radheef.info
ރަދީފު


ޓ
ނ ތާނައިގެ ވިހިވަނަ އަކުރު
ޓޮމީގަން
ނ ފިސްތޯލައަށްވުރެ ބޮޑެތިކޮށް ތަފާތު ސިފަސިފަޔަށް ދަގަނޑުގެ ޚާއްޞަމައުދަނަކުން ހަދާ އޮޓޮމެޓިކް މެޝިންބަޑިއެއް މިބޭނުން ކުރެވެނީ އަތްމަތީ ހަތިޔާރެއްގެ ގޮތުގައެވެ
ޓޮފީ
ނ ގެރިކިރާއި ހަކުރާ އެއްކޮށްގެން ހަދާ މެޓާފާޑު އެއްޗެއް
ޓޮސްކުރުން
މ (1) ކަމެއް ފަށަންވީ މީހަކު ނުވަތަ ބަޔަކު ބެލުމަށްޓަކައި ފައިސާ ފޮއްޗެއް މައްޗަށް އެއްލައިގެން ބެލުން (2) ގުރުއަތުލުން
ޓޮޕު
ނ ޕުލަގުން ކަރަންޓް ނަގަން ވާގަނޑުގެ ކޮޅުގައި ހަރުކުރާއެތި
ޓޯކީ
ނ ވޯކީޓޯކީ
ޓޯޗު
ނ ބެޓެރިބޭނުން ކޮށްގެން ދިއްލާ އަތްމަތީ ބައްތިއެއް
ޔުނިފޯރމް
ނ (1) ސިފައިންނާއި ފުލުހުންނާއި ސްކައުޓުން ފަދަ މީހުން ނުވަތަ ވަކިކަހަލަ ވަޒީފާތައް އަދާކުރާމީހުން އަޅާ ޚާއްޞަ ހެދުން (2) ސްކޫލްކުދިން އަޅާ ޚާއްޞަ ހެދުން
ޔޫރަޕު
ނ އޭޝިޔާގެ ހުޅަނގުން އެފްރިކާގެ އުތުރުން މެދުތެރޭ ކަނޑުގެ އުތުރުގައި އޮންނަ ބައްރު. )އިނގިރޭސިވިލާތާއި ފަރަންސޭސި ވިލާތާއި ސްޕޭން ވިލާތާއި ޕޯޗްގީޒްވިލާތާއި އިޓަލީވިލާތާއި ޖަރުމަނުވިލާތް ފަދަ ޤައުމުތައް ހިމެނޭބައި
ޔޯތް
ނ ރަށްރަށުގެ ރައްޔިތުން އެއްކުރުމަށް ނުވަތަ ކަމެއް އަންގައިލުމަށް ގޭގޭދޮށުން ދަމުން އެވާހަކަ ގޮވާލާއިރު ފަށަން ގޮވާލާއެއްޗެއް މިސާލު: )ހ( ޔޯތް ރަށްމެދަށް އެއްވާށޯތް )ށ( ޔޯތް މިވެނި މީހަކު އެވެނިތާކު އެބަހުއްޓޯތް
ޕައިލެޓް
ނ (1) މަތިންދާބޯޓު ދުއްވާމީހާ (2) ކަނޑުދަތުރު ކުރުމުގެ އާރުކާޓީ
ޕާކު
ނ (1) ކުޑަކުދިންނާއި ބޮޑެތިމީހުން މުނިފޫހިފުލުވުމަށްޓަކައި ގޮސް ތިބުމަށް ހަދައިފައިވާ ޚާއްޞަ ތަންތަން (2) ވިނަ ނުވަތަ ގަސް ނުވަތަ މިދެބައި ވަކިއުޞޫލަކުން ހައްދައިފައިވާ ބިން
ޕާލަމެންޓަރީސަރުކާރު
ނ ޕާލަމެންޓުގެ ކުރިމަތީގައި ސަރުކާރުން ޖަވާބުދޭން ޖެހޭގޮތަށް ރޭވިފައިވާ ވެރިކަމުގެ ނިޒާމް
ޕާޕަރު
ނ މަސްރަހަދޭގޮތަށް ހަދައިފައި ހުންނަ ތުނި ރޮއްޓެއްކަހަލަ ކާ އެއްޗެއް މިކަނީ ތެއްލައިގެންނެވެ
ޕިންޕޮން
ނ މޭޒެއްގެމަތީގައި ހުރަހަށް ދާގަނޑެއް ދަމައިގެން ލުއި ޕުލާސްޓިކު ބޯޅައަކުން ކުޅޭ ކުޅިވަރެއް
ޕިޔޯނު
ނ ފޮޅާސާފުކުރުމާއި ސިޓީ ބެހުންފަދަ މަސައްކަތުގައި އުޅޭމީހާ
ޕިޗު
ނ (1) މިއުޒިކު ކުޅުމުގައި ނުވަތަ ލަވަކިޔުމުގައި ގެންގުޅޭ އަޑުގެ ބަރުކަމުގެ މިންގަނޑު (2) ބައެއްކަހަލަ ކުޅިވަރުތައް ކުޅެން ހަދައިފައި އޮންނަތަން މިސާލު: ކިރިކެޓް ޕިޗު
ޕުރޮވިޑެންޓް ފަންޑު
ނ މުވައްޒަފުންގެ މުސާރައިން ވަކިޢަދަދަކަށް ފައިސާ ކަނޑައި ހަމައެޢަދަދަށް އެމުވައްޒަފަކު މަސައްކަތްކުރާ ތަނުން ފައިސާ ޖަމާކޮށްދީގެން ހިންގާ ފަންޑު މިއީ މުވައްޒަފުންގެ މުސްތަގްބަލުގެ ފައިދާ އަށްޓަކައި ހިންގާފަންޑެކެވެ
ޕުރޮފެސަރު
ނ (1) އެކަމަކާ ބެހޭ ޢިލްމު ރަނގަޅަށް ދަންނަމީހާ (2) ކޮލެޖާއި ޔުނިވަރުސިޓީ ފަދަ ތަންތާނގައި ކިޔަވައިދޭމީހާ
ޕުރޮގުރާމް
ނ (1) ޖަލްސާއެއް ނުވަތަ ކަމެއް ހިންގާނެ ނުވަތަ ހިނގަމުން ދާނެގޮތް ކަނޑައަޅައި ލިޔެފައިވާ ލިޔުން (2) އެޖެންޑާ (3) އެކިއެކި ކަންކަމާ ގުޅޭގޮތުން ތައްޔާރުކޮށް ޓީވީއާއި ރޭޑިޔޯއިން ފޮނުވާ ފޮނުވުމެއް
ޕުލަގު
ނ ކަރަންޓް ނެގުމަށްޓަކައި ޓޮޕްޖެހުމަށްހަދައިފައި ހުންނައެތި