radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ކުޅިލަވާގަސް
ނ ފަތުގައި ކުޅިރަހަދޭގަސް
ކުޅިގަނދު
ނ ބޭރު ރަތްކުލައެއްގައި ހިމަކޮށް ހުންނަ މުލެއް މިއީ ބޭހަށް ބޭނުންކުރާ އެއްޗެކެވެ
ކުޅިގަނޑު
ނ (1) ރާޒުވައާއި ތިންހަމައާއި އޮށްވަޅުފަދަ ކުޅިވަރުގައި ކުޅޭން އަތުރާ ކުޅުންގަނޑު (2) މަޖާޒު: ނުބައެއް އުފައްދާން ރާވާރޭވުން (3) ބޭޒާރުނުވެ ހިނގާ ނޭދެވޭ ކަންތައް
ކުޅިސަމާ
ނ (1) ކުޅިޖަހާ ސަމާ. މިއީ ސަމާގެ މަތީ ދަރަޖައެވެ. އާދަކާދައިގެ ގޮތުން ކުޅިހުއްޓާރޭ ކުޅި ޖައްސަވާނީ ކޮށިކޮށީގެ ވެރިންނަށް ތިއްބަވާ ބޭފުޅުންނާއި ކޮށިކޮށީގެ މަތީ ދަރަޖައިގެ ބޭފުޅުންނެވެ (2) މަޖާޒު: ކުޅިވަރާ މަޖަލުގެ ފޯރިގަދަކަން ބަޔާންކުރުމަށް ބޭނުންކުރާ ބަހެއް މިސާލު: އެގޭގައި މިރޭ ކުޅިސަމާ އެބަހުއްޓެވެ
ކުޅިޖެހުން
މ ކޮށިކޮށީމީހުން ކަނޑި އައްޑަނަ ނުވަތަ ދަނޑި ހިފައިގެން ހެވިކަމުގެ މަސައްކަތުގައި ވަކި ޤަވާއިދެއްގެ މަތީން ހެލިފެލިވުން
ކުޅީކުކުޅު
ނ އެއްގަމު ދޫނީގެ ބާވަތެއް. މިއީ ވަލުގައި އުޅޭ ދޫންޏެކެވެ. މިދޫނީގެ ސިފަ އެންމެ ވައްތަރީ ދިވެހި ކަނބިއްޔާއެވެ. ދޫނީގެ ކުލައަކީ ދޮން ރީނދޫކުލައެވެ. ދޫނީގެ ފަތް ހުންނަ ކުލައާއި ކުރެހުން ސިފަކޮށްދައްކަނީ "ދޮންމިރުސް ކުކުޅާ" އެއްކަހަލަ ގޮތަކަށެވެ. ތުނބާއި ފައި ހުންނަނީ ދޮންކުލައިގައެވެ. ބައެއް ކުކުޅު ހާލުގައި ހުންނަ "ގޮށްކެޔޮފޮތި" ކަހަލަ ތަންކޮޅެއް ތުނބުގެ މަތީކޮޅުގައި ހުރެއެވެ
ކުޅު
ނ އަނގައިގެ ތެރޭގައި އުފެދޭ ތެތްކަން
ކުޅުހިކުން
މ (1) އަނގައިގެ ތެތްކަން ކެނޑުން (2) މަޖާޒު: ހައިރާންވުން
ކުޅުދިޔާވުން
މ އެއްޗެއް ފެނިގެން ނުވަތަ ދުވާ ވަހަކުން ނުވަތަ ކުރެވޭ އިޙުސާސަކުން އަނގައިގައި ދިޔާކުޅު ގިނަވާގޮތްވުން
ކުޅުދުއްފުށީފޫ
ނ ދެފިނދުކިބަ އެކުގައި ފެންނަގޮތަށް މުންޑު އަނބުރާހިމަކޮށްފައި ދަމާ އެއްރޮށްޖަކަށް ގަޅާފޫ
ކުޅުގަނޑު
ނ އެއްފަހަރާ އަނގައިން ބޭރުކޮށްލާ ގިނަކުޅު
ކުޅެވަޑައިގަންނަވާބޮޑުލަވަ
ނ ދަނޑިބެރުގެ ލަވައެއް މީ ސަމާގައި ރަދުން ކުޅި ޖެއްސެވުމަށް ނުކުމެވަޑައިގަންނަވާނަމަ ޖަހައި އުޅުނު ލަވައެކެވެ
ކުޅޭތާލަވަ
ނ ގުޅަކުޅޭ ފަސްގަނޑުގައި ކުޅިޖަހައި އުޅުނުއިރު ބެރުގައި ޖަހައި އުޅުނު ލަވަޔާއި ފުމޭލަވަތައް
ކުކުން
ނ ކުޑަވަރެއްގެ ގަހެއްގައި އަޅާ މީރުވަސް ދުވާ މަލެއްގެ ކަރުގަނޑު. މިހިއްކީމާ ހުންނާނީ ރަތް ރީނދޫ ކުލައެއްގައެވެ. މިއީ ކާއެއްޗިއްސަށް ލާށާއި ބޭހަށް ބޭނުންކުރާ އެއްޗެކެވެ
ކުކުޅު
ނ (1) މަހާ ބިހުގެ ބޭނުމުގައި އޮޅު ކޮށްގެން ގެންގުޅޭ ދޫންޏެއް (2) ހާލުގެ އަންހެން އެތި
ކުކުޅުކާށި
ނ ވާރުނެގި ޒަމާނުގައި ވާރަށް ނަގާ ކުކުޅަށް ކާންދިނުމަށްޓަކައި ކޮންމެ ކުކުޅަކަށް ބާރަކާށިމަގުން ރަށްރަށުން ނަގާ އުޅުނުކާށި
ކުކުޅުފައިފިލާ
ނ ބޭހަށް ބޭނުންކުރާ ފަތްޕިލާވެލީގެ ބާވަތެއް މިއީ އެއްތަންޑުގަނޑަކަށް ހެދޭ ގަހެކެވެ މީގައި އަޅަނީ ރީނދޫކުލައިގެ މަލެކެވެ މިގަހުގެ ފަތުގައި ކެހެރި ގޮތެއް ހުންނާނެއެވެ ފަތް ހުންނަނީ ފަސްތުނޑަކަށް ކުކުޅުފަޔާއި ވައްތަރު ގޮތަކަށެވެ
ކުކުޅުދުށިން
ނ )ޅ ( ދުށިމުގެ ބާވަތެއް މިއީ ފިނދުފަތް ފެޅި ހިސާބުގައި ހުރަހަށް ހުދު ބަންދެއް ހުންނަ ދުށިމެކެވެ ބަނޑުދަށް ފަރާތް ހުންނާނީ ކަޅުކުލައިގައެވެ އާދައިގެ ދުށިންމަށްވުރެ ތަންކޮޅެއް ބޮޑުވާނެއެވެ
ކުއްރަސް
ނ )މަލިކު( ފޮތުގެ ބޭރުގައިލާ ކަރުދާސް
ކުއްޅަވައް
ނ (1) ބިޔަގަހެއްގައި އަޅާ ހުތް ކިހަސްމޭވާއެއް. މިހުންނަނީ މަތީގައި ބޮޑުތާފަތެއް ހުރެފައި ފުލުގައި ބޮނޑުނަގުލަށް ހުންނަ ނަރެއްލައިފައެވެ މިގަހުގެ މުލުން ނިރު )މޮށަވަ( ފަޅާނެއެވެ (2) ކުއްޅަވައްގަސް (3) ކުއްޅަވައް ބުރަށް ލިޔެލާ ޖަހައިފައި ހުންނަ ކުރަނޑިއެއް