radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ލެއިބަލިކަން
ނ މޫބަލި މިބައްޔަކީ ފުރަގަސްފަރާތު ބަލީގެ ތެރެއިން ބޭރަށް މުޅިން ފާޅުނުވެ އެތެރޭ ކައިރީގައި ގިނަ އަނގަތަކެއް ލައިފައި ހުންނަ ގިނަގިނައިން ލޭ އަންނަ ބައްޔެކެވެ
ލެއިބޭރަށްހިންގުން
މ ބޭރަށް ހިންގުމުގައި ނަޖިހުގައި ލޭ އެކުލެވިފައިވުން
ލޭނުނަނު
ނ މަސްބާނަން ލޭނުއަޅަން ބޭނުންކުރާ ނަނު
ލޭނުބޮކި
ނ ލޭނުއެޅުމުގެ މަސްވެރިކަމުގައި ބޮއިގެ ގޮތުގައި ކަނޑަށް ލާން ބޭނުންކުރާ ވެހައިފައި ހުންނަ ބިއްލޫރިބޮކި ފަހަކަށް އައިސް ޕްލާސްޓިކުންވެސް މިބޮކި ހަދައިފައި ހުރެއެވެ
ލޭނުއެޅުން
މ މަސްބޭނުމަށްޓަކައި ލޭނުގެ ކޮޅުތަކުގައި އެންމަސް އަޅައިފައި އަޑިޔަށް ފައްތައިފައި ބެހެއްޓުން
ލޭންޑްރޯވަރު
ނ އެއްގަމުގައި ދުއްވާ އިންޖީނުލީ އެއްޗެއް. މިއީ ޚާއްޞަކޮށް އާރމީން ބޭނުންކުރާ ވެހިކަލެކެވެ
ލޭބަލު
ނ (1) އެތެރޭގައި ހުރި އެއްޗެއް ބަޔާންކޮށްދިނުމަށް ބޭރުގައި ތަތްކޮށްފައި ހުންނަ ލިޔުންކޮޅު (2) ތައްޔާރީ ހެދުމުގައި ހެދި ތަނާއި ފޭރާމުގެ ބާވަތާއި ސައިޒު އަންގައިދިނުމަށް ހަރުކޮށްފައި ހުންނަ ލިޔުންކޮޅު
ލޭއެރުން
މ ހަށިގަނޑުގެ ގުނަވަކަށް ލިބޭ ގެއްލުމަކުން ހަމާއިމަހާ ދެމެދުގެ ތަނަކުން ލޭފެންނަގޮތްވުން
ލޮނދިކަނދު
ނ އޮޑިދޯނިފަހަރު އެހެލައި ބާލާއިރު ބޭނުންކުރާ ރޯކަނދު
ލޮނދިވަކަ
ނ ވަކައިގެ ދަނޑިޔާ އެންމެ ކައިރިއަށް ހުންނަ ތުނި ފަށް މިއީ ކުނާ ވިޔުމަށާއި ހިމަނަނު އެޅުމަށް ބޭނުންކުރާ އެއްޗެކެވެ
ލޮނަށްލުން
މ އެކިއެކި ފަރުވާއަށްޓަކައި މޫދުލޮނު ގެނެސް އެއްޗަކަށް އަޅައި ބަލިވެއުޅޭ ކުއްޖާ ނުވަތަ މީހާ އޭގައި ބޭންދުން
ލޮނުވެލިމޮޑުން
މ ހަށިގަނޑުގެ ގުނަވަނަކަށް ލިބޭ ގެއްލުމަކަށް ފަރުވާ ދިނުމުގެ ގޮތުން މޫދަށްއެރި އެތަނެއްގައި މޫދުގެ ވެލިން މަސާޖުކުރުން
ލޮނުމިދިލި
ނ (1) ލަކުޑިއަށް ބޭނުންކުރާ ގަހެއް (2) ލޮނުމިދިލި ގަހުގެ ލަކުޑި
ލޮނުމެދު
ނ ހަވާދުގެ ތެރޭގައި ހިމެނޭ ބާވަތެއް މިއީ ކުދިފިޔަޔާއި ވައްތަރު ގޮތަކަށް ބޮނޑި ބޮނޑިއަށް އަޑިއަށް ފައިބާ ޒަވި ވަހަކާއި ރަހައެއް ހުންނަ އެއްޗެކެވެ މީގެ ތޮށި ކުދިފިޔާގެ ތޮއްޓަށްވުރެ ބޮލެވެ މި ހުންނަނީ ހުދުކުލައިގައެވެ މިއީ ބޭހަށްވެސް ބޭނުންކުރާ އެއްޗެކެވެ
ލޮނުމެދު މަޢުޖޫން
ނ ލޮނުމެދުގައި ހަދާ ބޭހެއް
ލޮނުމެދު ފަޓާސް
ނ އެތެރެއަށް ބަޑިބޭސް އަޅައިގެން ލޮނުމެދު ބޮނޑިއެއްހެން ހުންނަ ގޮތަށް ބޭރުން ކަރުދާސް އޮޅައިފައި ހުންނަ އެއްޗެއް މިއީ އިހުގައި މާލޭގައި ހަދައި އުޅުނު އެއްޗެކެވެ މިގޮއްވަނީ ތަންތާނގައި ބާރަށް ޖަހައިގެންނެވެ
ލޮނުފެން
ނ (1) ލޮނުގެ ރަހަދޭ ފެން (2) ހޮޑުލައި ބޭރަށް ހިންގާ މީހުންނަށް ފަރުވާއެއްގެ ގޮތުގައި ދޭފެނެއް މިފެނަކީ މިލަފޮނި ރަހަލާވަރަށް ހަކުރު ކޮޅަކާއި އެހާ ލޮނުކޮޅެއް އަޅައިގެން ސާފުފެނުގައި ތައްޔާރުކުރާ އެއްޗެކެވެ (3) )ނ( މަސްނުލިބުމުން ލޮނާއި ފެނާއި މިރުހާއި ފިޔަޔާ އެއްކޮށްގެން ތައްޔާރުކުރާ ލައިގެން ކާއެއްޗެއް
ލޮނުގަނޑުގައި ފައިޖެއްސުން
ގބ އިހުގައި ރާއްޖޭގެ ބައެއް ރަށްރަށުގައި ވިހައިގެން އުޅޭމީހާ ބޭރަށްލުމުގެ ތެރޭގައި ކުރާކަމެއް މިއީ އިރުވަރު ބަލައިގެން ގޮސް އެމީހާގެ ފައި މޫދުގައި ޖެއްސުމެވެ
ލޮރީ
ނ ހަތަރުފުރޮޅު ނުވަތަ އެއަށްވުރެ ގިނަ ފުރޮޅު ލައިފައި ހުންނަ އެއްގަމުގައި ދުއްވާ އިންޖީނުލީ އެއްޗެއް. މިއީ އެއްތަނުން އަނެއްތަނަށް މުދާ އުފުލުމަށް ބޭނުންކުރާ ފަހަތު ބައިގައި މުދާ އެރުވޭގޮތަށް ހަދައިފައި ހުންނަ އެއްޗެކެވެ މިއީ ޕިކަޕަކަށްވުރެ ބޮޑު އެއްޗެކެވެ
ލޮއި
ނ )ހ ( ވިރިކެކޭ މަޢުދަނެއް މިއީ ރަތްކުލައަކަށްދާ ކުލައެއްގައި ހުންނަ އެއްޗެކެވެ ހޫނު ހިފެހެއްޓުމާއި ކަރަންޓާއި ބެހޭ ކަންކަމުގައި މި މަޢުދަން ޢާންމުކޮށް ބޭނުންކުރެއެވެ