radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ފަސްފުޅިދުމާދިއުން
މ އިހުގައި ގަނޑުވަރު ތެރޭގައި ހުންނަ ދަމުއަށީގެ ލޯގަނޑުން ފަސް ފުޅިޔަށް ޖެހީމާ )ރޭގަނޑު އެގާރަޖެހީމާ( އަލިފާން އަޅައިފައި ހުންނަ މުޖުމަރާއަކަށް ދުން އަޅައިގެން ކުދިބޭކަލަކު އެހިފައިގެން ހިއްތަން ދޮރާށިން ނުކުމުގެން މެދުޒިޔާރަތް ދޮށަށްގޮސް އެތާނގައި ދުޢާވެރިކަން ކިޔަވަން ތިބޭ މީހުންގެ ގާތުގައި ބެހެއްޓުން
ފަސްދަމުމީހުން
ނ އިހުގައި މާލޭގެ އަވަށް އަވަށުގެ މީހުން މަސައްކަތްކުރާއިރު ބަހައި ފައި އޮންނަ ދެބައިގެ ތެރޭން އެއްބައެއްގެ މީހުންނަށް ކިޔައި އުޅޭ ނަމެއް މިގޮތަށް ބަހާއިރު ބަހަނީ އިސްދަމާއި ފަސްދަމަށެވެ
ފަސްގަނޑަށްނުކުތުން
މ (1) ރަސްމީ ގޮތުން ކުޅިޖެހުމަށް ގުޅަކުޅޭ ފަސްގަނޑަށް ނުކުމެ ކުޅިޖެހުން (2) ކުޅިޖަހާ ފަސްގަނޑަކަށް ކުޅިޖަހާން ދަސްކުރަން ނުކުތުން (3) ގުޅަކުޅޭ ފަސްގަނޑަށް ހަވަރު އެއްވުން
)މިސާލުބަހެއް( މީހާކޮންމެ ތަނެއްގައި ހުއްޓަސް އެމީހާ މަރުވާން އިރާދަ ކުރައްވާ ތަނަކަށް ގެންދަވާނެކަން ބަޔާން ކުރުމަށް ބުނެއުޅޭ ބަހެއް ފަސްގަނޑެއް ނުދާނެއެވެ ދާނީ މީހާއެވެ
ފަޓާނީ
ނ ފައިމަގުގައި ދަތުރު ކުރާމީހާ
ފަޓާސް
ނ ބޯކަރުދާހުން ހަދައި އެތެރެއަށް ބަޑިބޭސް އަޅައި ކޮޅުގައި ފުކެއްލައިފައި އޮންނަ ހިމަކުޑަ އެއްޗެއް މިއީ ކުޅިވަރަށް ޖަހާއެއްޗެކެވެ މީގެ ފުކުގައި ރޯކޮށްލީމާ ވަރަށް ބާރަށް ގޮވާނެއެވެ
ފަޓުލޫނު
ނ ދެފަޔަށް ވަކިން މެހިފައިއުނަގަނޑަށް ހިފެހެއްޓިފައި ހުންނަ ގޮތަށް ފަހައިފައި ހުންނަ ފޭރާމެއް މީގެ ދެފަރާތު ގައްޔާއި ފުރަގަހުގައި ތަފާތު ގޮތްގޮތަށް ޖީބުލައިފައި ހުރެއެވެ ގޮށްފޮތި ހުންނާނީ ކުރިމަތީގައެވެ
ފަޗަސްގަނޑު
ނ (1) ބިންމައްޗަށް ފަތާވެފައި ހުންނަ އެއްޗެހި (2) މަޖާޒު: ލޮކިމަސް ޖަހައި ފަލަވެފައި ތިބޭމީހުން
ފަޗިސް
ނ ގޮޓިކިޔާ ކުޅިތަކަކާއި އެތެރެއަށް ތިމަރަ އަޅައިފައި ހުންނަ ރިހާކުރު ބޮލީގެ ހަ ބޮލިން ވަކިގޮތަކަށް ހަދައިފައި އޮންނަ ފޮތި ގަނޑެއްގެ މަތީގައި ކުޅޭ ކުޅިވަރެއް. މިއީ ހަތަރު މީހުން ބައިވެރިވެގެން ކުލޭ ކުޅިވަރެކެވެ
ފަޚުރުވެރިޔާ
ނ (1) މާތްކަން ލިބިހުރި މީހާ (2) މަތިވެރިކަން ލިބިހުރި މީހާ (3) ނަފްސުގެ ޤަދަރާމެދު ހިތްހަމަޖެހުމުގެ އިޙްސާސް ލިބިހުރިމީހާ (4) ރަނގަޅު ކަންތައް ކުރެވިގެން ލިބޭ ހިތްހަމަޖެހުމާއި އުފާލިބިފައިވާ މީހާ (5) ޤަދަރުވެރިކަން ލިބިހުރި މީހާ
މަޖާޒު: ދެރަމީހުންގެ ބަސްނުވިކޭކަން އަންގައި ދިނުމަށް ބުނެއުޅޭ ބަހެއް ފަޤީރަކަށްވާނީ ހީއެކެވެ
ފަޤީރު
ނ (1) ކާބޯތަކެތި އަތްމަތީގައި ނެތްމީހާ (2) މުދަލުގެ ތަނަވަސްކަމެއް ނެތް މީހާ ނއ (3) ނުފޯރާ (4) ތަނަވަސްކަމެއް ނެތް
ފާ
ނ (1) ކުއްޅަވަކާއި ކަނޑޫ ފަދަ ތަކެތި ހެދިފައި ހުންނަ ތަންތަން. (2) ބޮނބި މަޑުކުރަން އަޅާފައި ހުންނަ ތަންތަން. މިތަންތާނގައި ހުންނާނީ ފެން ހެދިފައެވެ. (3) ދަނޑި މޫދު އަޅާފައި ހުންނަ ތަންތަން. (4) އަށްހިޔަބޮލި (5) މޭވާ ފަދަ ތަކެތި ދޮންވެ ފައްކާވެގެން ގޮސް ވާ މަޑު. (6) ވިހައިގެން އުޅޭ މީހުންނަށް ހިލާ ބޭހެއް. (7) ކައިރި ހިސާބެއްގައި ކުނިބުނި ވަޅުލެވިފައި ހުރުމުގެ ސަބަބުން ނުވަތަ ގިނައިން ފެން ނެގުމުގެ ސަބަބުން ބައެއް ވަޅު ވަޅުގެ ފެން ގަނޑަށް އަންނަ ބަދަލު (8) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭ ނުބައިވުމުގެ ސަބަބުން ވާމަޑު
ފާހަގަކުރުން
މ (1) ވަކިތަނެއް ވަކިކޮށް ދެނެގަތުމަށްޓަކައި ނިޝާނެއް ޖެހުން (2) ތަންތާނގެ އިން ވަކިކުރުމަށް އެއްޗެހި ޖެހުން (3) ވަކިތަނެއް ދެނެގަތުމަށްޓަކައި ފޮތެއް ފަދަ އެއްޗަކަށް އެތިކޮޅެއްލުން (4) ވަކި ބޭނުމަކަށްޓަކައި ވަކިކަމަކަށް ނުވަތަ އެއްޗަކަށް ނުވަތަ މީހަކަށް ސަމާލުކަންދީ ހިތުގައި ބޭއްވުން (5) ވަކި ކަމެއްގެ ނުވަތަ ވަކި ދުވަހެއްގެ ހަނދާން ދިރުވުން
ފާށަނާކިލެގެ
ނ ހަތްދަށު ކޮލީގެ ފާށަނާކަން ދީފައިވާ މީހާ
)މުސްކުޅިބަހެއް( (1) މީހަކު ކަމެއް ކޮށްފާނަމޭ ބުނުމުން އެކަން އޭނާއަށް ނުވެވޭނެކަމަށް ހީވާތީ ބުނާ ބަހެއް (2) މީހަކު ކަމެއް ކޮށްފާނަމޭ ބުނީމާ އެކަން ކުރުވުމަށް މަލާމާތުން ހިތްވަރު ދިނުމަށް ބުނާބަހެއް ފާނައޮންނާނީގާދަށުގައެވެ
ފާނު
ނ (1) މޮޅުކުރުމުގެ ގޮތުން މީހުންގެ ނަމުގެ ފަހަތަށް ގުޅާ ބަހެއް މިސާލު: ކަލޭގެފާނު (2) )ގ ( ފަނިފަކުސަ
ފާންތިލަ
ނ އާނުކެނޑުންފަދަ ކަންތަކަށް ބޭނުންކުރާ އެއްކޮޅު ފަތިކޮށް އަނެއްކޮޅު އޫކޮށް ހުންނަ ދަގަނޑެއް މީގެ އޫކޮށް ހުންނަ ކޮޅު ހަމައަށްވެސް ހުރެއެވެ
ފާރަވެރިޔާ
ނ (1) ތަނެއް ނުވަތަ ބަޔަކު ރައްކާތެރިކުރުމަށް ފަރުވާތެރި ކަމާއެކު ބަލަހައްޓަން ހުންނަ މީހާ (2) ކަމެއް ހިނގާގޮތް އޮޅުން ފިލުވަން ސިއްރުން ބަލަން ހުންނަ މީހާ
ފާރަލާމީހާ
ނ (1) ޖާސޫސުކުރާމީހާ (2) މީހަކު ނުވަތަ ބަޔަކު ދާނުދާތަންތަނާއި ކުރާ ނުކުރާ ކަންތައް ސިއްރުން ބަލާމީހާ (3) ތަނެއްގައި ކަންހިނގާ ނުހިނގާގޮތް ސިއްރުން ބަލާމީހާ