ހިސާބުގައިވެސް ކަޅުލަފެއްހުރެއެވެ
ބުރަންމާނި
ނ (1) ރަމަލުޖަހާ ފާލުބަލާ އުޅޭމީހުން (2) ދުނިޔެއަޅައިފައި ތިބޭ ޣައިރު ދީނުގެ އަޅުވެރިން
ބުރިކުރުން
މ (1) ދިގު އެއްޗެއްގެ ބައެއް ތޫނު އެއްޗަކުން ހުރަހަށް ވަކިކުރުން (2) ތޫނު އެއްޗަކުން ކޮޅަށް ހުރި ގަހެއް ނުވަތަ ދަނޑިއެއްފަދަ އެއްޗެއް ކެނޑުން (3) މޫދުމަސް ބޭނުމަކަށްޓަކައި ފަޅައި ކޮށުން
ބުޅާ
ނ މިނިކާވަގާ ވައްތަރު ގޮތަކަށް އޮންނަ ކުޑަޖަނަވާރެއް މިއީ ބަނޑު އަޅައިވިހާ އޮޅު ކުރެވޭ ޖަނަވާރެކެވެ
ބުޅާކޯޅުން
މ (1) ދެބުޅާރުޅިއައިސްގެން އަރައިރުންވުން (2) ދެބުޅާ ޖޯޑުވުމުގައި ހޭރިގަނެ ވަކި އަޅައިގަތުން
ބުމަ
ނ ލޮލާ ދިމާ މަތީގައި ފަޅައިފައި ހުންނަ އިސްތަށިފަށް
ބުދުބުރާފިލާ
ނ ނާޒޯގު ފަހަރުގެ ދިރުބާނމަތީ ކަތިކޮށް އަޅައިފައި އޮންނަ ކުރެހިފިލާ
ބުޑުފަށްގަނޑު )ބަޑިފަށް(
ނ މަސްއޮޑި ފަހަރުގެ ފަޑި ހުންނަ ގޮތަށް ފަޑިއަޅައިގެންޖަހާ އުސްފަށްގަނޑު
ބުޑުދޮށް
ނ (1) ކޮޅަށްހުރި އެއްޗެއްގެ ތިރީކޮޅު (2) ބިމުން ފަޅައިފައިހުރި އެއްޗެއްނަމަ ބިމުގައި ޖެހޭތަން
ބެހިގެންދިއުން
މ (1) ދަތުރުކުރާ އުޅަނދަކަށް ލިބޭ ގެއްލުމެއްގެ ސަބަބުން މިސްރާބު އޮޅިގެން ނުވަތަ މިނޫންވެސް ސަބަބަކާހުރެ ދެވޭނުދެވޭ ތަނެއް ނޭނގި ދެވުން. (2) ފުރާދުއްވާ އެއްޗެއް އަޅައިފައި އޮއްވާ ވައުކެނޑިގެން އޮޔާދިއުން
ބެހުން
މ (1) ދާންވީ މިސްރާބު އޮޅި ދެވޭނުދެވޭ ދިމާއެއް ހުރި ހިސާބެއް ނޭނގުން (2) އެކި ބައިބަޔަށް އަޅައި އެކި މީހުންނަށް ދިނުން (3) ތިމާޔާ ނުބެހޭ ކަމެއްގެ ތެރެއަށް ވަނުން (4) ކަމަކާނުލައި މީހަކާ ފޮށުން ނުވަތަ ގަޔަށް އެރުން (5) ޖިންސީގޮތުން ގޯނާކުރުން (6) ބައިބަޔަށް އެޅުން (7) ގުޅޭ މިސާލު: )ހ( ފޮތާބެހޭ ލިޔުން )ށ( ކިޔެވުމާބެހޭ ސާމާނު
ބެރު
ނ (1) މިއުޒިކުގެ އާލަތެއް މިއީ އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެކެވެ މީގެ އަޑު ނެރެނީ ޖަހައިގެންނެވެ (2) މިޔުޒިކުގެ ހަމަޔާ ގުޅޭގޮތަށް ވަކި ތަރުތީބަކުން ޖަހާ އަޑު (3) ކަރަންޓު ބޭނުންކޮށްގެން ނުވަތަ އެނޫންވެސް ގޮތަކުން ބެރުގެ އަޑު ނެރެން ހަދައިފައިވާ އެތި