radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ލާމަށި
ނ ގަނޑުގަނޑަށް ހުންނަ އަޅިކުލައިގެ އެއްޗެއް މިއީ ދިވެހި ބޭހަށް ބޭނުންކުރާ އެއްޗެކެވެ
ލާމި
ނ ލާމިގަހުގެ ކިރު މިހުންނަނީ ކުމުންޒާންޏާ ވައްތަރު ގޮތަކަށެވެ މިއީ ދިވެހި ބޭހުގެ ބާވަތެކެވެ
ލާމިގަސް
ނ ބޭހަށް ބޭނުންކުރާ ބާވަތެއްގެ ކިރެއް ހުންނަ ގަހެއް
ލާފެންކުރުން
މ (1) ކުލަ އަޅައިގެން ތަޅައިފައި ހުންނަލާ ލާޖަހަން ބޭނުން އެއްޗެއްގައި ހޫނުކޮށްފައި ޖަހަމުން ފަތުރައި އޮމާންކޮށް އޮފު އެރުވުން. (2) އެއްޗެއްގައި ލާހިންގައި އޮފުއެރުވުމަށްފަހު ތަފާތު ކުލަކުލައިން ތައްޔާރު ކޮށްފައިވާ ލާ ހޫނުކޮށް އޭގެ ހިމަފަށްތައް ބޭނުން ވަރަކަށް ދަމައިފައި އެ އެއްޗެއްގައި އަތުރައި ލަކުޑި ވަޅިއަކުން އެފަށްތަކުގައި ކުރެހުން އުފައްދައި ކެޔޮފަތުން އޮފު އެރުވުން
ލާދަން
ނ މީރުވަސް ދުވާ ބާވަތެއް އެއްކޮށްގެން މީރުވަސް ދުވާ ތެލެއްގައި ކައްކައި ތަތްކޮށްފައި ހުންނަ އެއްޗެއް މިއީ ދުންއެޅުމަށާއި ބޭހަށް ބޭނުންކުރާ އެއްޗެކެވެ
ލާދަތި
ނ ކުނާފަދަ ތަކެތި ވިޔާއިރު ދުޅަނަގަން ބޭނުންކުރާ ރޮދިލައްވައިފައި އޮންނަ ހިމަދިގުކޮށް ވަށްކޮށް އޮންނަ ދަނޑިއެއް
ލިބޭތަކެތި
ނ (1) އާމްދަނީ (2) ލިބޭ އެއްޗެހި
ލިބޭތާލިބިގަތުން
މ އެއްޗެއް ލިބެން ދިމާވާ ވަގުތު އެ އެއްޗެއްގެ ބޭނުން ހިފުން
ލިވަރު
ނ ލަރީގެ ފުރޮޅުގެ ބޭރު ރަބަރާއި ވޮއްޓާ ވަކިކުރަން ބޭނުން ކުރާ ހަތިޔާރެއް
ލިވާޠުކުރުން
މ ފުރަގަސްފަރާތުގެ ބޭނުން ހިފައިގެން ޖިންސީ އެދުން ފުއްދުން
ލިޔަންކިޔަންއެނގުން
މ ލިޔެފައި ހުންނަ އެއްޗެހި ކިޔަން އެނގުމާއި ބުނަން ބޭނުންވާ އެއްޗިހި ލިޔަން އެނގުން
ލީކުވުން
މ (1) ފޭދިގެން އެއްޗަކުން ތިކިތަޅާގޮތްވުން (2) އެތެރޭގައި ހުރި އެއްޗެއް ބޭރަށް ނުކުތުން (3) ނީރުން (4) މަޖާޒު: ސިއްރެއް ބޭޒާރުވުން
ލުހެޖެހުން
މ (1) ފޮނުމަތާއި ބުރުމާފަދަ އެއްޗެހިން ތޮރުފާއިރު ކުނޑި ނެރެން ވީމާ ފޮނުމަތް ހިސާބަކަށް ނެރެ ވައްދަމުން ތޮރުފުން (2) މަޖާޒު: ޖިމާޢު ވުމުގައި ޒަކަރު ބޭރަށް ނެރެފައި އެތެރެއަށް ވެއްދުން
ލުނބޯ
ނ ނާރިނގު އާއިލާގެ ހުތްމޭވާއެއް ބައެއްކަހަލަ ކާތަކެތީގައި ހުތް ރަހަލެއްވުމަށާއި ބޭސްވެރިކަމަށް މިބޭނުން ކުރެއެވެ
ލުނބޯދެމުން
މ ހަބަރާއި ލުނބޯ ބޭނުންކޮށްގެން ތައްޔާރުކުރާ ބޭހެއް ތަދުވާ ތަންތާގައި ތެޔޮދަމާ ގޮތަށް އުނގުޅުން
ލުންގި
ނ ފިރިހެނުން އަންނަ ފޭރާމެއް މިއީ ކަޅުރަތްކުލައިގެ ފޮތި ގަނޑެއްގައި މަޑުރަތް ކުލައިގެ ފަލަރޮނގެއް ދަމައިފައި ހުންނަ ފޭރާމެކެވެ މީގައި ހުދުކުލައިގެ ހިރެއް ދަމައިފައި ހުރެއެވެ މިއީ އިހުގައި ގަނޑުވަރު ތެރޭގެ ފިރިހެން ބޭފުޅުން އަނދެ ވަޑައިގަންނަވާ އެއްޗެކެވެ
ލުއިފަސޭހަ
ނއ (1) ކުރާ މަސައްކަތެއްގައި ލިބޭ އެހީ (2) މަސައްކަތެއްގައި ކޮށްދޭ އަތްގާތް
ލުއިފަސޭހަކަން
ނއނ (1) ކުރާމަސައްކަތެއްގައި އެހީލިބޭކަން (2) މަސައްކަތެއްގައި އަތްގާތްކޮށްދޭކަން
ލެންބުން
މ ލެނބުން މިބަސް ކުރުވުމުގެ މާނައިގައި ބޭނުންކުރާގޮތް
ލެބޯޓަރީ
ނ (1) އެކިކަންކަމާއި އެކި އެއްޗެއްސާއި އެކިއެކި ބައްޔާ ބެހޭ ތަޙުލީލުތައް ކުރާތަން. (2) އެފަދަ ތަޙުލީލުތައް ކުރެވޭގޮތަށް އެކަންކަމަށް ބޭނުންވާ ސާމާނުލައި ތައްޔާރުކޮށްފައި ހުންނަ ތަންތަން