radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ކެވުން
މ (1) ކައިއަވަދިވުން (2) ބަނޑު ފުރުން (3) އަރުން އެތެރެއަށް އެއްޗެއްދިއުން (4) ބަޔަކުމީހުން ނުވަތަ ދިރޭ އެއްޗެހިތަކެއް އެއްފަރާތަށް އެރުން (5) ދޯންޏަށް ނުވަތަ ލަގަރިއަށް އެންދާ ހުސްކޮށްލުން (6) އެއްތާކަށް ކޮށިކުރުން (7) ފަރުމާނުގައި ހަންޖާ ބެއްދުން
ކެވެލި
ނ (1) އަތްފައިގައި އަޅަން ހަދައިފައި ހުންނަ ގަހަނާއެއް. މިއީ މަޢުދަނަކުން ނަރުދަމައިގެން އެނަރުން ގަތައިފައި ނުވަތަ ބޮޅު އަމުނައިފައި ހުންނަ އެއްޗެކެވެ (2) ގަހަނާއެއްގެ ގޮތަށް ނޫނަސް އެކިއެކި ބޭނުންތަކަށް ފަތިކޮށްނާއި ހަތަރު އަރިއަށް ނުވަތަ އެނޫން ސިފަސިފައަށް ތައްޔާރުކޮށްފައި ހުންނަ ހިމަފަށް (3) ފަންގިވިންނަ ކަނިވަޅު (4) )ހ ( ކޭލި
ކެމުޓާލަވަ
ނ (1) ފުރެއްދެލަވައިގެ އަވަސްލަވަ (2) ކެމުޓާޔަށް ހަމަވާ ލަވަ
ކެމްޕޭން
ނ (1) ވަކި ކަމެއް ޙާޞިލު ކުރުމުގެ މަޤްޞަދުގައި ރާވައިގެން ހިންގާ ޙަރަކާތްތައް (2) ޢަސްކަރީ ނުވަތަ ސިޔާސީ ނުވަތަ އިޖްތިމާޢީ ނުވަތަ ވިޔަފާރީގެ ލަނޑުދަނޑިއެއް ޙާޞިލުކުރުމަށްޓަކައި ރާވައިހިންގާ ޙަރަކާތްތައް
ކެފުން
މ (1) ތުނިކޮށް ފަތިކޮށްހުންނަ އެއްޗެހި ތޫނު ހަތިޔާރަކުން ބައިކުރުން ނުވަތަ ބުރިކުރުން. މިސާލު: )ހ( ކަތުރުން ފޮއްޗާއި ކަރުދާހާއި ޓިނުފަދަ ތަކެތި ކެފުން. )ށ( ފިޔޮއްސާއި ކަޓަރުފަދަ އެއްޗަކުން އެއްޗެއް ކެފުން. )ނ( ގޭސް ނުވަތަ ލޭޒަރު ފަދަތަކެތިން ދަގަނޑުސީޓު ފަދަ ތަކެތިކެފުން )ރ( އަލިމަސްކަށިން ބިއްލޫރި ކެފުން (2) ހަށިގަނޑުން ބޮޑުކޮށްތަނެއް ކެނޑުން
ކެތްކުރިމީހާއަށް ހޫނުބޮނޑިބަތް
)މިސާލުބަހެއް( ކެތްކުރާ މީހާޔަށް ފަހުން މާ ރަނގަޅު ގޮތްގޮތް ވާނެކަން އަންގައި ދިނުމުގެގޮތުން ބުނެއުޅޭބަހެއް
ކެލާޖެހުން
މ (1) ފަންޑިތަވެރިކަމުގެ ގޮތުން ކެލާ ގާނައިގެން އެކިގޮތްގޮތަށް ގައިގައްޔާއި އެއްޗެހީގެ ތަންތަންކޮޅުގައި ހޭކުން (2) ކިޔަވާ ފިލާ ދޮވެ މަށިލުމަށްފަހު އެ ފިލައިގެ ތަންތަންކޮޅުގައި ކެލާ އުނގުޅުން މިއީ އީދާ ނުވަތަ ރޯދަޔާ ދިމާކޮށް އާދަކާދައިގެ ގޮތުން ކުރާ ކަމެކެވެ
ކެޑެބޯ
ނ )ސ ( (1) ކަންނެޔޮފަދަ އެއްޗެހީގެ އަގުޅި (2) ރޮދުން އެން ހިފާއިރު ދެކޮޅުނުޖެހި އޮންނަ އަނގަމަތި
ކެޔޮ
ނ (1) ފަތްކެޔޮ (2) ބަނބުކެޔޮ (3) ކަށިކެޔޮ
ކެޔޮބުޑު ބަވާޒީ
ނ ފުރަގަސްފަރާތު ބަލީގެ ބާވަތެއް މިއީ ފަރުވާނުކުރެވި ގިނަދުވަސްވީމާ އަޑިޔަށް މޫލައި ބޭރަށް ނާރުފުއްޕައިފައި ހުންނަހެން ވަށައިގެން ފުއްޕައިފައި ހުންނަ ބައްޔެކެވެ
ކެޔޮޅުންބޮޅު
ނ )ށ ( ކެޔޮޅުރޮއްވި
)މުސްކުޅިބަހެއް( މީހަކަށް ލިބިފައިވާ މަޤާމެއްގެ ނުފޫޒުގެ ބޭނުންކޮށްގެން ނާޖާއިޒުފައިދާ ނަގައިފައި ވާވަރު އެނގޭނީ އެމީހާ އެމަޤާމަކުން ވަކިވީ ދުވަހަކުންކަން އެންގުމަށް ބުނެއުޅޭބަހެއް ކެޔޮކޭވަރު އެނގޭނީ ބިތުފަންގެ ނެގީމައެވެ
ކެޔޮއަރި
ނއނ ކެޔޮގަނޑުގެ ވައްތައް އެއްކޮށްހުންނަބައި
ކެޔޮވައް
ނ ކެޔޮއަރީގައި ހުންނަ ވައްތަކުގެތެރެއިން އެކަތި
ކެޔޮފަތްހިކާ
ނ ހިކާގެބާވަތެއް މިހިކާހުންނާނީ ކެޔޮފަތް ކުލައިގައެވެ
ކެޔޮދަޅި
ނ (1) ކެޔޮގަހުގެ އެތެރޭގައި އޮންނަބައި (2) ކެޔަފަތުގެ މެދުގައި އޮންނަ ހަރުތަން
ކެޔޮދަޅި ސަންދޯއް
ނ ކުޑަކުދިން މަރުވީމާ ވަޅުލުމަށްޓަކައި ކެޔޮދަޅިން ހަދާ ސަންދޯއް
ކެޔޮދަޅިއަސް
ނ ކެޔޮދަޅިން ހަދައިގެން ގެންގުޅޭ ކުޅޭއެއްޗެއް
ކެޔޮދަޅިއަސް
ނ ކެޔޮފަތު ދަޅީގެ ފަލަކޮޅު ބޮލަކަށް ހަދައިގެން އޭގެ ދެފަރާތަށް ދެފައިލައިގެން ކުޑަކުދިން ދުއްވާ ކުޅޭކުޅޭ އަސް
ކެޔޮގަނޑު
ނ ފަތްކޭލާއި ކަށިކެޔޮފަދަ އެއްޗެހީގެ ވައްތައް ވަކިނުކޮށް ހުންނައިރު މުޅިއެއްޗަށް ކިޔާގޮތް