radheef.info
ރަދީފު


ބ
އ ތާނައިގެ ފަސްވަނަ އަކުރު
މިސާލު: & ރަސްކަނދަ
ނ )ޏ ސ ( ނުބައިފާހަގަ
ރަސްކަން
ނ (1) ރަސްކަލަކު ހުންނަވައިގެން ހިންގާ ވެރިކަން (2) މަޖާޒު: ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތް ހިތަކަށް އުޅޭ އުޅުން (3) ބަލަހައްޓާނެ މީހަކު ނެތިދާ ވަގުތުކޮޅު ކުއްޖަކު ނުވަތަ ކުޑަކުދީން ތަކެއް ހިތްހިތަކަށް އުޅޭ އުޅުން މިސާލު: އަހަރެން ގެއަށް އައިއިރު ކުދިން ކޮޅު ކޮޓަރި ތެރޭގައި ރަސްކަން ކުރަނީއެވެ
ރަސްކަންކުރުން
މ (1) ރަސްކަލަކު ހުންނަވައިގެން ހިންގާ ވެރިކަން ހިންގުން މަޖާޒު: (2) ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތްހިތަކަށް އުޅުން (3) ބަލަހައްޓާނެ މީހަކުނެތި ދާވަގުތުކޮޅު ކުއްޖަކު ނުވަތަ ކުޑަކުދިންތަކެއް ހިތްހިތަކަށް އުޅުން
ރަސްކަލުން
ނ (1) "ރަސްކަލާ" މިބަސް ގިނަ ކުރުމަށް ބުނާގޮތް (2) ރަސްރަސްކަލުން (3) "ރަސްގެފާނު" މިބަހުގެ ގިނަގޮތް
ރަސްކޮކާމަސް
ނ ކޮކާ މަހުގެ ބާވަތެއް ރަސްކޮކާލުގެ ޅަމަހާއި ބޮޑެތި މަހުގެ ކުލަ ތަފާތެވެ ޅަމަހުގެ ކުލައަކީ ނޫކުލައެވެ އަދި މަހުގައި ކޮޅު ވައްކޮށް ގުޅިފައިވާ ހުދުކުލައިގެ ރޮނގުތަކެއް ފާޅުކޮށް ހުރެއެވެ ބޮޑެތި މަހުގެ ފަހަތުބައިގާ ނިގޫފަތާއެކު ހުންނަނީ ރީނދޫކުލައިގައެވެ ދެއަރިމަތި ހުންނަނީ ގަދަނޫކުލައިގައެވެ އަދި ރީނދޫ ކުލައިގެ ރޮނގުތަކެއް ދެއަރިމަތީގައި ހުރެއެވެ
ރަސްއައިން
ނ އެތައް ކުރިއަކަށް ތިލަވެގެން އުޅޭ ތަފާތު ބާވަތްތަކާއި ތަފާތު ސައިޒުގެ މަސް އެކުލެވޭ ކަނޑުމަހުގެ ބޮޑެތި މަސްއައިން
ރަސްމިއްޔާތު
ނ ކަމަކަށްޓަކައި ރަސްމީގޮތުން ބާއްވާ ޖަލްސާ
ރަސްފަރި
ނ (1) ރަސްކަމަށް ކޮލިލާ ދުވަހު އައްޑަނަ ކޮއްޓާ ދަނޑި ކޮއްޓާ ދެކޮށީން ދެއެދުރު ބޭކަލުން ނުވަތަ އެފަދަ އެހެން ދެމީހަކު ނުކުމެ ގުޅަކުޅޭ ފަސްގަނޑުގައި އަޅާފަރިއެއް (2) ކ އަތޮޅުގެ ފަޅުރަށެއް
ރަސްފޫ އެނބުރި
ނ ފޫއެނބުރީގެ ބާވަތެއް. މިވައްތަރުގެ ފޫއެނބުރި ހުންނާނީ ކުރުފަލަކޮށެވެ. ބުރަކަށި ފަރާތުގައި އުންއުން ހުންނާނެއެވެ. ކުލައަކީ ކިރުޅި ކުލައެވެ ތުންފަތް ފަރާތުގެ ފުލުގައި ކުޑަކުޑަ އުމެއް ހުންނާނެއެވެ
ރަސްދަނބުރުއް
ނ (1) ފަނާއި ރުކުގައި ގަންނަތަކެތީގައި ރަންކުލައާއި ގާތްކުލައެއް ހުންނަ ދަނބު ރުއް (2) )ހ ( ރަތްދަނބުރުއް
ރަސްދުވަނި
ނ މުޅިގަޔަށް ފެތުރޭ ބައްޔެއް ރަސްދުވަނި ޖެހުނީމާ މުޅި ކުއްޖާ އޮންނާނީ ރީނދޫވެފައެވެ ކުޑަކަމުދާ އެއްޗެހިވެސް ރީނދޫ ވާނެއެވެ
ރަސްދޯނގި
ނ ދޯނގީގައި ނަގާ ބައްޔެއް. މިބަލި ނަގަނީ ގަނޑެއްގެ ގޮތަށެވެ. މިގަނޑު ނެގުމަށްފަހު ކުޑަކަޅުވާމަހާއި ފަލަމަސްގަނޑާ ހަމައަށްވެސް އެބަލީގެ އަސަރު ފެތުރިގެންދެއެވެ ދޮސްގަނެ އުމަގުވެއެވެ
ރަސްލޯކަ
ނ )ބދ ( ޢާލަމަށްވާ ރަދުން
ރަސްގުއްލަ
ނ ފޮނިކާއެއްޗެއް. މިއީ ރޯ ކިރަށް ހަކުރާ ގިތެލާ އަޅައިގެން މަޑު ގިނީގައި ކައްކަމުންގޮސް ފެންހިނދި ގުޅަވެށޭވަރަށް ކެކުނީމާ ބޭނުން ސައިޒަކަށް ގުޅަވަށައި ހަކުރު ފަންޏަށްލައިފައި ހުންނަ އެއްޗެކެވެ މިހުންނާނީ ސާފު ހުދު ކުލައިގައެވެ
ރަސްގެ
ނ (1) ޣައިރުދީނުގެ ރަސްގެފާނު (2) ނުބައިފާހަގަ
ރަސްގެފުރެސްނޫ
ނ ރަސްކަމުގެ ބާރު
ރަޑަ
ނ (1) ހަޑި (2) މުޑުދާރު ކއ (3) ތަހުޒީބާ ތާހިރުކަމާ ޚިލާފަށް ކުރާ ކަންތައް (4) ތިމާއަށް މަލާމަތް ލިބޭފަދަ ކަންތައް
ރަޑަހޭވުން
މ (1) ހަޑިމުޑުދާރު ކުރުން (2) ތަހުޒީބާއި ތާހިރުކަމާ ޚިލާފު ކަންތައް ކުރުން
ރަޑަކަން
ނއނ (1) ހަޑި މުޑުދާރުކަން (2) ތަހުޒީބާ ތާހިރުކަމާ ޚިލާފުކަން (3) )ސ ( މައު މޯޅިވާކަން
ރަޑަވުން
މ (1) ހަޑިމުޑުދާރުވުން (2) ތަހުޒީބާ ތާހިރުކަމާ ޚިލާފުވުން (3) )ސ ( މައު މޯޅިވުން