radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ދިގުހަރުވާޅު
ނ ފައިގެ ކުޑަހުޅާހިސާބަށް ދިގުކޮށް ހުންނަހަރުވާޅު
ދިގުރޮނގުކުރުވުން
ގބ މަޖާޒު: ބޮޑުކަމެއް ޖެހިފައިވަނިކޮށް އެއަށްވުރެ ބޮޑުކަމެއް މެދުވެރިވުމުން ބުނެއުޅޭ ބަހެއް
ދިގުރޯނު
ނ އިހުގައި ވާރަށްގެންނަ ޅައިކޮށް ވަށައިފައި ހުންނަ ރޯނެއް މީގެ ފޯލިތައް އަޅައިފައި ހުންނާނީ ތަންކޮޅެއް ދިގުކޮށެވެ
ދިގުފަޅޯ
ނ (1) ފަޅޮލުގެ ބާވަތެއް (2) ދިގުކޮށް ހުންނަފަޅޯ
ދިގުތިޔަރަ
ނ ރީނދޫމަލެއް އަޅާގަހެއް މިގަހުގެ ފަތްހުންނާނީ ބިލަމަގުފަތާ ވައްތަރުކޮށް އެއަށްވުރެ ހިމަދިގުކޮށެވެ މިއީ ކެއުމަށާއި ބޭހަށް ބޭނުންކުރާ ފައިދާހުރި ފަތެކެވެ
ދިގުތޮޅި
ނ ތަރުކާރީގެ ބާވަތެއް މިއީވެލެއްގައިއަޅާ ފެހިކޮށް ދިގުކޮށް ހުންނަ ތޮޅިއެކެވެ
ދިގުލާރި
ނ އިހުގައި ރާއްޖޭގައި ގެންގުޅުނު ލާރިއެއް މިލާރި ހުންނަނީ ބޮލުގައި ޖަހާ ދައްޗެއްހެން ހިމަދިގުކޮށް ރިހިންހަދައިފައެވެ
ދިޔަހިއްކުން
މ އޮޑިދޯނިފަހަރާއި ވެޔޮވަޅުފަދަ ތަންތަނުން ފެންގަނޑުހުސްކޮށްލުމަށް ނުވަތަ މަދުކޮށްލުމަށް ފެންނެގުން
ދިޔައެރުން
މ (1) އޮޑިދޯނި ފަހަރުގެ ބަނޑުފިލައިގެ ތަނަކަށް ލިބޭ ގެއްލުމަކުން އާދަޔާ ޚިލާފަށް ފެން އެރުން (2) އޮޑިދޯނި ފަހަރު ދަތުރުކޮށްފައިދާއިރު މަތިކަން މަތިން އެތެރެއަށް ލޮނުއެޅުން
ދިޔަމުޑޮޅި
ނ ރުއްގަލުބޭހަށް ބޭނުންކުރާ ފަތްޕިލާވެލީގެ ބާވަތެއް މީގެފަތް ހުންނާނީ އޮފުކޮށް ތެޔޮކޮށެވެ ހިމަދިގުގޮތަކަށެވެ
ދިޔަދިނުން
މ (1) ދިޔައިގެ ގޮތުން ދޭންޖެހިފައިވާ އެއްޗެއް ދިނުން (2) ދިޔަ އަދާކުރުން (3) ދާން ދޫކޮށްލުން (4) ދިއުމަށް ހުރަސްނޭޅުން
ދިޔަދޮވި
ނ ފުރާޅުން ފައިބާފެން ވަކިދިމާއަކަށް ގެންދިއުމަށްޓަކައި އަސްކަނިދަށުގައި ހަރުކޮށްފައި އޮންނަ އެއްޗެއް މިހަދައިފައި ހުންނަނީ ޓިނާއި އެސްލޯން ފަދަ ތަކެތިންނެވެ
ދިޔާބޭސް
ނ ދިޔާކޮށްހުންނަބޭސް
ދިޔާވުން
މ (1) އޮލަ ނުވަތަ ތަތް އެއްޗެއް ހުންނަންވީ ވަރަށްވުރެ ދިޔާކަން ބޮޑުވުން (2) ހަރުކޮށް ނުވަތަ ހިކިކޮށް ހުންނަންވާ އެއްޗެއްހަލާކުވެގެން އޭގައި ތެތްކަން އުފެދުން މިސާލު: ބެޓެރީ ދިޔާވުން (3) ބައެއްކަހަލަ ހަރު އެއްޗެއްސާއި ތަތްއެއްޗެހި ހޫނުގެ ސަބަބުން ފެންވުން މިސާލު: )ހ( ތިމަރަދިޔާވުން )ށ( ރަބަރުދިޔާވުން
ދީއޮށާމިޔަރު
ނ އުރަހައިގެ ކޮޅު ހުދުކޮށް ހުންނަ މިޔަރު
ދީފައިހިފުން
މ (1) މަސްބާނާއިރު އެންގަނޑުކާން ދިނުމަށް ތަންކޮޅެއް ދޫކޮށްފައި ދެން ދަމައިގަތުން (2) މަޖާޒު: އަނެކަކަށް ރަނގަޅަށް ފުރުސަތުދީފައި ތިމާގެ ބާރުގެ ދަށަށް ގެނައުން ނުވަތަ ބައްދައިލުން
ދީލައިލުން
މ (1) ފުރާދުއްވާ ތަކެތި ދުއްވަމުންދާ މިޞްރާބަށްވުރެ ދަށްކޮށްލުން (2) މަޖާޒު: އަނެކެއްގެ އެދުމާއެއްގޮތަށް ތިމާގެ ވާހަކަ ނުވަތަ ޢަމަލު ބަދަލުކޮށްލުން
ދުށިން
ނ (1) ކުޑަދޫންޏެއް މިދޫނިއުޅެނީ ފަޅުމައްޗާއި ގޮނޑުދޮށުގައެވެ (2) ދުށުން މިބަސް ފުރަތަމަ ފަރާތަށް އެކަހެރިކޮށް ނުވަތަ ގިނަކޮށް ނިސްބަތްވާގޮތަށް ބުނެވޭ ނިމިނިމުނުކަން
ދުނގެތި
ނ ވާކޮށް ހިމަކޮށްހެދޭ ހިތިވަހެއްދުވާގަހެއް
ދުނި
ނ (1) ހެވިކަމުގެ ގޮތުންނާއި ހަނގުރާމައިގެ ތެރޭގައްޔާއި އެއްގަމު ކެޔޮޅުކަމުގައި ދުނިދަނޑީގެ ބާރުން ފޮނުވާތީރު (2) އައިނުގެ އޮނިގަނޑު ނުވަތަ ފައިކަށި (3) ކުޑައިގެ ފޮތިގަނޑު ހަރުކުރާދުނި ގަނޑުން އެކަތި (4) އަތޮޅުގެ ރަށްތައް އެތުރިފައި ހުންނަ ބޭރުބުރު (5) ވޮއްޑުންޏެއްހެން އޮންނަ ބުރުފަޅި (6) ދެއެއްޗެއްއޭގެ އަމިއްލަޒާތުގައި ކައިރިވިޔަނުދިނުމަށް ނުވަތަ ދުރުވިޔަނުދިނުމަށް ހަރުކޮށްފައި ހުންނަ ނަރުކޮޅު ނުވަތަ އެތިކޮޅު (7) ގުޑީގެ އޮނިގަނޑުން ބައެއް