radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ކޮޅުރިޔަލުވައި
ނ ބޮޑުރިޔަލުގައި ދުއްވަން ކެރޭ އެންމެ ގަދަވައި
ކޮޅުކުރުން
މ (1) އެއްޗެއް ނަގައި ތެދަށް ބެހެއްޓުން (2) ކަމެއް ނިންމުން (3) ރިޔާނަގައިގެން ދުއްވާތަކެތި ވަޔާދިމާއަށް ނެގެހެއްޓުން (4) ފިރިހެން ހަށީގައި ވާގިޖެއްސުން
ކޮޅުވަށިންދިނުން
މ (1) އެންއުކާއިރު ވަށީން އެންނަގާގޮތަށް އުކައިލުން (2) މަޖާޒު: ވަރުގަދަޔަށް އެއްޗެހި ގޮވައިގަތުން
ކޮޅުވުން
މ (1) ކަމެއް ނިމުން (2) ފިރިހެން ހަށީގައި ވާގިޖެހުން (3) މީހަކު ލައްވައި ހިންމިޔަށް ހަޅަނގު ވެއްދުން
ކޮޅުވެށުން
މ ދިގުދައު އެޅުމުގައްޔާއި ރޮދުއެޅުމުގައި ދެކޮޅުޖައްސައި ފުށުއަރުވައިލުން
ކޮޅުމައްޔަލުންޖެހުން
މ އޮޑިދޯނިފަހަރު އޭގެ ދުވެލީގައި ގޮސް ދިރުނބާ މައްޔަލުގެ ކޮޅުން އެއްޗެއްގައި ޖެހުން
ކޮޅުމަތި
ނ (1) މުންޑުގެ މެދުތެރޭގައި އެހެން ކުލަކުލައިގެ އުއިން ހަދައިފައި ހުންނަތަން (2) ފޭލީގެ ދެކޮޅުގައި ކަސަބުން ހަދައިފައި ހުންނަތަން (3) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން ހަދައިފައި އޮންނަތަން (4) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާން ކަސަބާއި ފަށުވިން ހަދައިފައި އޮންނަ އެތި (5) މަޖާޒު: ކަމެއްގެ ނުވަތަ ވާހަކައެއްގެ ފެށުމުގެ ނުވަތަ ނިމުމުގެ އަލާމާތް
ކޮޅުމަތިހެދުން
މ (1) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން އެހުންނަ ތަން ތައްޔާރުކުރުން (2) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާ ކަސަބާއި ފަށުވީގެ ކޮޅުމަތި ތައްޔާރުކުރުން (3) ވިޔެފައި ހުންނަ އެއްޗެހީގެ ކޮޅު ހެދުން
ކޮޅުމަތިލުން
މ (1) މުންޑާއި ފޭލިފަދަ ތަކެތީގެ ކޮޅުމަތި ވިޔުން (2) އިހުގައި ވިޔެގެން ގެންގުޅުނު ހަރުވާޅު ދާގަނޑު ދެކޮޅުގައި ކަސަބާއި ފަށުވިން އެހަދާ ގޮތްތައް ހެދުން (3) ކުޅިޖަހާ ހަރުވާޅުގެ ކުރިމަތީގައި އެލުވާން ކަސަބާއި ފަށުވިން ހަދާ ކޮޅުމަތި ހަރުކުރުން
ކޮޅުމަތިޖެހުން
މ (1) ވިޔުމުގައި ކޮޅުމައްޗަށް ވާތަން ހެދުން (2) މަޖާޒު: ކަމެއް ފެށުމުގެ އަލާމާތް ފެނުން
ކޮޅުފައި
ނ (1) ދަށްފައި (2) ފައިގެ ކުރީކޮޅު ]މިބަސް ކިޔައި އުޅެނީ ފައިގެ އެ ހިސާބުން ކުރާއަމަލަކާ ގުޅުވައިގެންނެވެ މިސާލު: )ހ( ކޮޅުފައިން ޖެހުން )ށ( ކޮޅުފައިލުން
ކޮޅުފަސް
ނ (1) އޮޑީގެ ކޮޅުފަސްކޮޅު މައްޔަލުގެ މަތީގައި ޚާއްޞަ ވަނައެއްލައިފައި ހުންނަ މުލައް (2) ކޮޅުފަސްކޮޅު
ކޮޅުފިލާގޮނޑި
ތެޔޮފޮށިގަނޑުގެ ކޮޅުބިތުގެ ތިންގަނޑުފިލައިން ޖަހައިއުޅުނު ގޮނޑި
ކޮކާ
ނ (1) ހަށިގަނޑު ކުޑަ ފިޔަގަނޑުބޮޑު އުދުހޭ ސޫތްޕެއް މިއުޅެނީ މާމަލުގެ ފޮނިބޮއިގެންނެވެ މީގެ ވަރަށް ގިނަ ވައްތަރު ހުރެއެވެ މީގެ ފިޔަގަނޑު ތަފާތު ކުލަކުލައިގައި ހުރެއެވެ (2) މޫދުގައި އުޅޭ ފަތިމަހެއް (3) ކޮކާލުގެ ސިފައިގައި ހަދައިގެން އެއްލާން ގެންގުޅޭ ބާވަތެއްގެ ގުޑިޔެއް (4) ބާވަތެއްގެ ބޮއްޔެއް
ކޮކިން
ނ ކޮކާ ކިޔާގަހުގެ ފަތުން ނަގާ މަސްތުވާ އެއްޗެއް އާންމުގޮތެއްގައި މިހުންނަނީ ހިކި އުވަހެންނެވެ
ކޮކޯ
ނ (1) ކޮކޯގަހުގެ އޮށް މުގުރައިގެން ތައްޔާރުކުރާ ފުށެއް މިފުށް ހުންނަނީ މުށިކުލައިގައެވެ (2) ކޮކޯ އޮށުގެ ފުށުން ތައްޔާރުކުރާ ބުއިމެއް
ކޮއި
ނ (1) ދަރިންނަށް ނުވަތަ ކުދިންނަށް ކިޔާ ނަމެއް (2) ލޮލުގެ ކަޅުކަޅީގެ މެދުގައި ވަށްކޮށް ހުންނަ ތަންކޮޅު ލޮލަށް އަލިވަންނަނީ މިތަނުގެ ތެރެއިންނެވެ މިބައި އަލިގަދަވާ ވަރަކަށް ކުޑަވެ އަނދިރިވާ ވަރަކަށް ބޮޑުވެއެވެ
ކޮއިބޮނޑި
ނ އިހުގައި ހަނގުބޭކަލުންގެ އަނބިން ވިހޭމާ އެމީހަކު އަށީބޭކަލުންނަށް ދޭންޖެހޭ ކެއުމެއް. ނުވަރޭ ފެނުން ނުކެނޑެނީސްދޭނަމަ ކޮންމެވެސް ކާއެއްޗެއް ދެނިކޮށް ފުދުނީއެވެ. އޭގެ ފަސްވެއްޖެނަމަ ދޭންވާނީ ހަތަރުނާޅި އަވެއްޔާއި އެޔާވާނެ އެހެން އެއްޗެއްސެވެ
ކޮއިމަލާ
ނ ރާއްޖޭގެ ފުރަތަމަ އިސްލާންވެވަޑައިގަތް ކަމަށްބުނާ ރަސްގެފާނަށް އިސްލާންވެ ވަޑައިގަތުމުގެ ކުރީން ކިޔައި އުޅުނު ނަން
ކޮއްކޮ
ނ (1) ތިމާގެ މީހުންގެތެރެއިން ހަގުމީހާ (2) ތިމާއަށްވުރެ ހަގުކުދީންނަށް އޯގާވެރިކަމުގެ ގޮތުން ކިޔާ އުޅޭ ނަމެއް ބައެއް ފަހަރަށް ވަނަމަކަށްވެސް ބައެއްމީހުނަށް މިހެން ކިޔައެވެ