radheef.info
ރަދީފު


ރީ
ނ (1) މެހީގެ ފޫކޮޅުންނެރޭ ކުދިކުދި ފަނި (2) ވޭރުހުލި މާބުރުފަދަ ތަކެތި ތަންތަން ބައްދާ އެއްޗެހި
ރަތްބޯ
ނ )ސ ( ހިކާގެ ބާވަތެއް މިހިކައިގެ ބޮލުން ފެށިގެން ނަގުލާ ހަމައަށް މަހުގެ ދެފަރާތުގައި ކަޅުރަތް ކުލައިގެ ދެރޮނގު ހުރެއެވެ މަހުގެ ކުލައަކީ މަޑުފިޔާތޮށި ކުލައެވެ ލޮލުގެ ކައިރި ހުންނަނީ ރީނދޫ ކުލައިގައެވެ ވަދުމަސްވެރިކަން ކުރާއިރު މިހިކާ އެމަށްވެސް ބޭނުންކޮށް އުޅެއެވެ
ރަތްކެޔޮ
ނ (1) ރަތް ދަނބުކުލައިގެކެޔޮ (2) މަލާބާރީ ކެޔޮ (3) ބޮންތި ރަތްކެޔޮ
ރަތްމެހިފިޔަކުލަ
ނ ރަތްރީނދޫކުލަ
ރަތްސަންގު
ނ ފޫއެނބުރީގެ ބާވަތެއް މިހުންނާނީ ރަތްކުލައެއްގައެވެ
ރަސަމުކިނާރީ
ނ ފަށުއި ކިނާރީ
ރަސޫލު
ނ މާތް ﷲ އެބޭކަލަކަށް ޝަރީޢަތެއް ބާވާލައްވައި އެޝަރީޢަތެއް މީސްތަކުންނަށް ފޯރުވައި ދެއްވުމަށް އަންގަވައިފައިވާ މާތް އިންސާނާ
ރަސޫލުބޭކަލުން
ނ މާތް ﷲ ގެ ހަޟުރަތުން ޝަރީއަތަކާއި ފޮތެއް ބާވައިލެއްވި ބޭކަލުން
ރަސޫލުކަން
ނ މާތް ރަސްކަލާނގެ ހަޟުރަތުން ޝަރީޢަތަކާއިގެން ފޮނުއްވި ފޮނުއްވުން
ރަސްރަނި
ނ (1) ރަސްރަސްކަލުންނާއި ރަނިކަނބަލުންނަށް ކުރުކޮށް ކިޔާގޮތް (2) މަޖާޒު: ރީތި އަންހެނުން
ރަސްރޯނު
ނ (1) ރިނބުދޫ މީހުން އަތުން އިހުގައި ވަރު ހަނގުންނަށް ނަގާ ރޯނެއް (2) ރީތިކޮށް ވަށައިފައި ހުންނަ އެންމެ ހިމަ ރޯނު
ރަސްކޮކާމަސް
ނ ކޮކާ މަހުގެ ބާވަތެއް ރަސްކޮކާލުގެ ޅަމަހާއި ބޮޑެތި މަހުގެ ކުލަ ތަފާތެވެ ޅަމަހުގެ ކުލައަކީ ނޫކުލައެވެ އަދި މަހުގައި ކޮޅު ވައްކޮށް ގުޅިފައިވާ ހުދުކުލައިގެ ރޮނގުތަކެއް ފާޅުކޮށް ހުރެއެވެ ބޮޑެތި މަހުގެ ފަހަތުބައިގާ ނިގޫފަތާއެކު ހުންނަނީ ރީނދޫކުލައިގައެވެ ދެއަރިމަތި ހުންނަނީ ގަދަނޫކުލައިގައެވެ އަދި ރީނދޫ ކުލައިގެ ރޮނގުތަކެއް ދެއަރިމަތީގައި ހުރެއެވެ
ރަސްފަރީގައި ހިނގުން
މ ކަނޑި އައްޑަނަ ނުވަތަ ހަލާ ދަނޑި ހިފައިގެން ދާނޑުގައި ރަސްފަރީގެ ކުރެހުން އެޅޭގޮތަށް ހިނގުން
ރަސްފޫ އެނބުރި
ނ ފޫއެނބުރީގެ ބާވަތެއް. މިވައްތަރުގެ ފޫއެނބުރި ހުންނާނީ ކުރުފަލަކޮށެވެ. ބުރަކަށި ފަރާތުގައި އުންއުން ހުންނާނެއެވެ. ކުލައަކީ ކިރުޅި ކުލައެވެ ތުންފަތް ފަރާތުގެ ފުލުގައި ކުޑަކުޑަ އުމެއް ހުންނާނެއެވެ
ރަސްދުވަނި
ނ މުޅިގަޔަށް ފެތުރޭ ބައްޔެއް ރަސްދުވަނި ޖެހުނީމާ މުޅި ކުއްޖާ އޮންނާނީ ރީނދޫވެފައެވެ ކުޑަކަމުދާ އެއްޗެހިވެސް ރީނދޫ ވާނެއެވެ
ރަޓުވައިލުން
މ (1) ހައްދާލުން (2) ދޮގުތާރީފުކޮށްގެން މީހަކު ހައްލާލުން
ރަޖަބު
ނ ހިޖްރީ ކަލަންޑަރުގެ 7 ވަނަމަސް
ރަޖަމު
ނ ޞައްޙަ ކާވަންޏެއްގައި ވަޠީވެފައި ހުރިމީހަކު ޒިނޭކުރީމާ ހައްދެއްގެ ގޮތުގައި އުނަގަނޑާ ހަމައަށް ވަޅުލައިގެން ކުދިހިލައިންތަޅައި މަރާމެރުން
ރަޖަމްކުރުން
މ ޞައްހަކާވަންޏެއްގައި ވަޠީވެފައި ހުރިމީހަކު ޒިނޭކުރީމާ ހައްދެއްގެގޮތުގައި އުނަގަނޑާހަމައަށް ވަޅުލައިގެން ކުދިހިލައިން ތަޅައި މެރުން
ރަޖިސްޓަރީ
ނ (1) ސަރުކާރުގެ ނުވަތަ އަމިއްލަ ފަރާތެއްގެ ލިޔެކިޔުމުގައި މީހެއްގެ ނުވަތަ ތަނެއްގެ އެއްޗެއްގެ ނަން ޖެއްސިކަމުގެ ހެއްކެއްގެ ގޮތުން ދޭ ލިޔުން (2) އެއްތަނުން އަނެއްތަނަށް ފޮނުވާ ސިޓީއާއި ޕާރުސަލް ފަދަތަކެތި ޕޯސްޓުއޮފީހުގެ ރަޖިސްޓަރީ ގައި ޖައްސާ ޖެއްސުން (3) ތަނެއްގައި އުޅޭމީހުންގެނަމާއި މަޢުލޫމާތު ބަޔާންކޮށް ލިޔެފައިވާ އޮންނަފޮތް
ރަޖިސްޓަރީކުރުން
(1) ސަރުކާރުގެ ނުވަތަ އަމިއްލަ ފަރާތެއްގެ ލިޔެކިޔުމުގައި ނަން ޖެއްސުން (2) އެއްތަނުން އަނެއްތަނަށް ފޮނުވާ ސިޓީ އާއި ޕާރުސަލް ފަދަތަކެތި ޕޯސްޓް އޮފީހުގެ ރަޖިސްޓަރީގައި ޖެއްސުން (3) ތަނެއްގައި އުޅޭ މީހުންގެ ނަމާއި މަޢުލޫމާތު ލިޔަން ހަމަޖައްސައިފައި އޮންނަ ފޮތުގައި ޖެއްސުން