radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ޗާޕުކުރުން
މ ފޮތްފޮތާއި ލިޔުމާއި ކުރެހުން ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ނުވަތަ ވަކި ބާވަތެއްގެ އެއްޗެއްގައި ލިޔެ އޭގައި ދެލި އުނގުޅައި އޮބައިގެން ކަރުދާހަށް ކޮޕީކުރުން މިހާރަކަށް އައިސް މިކަމަށް ބޭނުންކުރަނީ މިކަމަށް ތައްޔާރުކޮށްފައި ހުންނަ މެޝިނެވެ
ޗިސް
ނ (1) ފިތިގެންވާ ފިސް (2) ދިޔާއެއްޗެއް ކުއްލިޔަކަށް ނުކުންނަ ނުކުތުން މިސާލު: އޭނާގެ ލޮލުން ޗިސް ލައިފައި ކަރުނަ އަތުވެއްޖެއެވެ (3) ތަތްކަމެއް ނުވަތަ ތެތްކަމެއް ހުރި މުރަނަކަމެއް ނެތް އެއްޗެއްވާ ކުދިކުދި
ޗިސްކުރުން
މ (1) ފިސްކުރުން (2) ތަތްކަމެއް ނުވަތަ ތެތްކަމެއް ހުރި އެއްޗެއް ކުދިކުދި ކުރުން
ޗިޓު
ނ ވަކިތަނަކަށް އައުމަށް ނުވަތަ ވަކިކަމެއް ހަމަޖެހުނުކަން ނުވަތަ ހަމަ ޖައްސަންޖެހޭކަން އެންގުމަށް ކަމެއް ހިންގާ ފަރާތަކުން ލިޔެފޮނުވާ ނުވަތަ ދޭ ކަރުދާސް ކޮޅެއް
ޗީޗީ
އ (1) ހަޑިމުޑުދާރުކަން ދޭހަކޮށްދިނުމަށް ބުނެއުޅޭ ބަހެއް (2) ނުރުހޭކަން ދޭހަކޮށް ދިނުމަށް ބުނެއުޅޭ ބަހެއް (3) އެއްޗެއް ނުވަތަ މީހަކުދެކެ ފޫހިވާކަން އެންގުމަށް ބުނެއުޅޭ ބަހެއް
ޗުއްޓީ
ނ (1) މުވައްޒަފަކު ސަބަބަކާހުރެ ވަޒީފާ އަދާކުރަން ނުގޮސް ހުރުމަށް ހޯދާ ހުއްދަ ނުވަތަ މިގޮތަށް ހުންނަ މުއްދަތު (2) ބަންދު ދުވަސް ތައް
ޗެންޗޭނު
ނ ސަރަހައްދު ވަކިކުރުމަށް ނުވަތަ އެސަރަހައްދުގައި އުޅޭ މީހުން ރައްކާތެރިކުރުމަށް އެތަނެއްގެ ކައިރި ފަށުގައި އެއްޗެހި ކޮޅަށް ޖަހައި އޭގައި ވާ ނުވަތަ ނަރު ދަމައިފައި ނުވަތަ ކެހައަޅައި ފައި ހުންނަތަން
ޗެކު
ނ (1) ކަމެއް ނުވަތަ އެއްޗެއް ހޯދުމަށް ކުރާފާސް (2) ބޭންކުން ފައިސާ ނެގޭގޮތަށް ލިޔެފައި އޮންނަ ލިޔުމެއް
ޗެމްޕިޔަން
ނ (1) ކުޅިވަރަކުން މޮޅުވާމީހާ ނުވަތަ ޖަމާޢަތް (2) މެޗެއް ކާމިޔާބުރާ ފަރާތް (3) މުބާރާތަކުން މޮޅުވާ ފަރާތް
ޗޭނުބުލޮކް
ނ ދޭއް ނުވަތަ އެއަށްވުރެވެސް ގިނަ ބުރުތައް ލައިފައިވާ ކައްޕި އެއް މިބޭނުން ކުރަނީ ބަރުއެއްޗެހި އެކަކު ނުވަތަ މަދުބަޔަކުވެގެން އުފުލުމަށެވެ އޮޑި ދޯނި ފަހަރު އެހެލުމަށްވެސް މިބޭނުން ކުރެއެވެ
ޗޯކު
ނ (1) ބޯޑުގައި ލިޔުމަށް ހަދައިފައި ހުންނަމަށި ފޯލި މި އެކި ކުލަކުލައިގައި ހުރެއެވެ (2) އިލެކްޓްރިކް ހޮޅި ބުރީގެ ތެރޭގައި ހުންނަ ވަކި ޚާއްޞަ އެއްޗެއް (3) ޕެޓްރޯލު އިންޖީނުގެ ސިލިންޑަރު ގެ ތެރެއަށް ވަޔާއެކު ޕެޓުރޯލު އާވި ފޮނުވައިދޭ ބަޔަށްވައިވަނުން ވަގުތީ ގޮތުން ބަންދުކޮށްދޭއެތި
ޗޯސް
ނ (1) ތަނަކުން ފެން ނުވަތަ ދިޔާ އެއްޗެއް ފައިބާއިރު އިވޭއަޑު (2) ކުޅިއެއްޗެއް ކާއިރު ކުޅިވީމާ އަނގައިން ލައްވާ އަޑެއް
ޙައިރާންމާކު
ނ ލިޔެކިޔުމުގައި ބޭނުންކުރާ ނިޝާނެއް. މިނިޝާން ޖަހަނީ ޙައިރާންވާ ކަހަލަ ވާހަކައެއް ނުވަތަ ރުޅިވެރިކަމެއް ނުވަތަ ހިތާމައެއް ނުވަތަ އަމުރެއް ނުވަތަ މަލާމާތެއް ނުވަތަ އިސްތިޙުސާނެއް އެކުލެވޭ ބަސްބަހާއި ޖުމުލައިގެ ފަހަތުގައެވެ
ޙައްޤަކަށް އެރުން
މ މީހެއްގެ ހަށިގަނޑަށް ނުވަތަ ޢިއްޒަތާއި އަބުރަށް ނުވަތަ ނަމަށް ނުވަތަ މުދަލަކަށް ގެއްލުމެއް ނުވަތަ އުނިކަމެއް ދިނުން
ޙައްޤުވުން
މ (1) ކަމެއްކުރުން ވާޖިބުވުން (2) ކަމަކަށް އެކަށީގެންވުން (3) އަމިއްލަވުން ނުވަތަ މިލްކުވުން
ޙަވާލާ
ނ ވަކިމީހަކާ ނުވަތަ ވަކިއެއްޗަކާ ނުވަތަ ވަކިކަމަކާ ގުޅުވައި ބުނާ ބުނުން
ޙަވާލާދިނުން
މ ދައްކާވާހަކައެއްގައި ނުވަތަ ލިޔާއެއްޗެއްގައި އަނެކެއްގެ ބަހަކަށް ނުވަތަ ލިޔުމަކަށް އިޝާރަތްކުރުން
ޙަވާލުކުރުން
މ (1) މީހަކާ އެއްޗެއް ނުވަތަ ކަމެއް މަތިކުރުން (2) މަސްއޫލިއްޔަތު އުފުލާން ޖެއްސުން
ޙަވާލުވުން
މ ތިމާއާއި ޙަވާލުކުރާ ކަމެއް ނުވަތަ އެއްޗެއް ޤަބޫލުކުރުން
ޙިއްޞާ
ނ (1) މުދަލުން ނުވަތަ ފައިސާއިން ނުވަތަ އެނޫންވެސް އެއްޗަކުން ނުވަތަ ކަމަކުން މީހަކަށް ލިބެންޖެހޭ ބައެއް. (2) ބައި. (3) އަމިއްލަވާ ނުވަތަ ބައިވެރިވާ ނުވަތަ ޒިންމާވާ މިންވަރު