radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ފައްޅި
ނ މުސްލިމުން ނޫން މީހުން އަޅުކަން ކުރުމަށްޓަކައި ހަދައިފައި ހުންނަ ތަންތަން
ފައްތިރާ
ނ )ސ ( މީހުނަށް ނޭގޭ ގޮތަށް ދޭ އެއްޗެހި މިސާލު: އެތެރެއަށް އެއްޗެއްލައިފައި ނުވަތަ އަޅައިފައި ޖަހައިފައި އޮންނަ ގޮށް
ފަތަށްއެރުން
މ (1) ލިސްޓެއްގައި ނުވަތަ ރަޖިސްޓްރީއެއްގައި ނަން ލިޔެވުން. (2) ޅެން ކިޔާ މީހުންގެ ތެރެއަށް ނުވަތަ ޒިކުރު ކިޔާ މީހުންގެ ތެރެއަށް އާދައެއް ކަމަށް ދޭންވާ އެއްޗެއް ދީގެން ވަނުން މއިީ އިހުގައި ގަނޑުވަރު ތެރޭގައި ރަސްމީ ގޮތުން ކުރެވޭ ކަމެކެވެ
ފަތުރުވެރިޔާ
ނ ރަށެއްގެ ނުވަތަ ޤައުމެއްގެ އެކިތަންތަން ބަލައިލުމުގައި ޗުއްޓީހޭދަ ކުރާމީހާ
ފަތުޖެއްސެވުން
މ މީހުންކުރާ އަމަލުތައް މަލާއިކަތުން ލިއުއްވުން
ފަތް
ނ (1) ގަހާއިވެޔޮ ހެދެމުންދާއިރު އޭގެ އަރިމަތިން ނުކުންނަމުން ދާ ތަނޑެއް ހުންނަ އެއްޗެއް. ގަސްގަހުގެ ހިޔާ އޮންނަނީ މީގެ ސަބަބުންނެވެ. މިވަރަށް ތަފާތު ގޮތްގޮތަށް ތަފާތު ކުލަކުލައިގައި ހުރެއެވެ. ޢާއްމުކޮށް ހުންނަނީ ފެހިކުލައިގައެވެ. (2) ބައެއްގަސް އުފެދިފައި ހުންނައިރު ގަސްގަނޑެއް ނެތި ބުޑުން ފަޅައިފައި ހުންނަ ތަފާތު ކުލަކުލައިގެ އެކި ސިފަޔަށް ހުންނަ އެއްޗެހި. (3) ދީނީ ގޮތުން ނުވަތަ ޤާނޫނީ ގޮތުން ލިޔެވޭ ބައެއް ޒާތުގެ ލިއުން. މިސާލު: ހިބަފަތް. އަތޮޅުވެރިކަމުގެ ފަތް. (4) ދޫންޏާއި ކުކުޅުހާފަދަ ތަކެތީގެ ފިޔައިގައްޔާއި މުޅިގައިގައި ފަޅައިފައި ހުންނަ އެއްޗެހި (5) މަޖާޒު: ބޮލުގައި ހުންނަ އިސްތަށި
ފަތްކިޔުން
މ (1) އިހުގައި ނައިބުކަމަށް ހިނގާ ދުވަހު ކިޔުމަށް ރަސްމީގޮތުން ލިޔެފައި އޮންނަ ފަތްކޮޅު ރައްޔިތުންނަށް ކިޔަވައިދީ އިއްވުން (2) އިހުގައި އަތޮޅުވެރިކަމުގެ ފަތްކޮޅު ރައްޔިތުންނަށް އިއްވުން (3) ފޮތެއް ކިޔުން
ފަތްކޮޅު
ނ (1) ވަކިފެންވަރެއްގެ މަޤާމުތަކަށް އިސްކުރައްވާ ފަރާތްތަކަށް ވަޒީފާ ދެއްވިކަން އެންގެވުމުގެ ގޮތުން ދައުލަތުން ދެއްވާ ލިއުން. މިސާލު: އަތޮޅުވެރިކަމުގެ ފަތްކޮޅު. ވަޒީރުކަމުގެ ފަތްކޮޅު ސަފީރުކަމުގެ ފަތްކޮޅު (2) ޤައުމެއްގެ އިސްވެރިޔަކު އެދަރަޖައިގެ ވެރިޔަކަށް ނުވަތަ އެއަށްވުރެ ދަށުގެ މީހަކަށް ފޮނުއްވާ ރަސްމީ އެންގެވުން (3) ގަސްގަހުގެ ފަތުގެ މިންވަރެއް (4) މަޖާޒު: ބޮލުގައި މަދުން ހުންނަ އިސްތަށި
ފަތްކޮޅުބޭލުން
މ ކީރިތި މަހާރަދުން އޮޅުދޫކަރައިގެ ގަވަރުނަރަށް ފޮނުއްވާ ނުވަތަ ގަވަރުނަރު ކީރިތި މަހާރަދުންނަށް ފޮނުއްވާ ފަތްކޮޅު ރަސްމީ އިއްޒަތުގައި އެއްގަމަށް ބޭލުން
ފަތްފުށް
ނ (1) ފޮތްއަރި (2) މަޖާޒު: މީހާގެ ގޮތް ބާވަތް
ފަތްފުށްއެނގުން
މ މީހާގެ ޢާއިލާއާއި ގޮތް ބާވަތް އެނގުން
ފަތްފުށްދަތުން
މ މީހާގެ ޢާއިލާއާއި ގޮތް ބާވަތް ދަތުން
ފަތްފޮނުވުން
މ އިހުގައި ސަރުކާރުން އެކިއެކި މީހުންނަށާއި ތަންތަނަށް ފޮނުވާ ރަސްމީ ލިޔުން ފޮނުވުން
ފަތްދަނޑި
ނ އެކިއެކި މުނާސަބަތުގައި ރަސްމީގޮތުން ދިދަނެގުމަށްޓަކައި މަގުގެ ދެފަރާތުގައި ޖަހާދަނޑި
ފަތްސިލުނބުފުޅު ވަތްކުރުން
މ ދުންފަތް އެޅުން މިބަސް މިގޮތަށް ބޭނުން ކުރަނީ އާދައިގެ މީހަކު ބޭފުޅަކަށް ފަތްސިލުނބުފުޅު ވަތް ކުރާނަމައެވެ
ފަތްޕުޅުޖެހުން
މ އާދައިގެ މީހަކު ބޭފުޅެއްގެ ފޭރާންކޮޅު ފަތްޖެހުމަށް ބުނެއުޅޭ ގޮތް
ފަލަކުގެ ޢިލްމު
ނ (1) ނުޖޫމީ ޢިލްމު (2) ތަރިތަކާ ބެހޭ ޢިލްމު
ފަލީތާލުން
މ (1) ފަލީތާ ހަރުކުރުން ނުވަތަ ގުޅުން (2) މަޖާޒު: ކަމެއް ކުރުމަށްޓަކައި މީހަކާ ނުވަތަ ބަޔަކު މީހުންނާ ގުޅައިގެން އެކަމެއްވޭތޯ ބަލަން އެތަނަކަށް ގިނަގިނައިން ގޮސް އުޅުން (3) ކަމެއް ނުބައި ކުރުމަށް މީހެއްގެ ގާތުގައި ވާހަކަތަކެއް ދައްކައިފައި ނުދެނުހުރި ކަމަށް ހަދައިގެން ހުރުން
ފަލޫދާ
ނ ކިރުސަރުބަތު ނުވަތަ ރޯސްސެރަޕްގެ ތެރެއަށް ހަލުވިދާ ކުދިކޮށް ކޮށައިފައި އަޅައިގެން ހަދާ ފޮނިބުއިމެއް ބައެއް މީހުން މީގެ ތެރެއަށް އިސްބަގުލާއި ފުއްކުދި ސާގުއަޅައެވެ
ފަލްސަފާ
ނ (1) ބުއްދިވެރިކަމުގެ ޢިލްމު. (2) ކަމެއްގެ ބޭނުން ޢާންމު ވިސްނުމަށް ޤަބޫލު ކުރެވޭ ގޮތަށް ވިސްނައިދީފައިވާ ވިސްނައިދިނުން (3) ބައެއް ނުވަތަ ޖަމާޢަތެއްގެ މީހުންގެ ވިސްނުން ހުންނަގޮތް (4) ކަންކަމާމެދު ބުއްދި ޤަބޫލުކުރާގޮތަށް ދައްކައިފައިވާ ހަމަ