radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
އޮގަރުފޮދު
ނ ރަދުންނާއި ގަނޑުވަރުގެތޭ ބޭފުޅުންނަށް އޮގަރުގެއިން ރަސްމީގޮތުގައިގެންދާ ރާފޮދު މި ގެންދާމީހާ ހުންނާނީ އިހުގައި ހަނގުބޭކަލުން ދަމަށް ދުރުވާ ހެދުމުގައި އުނަގަނޑުމަތީ ކަޅުރުމާލެއް ބަނދެފައެވެ އޭނާގެ އުނަގަނޑުގައި އެއްނަރު ފައްޓަރުފަށެއް އޮންނާނެއެވެ މިގެންދާއުނބު ހުންނާނީ ދެފަށްލާ ޖަހައި ކުރަހައިފައި ރިހިކެވެލިފަށެއް ލައިފައެވެ
އޮގަރުފޮތިކޮޅު
ނ (1) އޮގަރުގޭ މީހުން ގަނޑުވަރުތެރޭ ބޭފުޅުން ތިއްބަވާ ތަންތަނަށް ގެންދާ ގަބުޅިއަޅާން ގެންގުޅޭ ތުންފިހި މިއޮންނަނީ ކިހައްޑިހަޖެހި ވަރަށް ހަޑިވެފައެވެ (2) މަޖާޒު: ލައްޖެހި ހަޑިވެފައި އޮންނަ ފޮތިގަނޑު
އޮގަރުތުންފިހި
ނ (1) އޮގަރުގޭ މީހުން ގަނޑުވަރުތެރޭ ބޭފުޅުން ތިއްބަވާތަންތަނަށް ގެންދާ ގަބުޅިއަޅާން ގެންގުޅޭ ތުންފިހި މިއޮންނަނީ ކިހައްޑިހަޖެހި ވަރަށް ހަޑިވެފައެވެ (2) މަޖާޒު: ލައްޖެހި ހަޑިވެފައި އޮންނަފޮތިގަނޑު
އޮޑާލުން
މ (1) އޮޑާއިން އެއްޗެއްމެށުން މަޖާޒު: (2) އޮޑާއިން އެއްޗެތި މަށާއިރު އޮޑާގެ ޙަރަކާތް ހުންނަގޮތަށް އަތްފައިން ޙަރަކާތްކޮށް ވައްތަރު ޖެއްސުން މިއީމީހުން ރުޅިއެރުވުމަށް ޖައްސާ ވައްތަރެކެވެ
އޮޑި
ނ ދިވެހިރާއްޖޭގައި ގެންގުޅޭ ރިޔާ ނަގައިގެން ދުއްވާ އެއްޗެއް. މީގެ ކޮޅުފަސްކޮޅު މައްޔަލާއި ހުންގާނާއި ދޭތީގެ ބައްޓަން އެންމެ ވައްތަރުވާނީ އިށީނދެގެންއިން ބުޅަލެއްގެ ބުރަކަށީގައި އޮންނަގުދާއެވެ. އަދިދިރުނބަލުން ފެށިގެން ކުނބާހަމައަށް ފަޑިއެއް ކުނބުން ފެށިގެން ކޮޅުފަސްކޮޅު ފިލާގަނޑާ ހަމައަށް ފަށްގަނޑެއް މަތިކަނުގެ މަތީގައި ހުންނާނެއެވެ
އޮޑިބަންބޮނޑި
ނ މަޖާޒު: ރިހާކުރު ބޮނޑިއެއް މިބޮނޑިއަށްވާގޮތަކީ ފަޅަން އުޅެހަރުކަމުން އަތުން ނުފެޅިގެން ނުކައި ބާއްވަނީއެވެ ދެން އޮންނަ ކެއުމުގެ ވަގުތުގައިވެސް ހަމައެބޮނޑި ނަގާނެއެވެ ނަމަވެސް އެފަހަރުވެސް ނުކެވިގެން ބާއްވަނީއެވެ މިހެންގޮސް އެތައް ދުވަހެއް ވާއިރުވެސް )އޮޑި ބަނދެނިމޭ އިރުވެސް( ބޮނޑިއޮތް ގޮތަށް އޮންނަނީއެވެ
އޮޑިވަޑާން
ނ (1) ކިއްސަރުވަޑާން (2) ތެދުނޫން ގޮތްގޮތަށް އުއިޖަހައިގެން ކުރާވަޑާން
އޮޑިމަތީއޮޑި
ނ (1) އޮޑިކޮޅު ތަންތަނަށް ދާއިރު އެއާއެކު ދިއުމަށް އޮންނަ އޮޑި މަޖާޒު: (2) މީހެއްގެ ބަދަލުގައި ހުންނަމީހާ
އޮޑިމޯ
ނ (1) ވަޑާންކުރާއިރު ގެންގުޅޭ އާލާތެއް. މޮހޮރުނަގަން ބޭނުންކުރާ ތަނަކާއި މޮހޮރުޖަހަން ބޭނުންކުރާ ތަނަކާއި އެއްޗެތިފަޅަން ބޭނުންކުރާތަނެއް މީގައި ހުންނާނެއެވެ. މ. މަޖާޒު: (2) އެދުންވެރިކަމުގެގޮތުން ވަކިޖިންސަކަށް ބެލުމެއްނެތި ދެޖިންސާވެސް ގުޅުންބަހައްޓާ މީހުން
އޮޑިދޮށުންތިލަވުން
(1) މަސްއައިނެއް ނުވަތަ އެނޫންވެސް އެއްޗެއް އޮޑިކައިރިން ފެނުން މަޖާޒު: (2) ބޭނުންވެގެން އުޅޭ ކަމަކަށްޓަކައި މާބޮޑު މަސައްކަތެއްނުކޮށް ހުއްޓާ ކުއްލިއަކަށް އެކަންވާގޮތްވުން (3) ބޭނުންވެގެންއުޅޭ ކަމެއް ކުއްލިއަކަށް ކާމިޔާބުވާގޮތްވުން
އޮޑިދޮށުންޖަހާލުން
މ (1) އޮޑިއާއި ވަރަށް ކައިރިން މަސްފުމުން މަޖާޒު: (2) ބޭނުންވެގެން އުޅޭކަމެއް ކުއްލިއަކަށް ކާމިޔާބުވުން
އޮޑިދޮށުމާރު
ނ (1) އެންދަމާއިރު އޮޑިއާދުރަށް ދާހިނގައިދާނެތީވެ ކައިރިއަށް ދަމަން ދަލުގައިޖަހާވާ (2) ފުލުވާ
އޮޑިތާންކަލޭގެރައިވަރު
ނ (1) އޮޑިތާންކަލޭގެ ހަދައިފައިހުރި ކަމަށްބުނާ ރައިވަރު މަޖާޒު: (2) ބަނޑުވައް އަކުރުވެސް އަދި ނިމޭ އަކުރުވެސް އެއްގޮތްނުކޮށް ހަދާފައި ހުންނަ ރައިވަރާއި ޅެން
އޮޑީބަޔާޙަވާލުވުން
މ (1) އޮޑިމަހާ ޙަވާލުވުން. (2) އޮޑިވެރިޔާގެ ބަޔާހަވާލުވުން. މަޖާޒު: (3) މީހެއްގެ އަންބަކު އެހެން މީހަކަށް ބަލިވެއިނދެވިހޭމާ ފިރިމީހާ އެކުއްޖަކީ އޭނާގެ ދަރިއަކުކަމުގައި ޤަބޫލުކުރުން
އޮޑުވުން
މ )ޏ.( (1) އެކަކުގެ ވާހަކަ އަނެކަކުގާތުގައި ނުބައިކޮށް ދެއްކުން. (2) ކުޓުވުން. (3) ވަކިފަރާތަކަށް އެނބުރިގެންހުރެ ހަތަރެސް ފަޔާއި މޫނަށް ވައްތަރު ޖެއްސުން
އޮޑޮވުން
މ )ޏ ( ޖަނަވާރު ފަދަ އެއްޗެތި އޮޅުވުން
އޮޓޯސައިކަލް
ނ (1) އިށީނުމަށް އެއްސީޓް ހުންނަ މޮޓޯސައިކަލްގެ ކުދިބާވަތެއް. (2) އިންޖީނުންނާއި ފައިން އަނބުރައިގެންނާއި ދެގޮތަށް ދުއްވެން ހުންނަ ބައިސިކަލް
އޯބަތުމަޢުޖޫން
ނ އޯބަތާއި އަދި އެހެނިހެން ބޭސްލައިގެން ހިލާ މަޢުޖޫނެއް
އޯގާ
ނ މީހުންނާއި ޖަނަވާރުގެ މައްޗަށް ހިތުގައި އުހެދޭ ރަޙުމް
ވަހަށްއައުން
މ (1) ވަހުގެ އިޙްސާސް ލިބިގެން އެދިމާއަކަށް އައުން (2) މަޖާޒު: ކަމަކަށް ކައްކައިގެން އުޅޭތަނަކަށް ނުގޮވަނީސް އައުން