radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ރަނގަބީލު
ނ (1) އެތެރެއަށް ގޮނިކޮށް ހަދައިފައި އޮންނަ މަޢުދަނީ އެއްޗެއް މިއީ އެތެރެއިން ނުވަތަ ބޭރުން އޭގައި އެއްޗަކުން ޖެހުމުން ރީތި އަޑެއް ކިޔާގޮތަށް ހަދައިފައި ހުންނަ އެއްޗެކެވެ (2) ރަނގަބީލު ބޭނުންކުރާގޮތަށް ބޭނުން ކުރުމަށް ތަފާތު ގޮތްގޮތަށް ހަދައިފައި ހުންނަ އެއްޗެހި
ރަނގަލުން
މ ދަވާދުލުން މިބަސް ގިނައިން ބޭނުންކުރަނީ ދޯނިފަހަރުގައި ދަވާދުލުމަށެވެ
ރަން
ނ (1) ގަހަނާ ހަދާ އަގުހުރި މަޝްހޫރު މަޢުދަނެއް މީގައި ހުންނާނީ ރީނދޫ އޮފުކުލައެވެ (2) އިންނަން އުޅޭ ފިރިހެންމީހާ އަންހެންމީހާއަށް ޝަރުޢީ ގޮތުންދޭންޖެހޭ ފައިސާ ނުވަތަ މުދާ މީގެ މިންވަރު ކަނޑަ އަޅާނީ އަންހެންމީހާއެވެ
ރަންނަ
ނ )ޅ ( ކުޑަކުދިން މޫދުގައި ކުޅޭ ކުޅިވަރެއް މިކުޅިވަރު ބައިބަހައިގެންނާއި ބައި ނުބަހައި ވެސް ކުޅެއެވެ މިކުޅިވަރު ކުޅޭ ގޮތަކީ މޫދުގައި ގަލެއްގެ މައްޗަށް ކުއްޖަ ކުއަރައި ރަންނަ ކިޔުމަށްފަހު އެގަލުން ފައިބައިގެން ގޮސްމޫދުގައި ތިބި އެހެން ކުދިންގެ ގައިގައި އަތްލާނީއެވެ ދެން ރަންނަ ކިޔާނީ އެނުބައިވި ކުއްޖެކެވެ
ރާމެހި
ނ )ހ ( ރާއެތުގެ ކޮޅުގައި އުޅޭ ދާދި ކުޑަ މެއްސެއް މިމެހީގެ ކުލައަކީ ރަތް ދޮން ކުލައެވެ މިމެހި ހުންނާނީ ކުނަމެހި ފާޑަށް ކުނަމެއްސާ ދާދި އެއްވަރަށެވެ ނަމަވެސް ބައެއް މެހި ތަންކޮޅެއް ބޮޑެތި ކޮންވެސް ހުރެއެވެ މިބާވަތުގެ މެހި ރާގުޑީގެ ވަށައިގެން އެނބުރި އެނބުރި އުޅެއެވެ
ރާތާގާބަރި
ނ (1) ތިލަފަތުން ކިރައި އުޅުނު ވަޒަންތައް މިއީ 4 ރާތަލުން ފެށިގެން ކުޅަނދަކާހަމައަށް ކިރާން ދަގަނޑުން ހަދައިފައި ހުންނަ ވަޒަންތަކުގެ ސެޓެވެ. މީގައި ހިމެނެނީ 4 ރާތާ 2 ރާތާ 1 ރާތާ 2 ގައު 1 ގައު 2/1 ގައު 5 ކުޅަނދު އަދި 1 ކުޅަނދެވެ (2) މަޖާޒު: މީހަކަށް ގާތްގާތުގައި ލިބިފައިތިބި ކުދިންތަކެއް
ރާތީބުލަވަބައި
ނ ބަބުރުނެއްޓީގެ ލަވަބައިތަކުގެ ތެރެއިން ލަވަބައެއް މިލަވަބައިގައި ފުމޭނީ ބޮޑުނަވުގެ ނުވަތަ ކުޑަނަވުގެ ރާތީބުލަވައެވެ
ކަރަވެރިމަސް
ނ ފަރުމަހުގެ ބާވަތެއް މިއީ އައިން ހަދައިގެން ދަތުރުކޮށް އުޅޭ މަހެކެވެ މިމަހުގެ ބުރަކަށި މަތީގެ ކުލައަކީ ނޫފެހިކުލައެވެ ދެއަރިމަތީގައި ހުންނަނީ ރަންރިހިކުލައެވެ މަހުގެ ނިގޫފަތާއި ކޮތަރިތަކުގައި ހުންނަނީ ރީނދޫކުލައެވެ މަހުގެ ކަންފަތް ކައިރީގައި ކަޅުކުލައިގެ ލަފެއް ހުރެއެވެ
ކަރާދުނބުރި
ނ (1) ކަނީރުފަތް ވައްތަރަށް އެއަށްވުރެ ހިމަކޮށް ފަތް ހުންނަ ރީނދޫ މަލެއް އަޅާ މެދުމިނުގެ ގަހެއް. (2) މިގަހުގެވައް. (3) މިގަހުގެ ލަކުޑި މިއި ކީލި ހިމުން ހަރު ލަކުޑިއެކެވެ
ކަރު
ނ (1) ބޮލާއި ހަށިގަނޑާއި ދޭތެރެ. (2) ދަތްދޮޅިޔާއި ލަގޮނޑިވަޅާ ދޭތެރެ. (3) ބަނޑިޔާ ނުވަތަ ފުޅި ފަދަ ބައެއް ކަންވާރުގެ މަތީން ހިމަކޮށްލައިފައި ހުންނަ ހިސާބު. (4) ޝަރުބަތާއި ދިވެހި ހަކުރުފަދަ ފޮނިތަކެތީގެ ތެރޭގައި ފުއްފުކަށް ގަނޑުގަނޑަށް ހެދޭ ހަކުރު. (5) ބައެއް މޭވާއާއި ތަރުކާރީގެ އެތެރޭގައި އޮށްތައް ހަރުލައިފައި އޮންނަ މަޑުތަން. (6) ބައެއް ޒާތުގެ މޭވާއާއި ތަރުކާރީގެ އެތެރޭގައި ހަރުކޮށް އޮންނަ ކާންބޭނުން ނުކުރާތަން (7) ލިބާހުގައި ބޮލުން ވައްޓައިލާން ކަނޑާތަން (8) ލިބާހުގައި ބޮލުން ވައްޓައިލާން ކަނޑާތަނުން ނަގާފޮތިކޮޅު (9) ނައިބޮލީގެ އެތެރޭގައި ފަށްފަށަށް ހުންނަ ހަރުތަންތަން )01( މަސް ބައްދަން ފަޅުތެރޭގައި ހަދާ ގޮނީގެ އަނގަމަތީގެ ހިމަތަން (11) ކާށިހުންޏާއި ތެޔޮ އަޅައިގެން ހަދާ ކާއެއްޗެއްސާއި ތެލަށް އަންނަ ނުބައިކަމެއް
ކަރުނަގޭސް
ނ ލޮލުން ކަރުނަ އަންނަ ގޭސް މިގޭސް ބޭނުން ކުރަނީ މުޒާހިރާ ފަދަ އެއްވުންތައް ރޫޅައިލުމަށްޓަކައެވެ މިގޭސް ދޫކުރުމުން ލޮލުން ފެންއަންނާނެއެވެ
ކަރުކޮންނަރަހަ
ނ ދުންބޯއިރު ލާރަހައެއް އެއީ ދުންފަތް މޮޑެވޭ ގޮތަކުން ރަހަތައް ހެޔޮވަރު ނުކުރެވުނީމައި ލާ ރަހައެކެވެ
ކޯވަޅަ
ނ ފަތްޕިލާވެލީގެ ބާވަތެއް މިވެލުގެ ފަތް ހުންނާނީ ތޮރާވެލުގެ ޅަފަތް ހުންނަހެންނެވެ ތޮރާވެލުގެ ފަތަށްވުރެ މިފަތް ބޯވާނެއެވެ މިވެލުގައި އަޅަނީ ހިމަދިގުކޮށް ހުންނަ ތޮޅިއެކެވެ މިތޮޅީގެ އެތެރޭގައި މުރާކި އޮށް ހެން ހުންނަ އޮށްތަކެއް ހުރެއެވެ
ކޯމަސް
ނ މަންމަލިމަހެއް. މީގެ ތުންހުންނަނީ ބޮލުންފެށިގެން އޫކޮށެވެ. މިއީ ބާރަށް ދުވާ މައްޗަށް ނޭވާލާ ފުމެ ހަދާމަހެކެވެ
ކޯމަސްފުރޮޅި
ނ ގުޅަމަތި ހިފުމުގައި ކުރާ ޙަރަކާތެއް މި ޙަރަކާތުގައި މަޑިޔަށް ޖެހިފައި ކޯމަސްފުރޮޅޭހެން ފުރޮޅިގަންނަނީއެވެ
ކޯދު
ނ (1) އޮށުތެރޭގައި އޮންނަ ޅަނިރު އޮށުތެރޭން ނިކުމެފައި ހުއްޓަސް ފަތަށްނުވެ ޅަކޮށް ހުންނައިރު ކިޔަނީ މިނަމެވެ (2) )ހ ( މަލަސް
ކޯދޮންނަލޯ
ނ މީހުން އަތްދޮއްވައި ކޯދޮއްވައި ހަދާންގެންގުޅޭ ކަންވާރެއް މިބޭނުންކުރަނީ ނަމޫނާ ކުރަޔާ އެކުގައެވެ
ކޯޑި
ނ (1) ރަށްފުށުގައި ކުޅޭ ކުޅިވަރެއް. މިއީ ބޮޑުޢީދުގެ ތެރޭގައި ކުޅެއުޅޭ ކުޅިވަރެކެވެ. (2) ކޯޑިކުޅޭއިރު ރުކެއްގައި ނުވަތަ ދަނޑިއެއްގައި އެލުވާއެތި މީގައި ހުންނަނީ ވަޅިފަންކޮށައިފައެވެ މިހާރަކަށް އައިސް ވައްތަރު ވައްތަރުގެ ރީތި ކަރުދާހުން އެއްޗެހި ހަދައި އެލުވާފައި ހުރެއެވެ
ކޯޑިކުޅުން
މ ރަށްފުށުގައި ބޮޑުޢީދުގައި ކުޅެއުޅޭ ކުޅިވަރެއް. މިކުޅިވަރު ކުޅޭއިރު ފިރިހެންކުދިން ކޯޑި ހަދައިގެން ކުޅިވަރުކުޅެމުން )ލަވަކިޔައިނަށަމުން( ހުސްމައިދާނެއް ކަހަލަތަނަކަށް )ކުޅޭބިމަށް( ގޮސް މަޑުކޮށްލައި އެތަނުގައި ކުޅިބަލަންގޮސްތިބޭ އަންހެންކުދިންގެ ތެރެއިން ކުއްޖެއްގެ ބޮލުގައި ކޯޑިޖައްސައިލަނީއެވެ. ދެން ކޯޑިގެންގޮސް ރުކެއްފަދަ ދިގު އެއްޗެއްގައި އަތްނުފޯރާ ހިސާބު މަތީގައި އެލުވަނީއެވެ. މިކޯޑި ކަނޑައިދޭނީ އަންހެން ކުދިންގެ ފަރާތުން ކަނޑައަޅާ ފިރިހެންކުއްޖެކެވެ. ދެން ފިރިހެންކުދިން އެކޯޑި ކަޑައިދިން ފިރިހެންކުއްޖާގެ ގައިގައި އަޅިދެލި ކުރަހައިގެން ގަންހިންގާގޮތަށް މުޅިރަށުގައި ހިންގުވައިފައި ގެނެސް މޫދަށް ލަނީއެވެ. އެއަށްފަހު އަންހެންކުދިން އެކުއްޖާ މޫދުންއަރުވައިގެން ގެންގޮސް ފެންވަރުވައި ނަލަހެއްދުވުމަށްފަހު ކޯޑިޖެއްސި އަންހެންކުއްޖާއާއި ދެކުދިން އަތުގުޅުވައިގެން ކުޅޭބިމަށް ގެންދާނީއެވެ
ކޯޓު
ނ (1) ވިލާތު ހެދުމުގެ ތެރޭގައި ގެންގުޅޭ ދެފަރާތުގައި ޖީބުލައިފައި ހުންނަ އަތްގުދުކުރި ބަނޑުފެޅި ލިބާސް (2) ޝަރީޢަތް ކުރާ އިދާރާ (3) ތާސްކުޅެގެން އެއްއަތްބައިވެސް ނުލިބުނީމާވާދެރަ (4) ބައެއްކުޅިވަރު ކުޅުމަށް ރޮނގުދަމައި ވަކިކޮށްފައިވާތަން މިސާލު: ޓެނިސްކޯޓް