radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ޖަހަތުންކަނޑައިލުން
މ އެއްވެސް ގުޅުމެއް ނުވަތަ ގާތްކަމެއް ނޯންނަ ގޮތަށް ގުޅުން ނުވަތަ ގާތްކަން ކަނޑައިލުން
ޖަހަޑު
ނ ބުރުސް މިއީ މޭޒު ނުވަތަ އެފަދަ ތަންތަން ސާފުކުރުމަށް ނުވަތަ ބޮލުގައި އަޅަން ގެންގުޅޭ އެއްޗެކެވެ
ޖަނގިޔާ
ނ ފޫޅުންތިރީގެ ދެފަރާތް ނިވާވާގޮތަށް ފައިވަޅު ކަނޑައިފައި ކުރުކުރުކޮށް ފަހައިފައި އޮންނަ އެއްޗެއް މިހުންނަނީ މައްޗަށް ރަބަރު ނުވަތަ އިލާސްޓިކު ފަދަ އެއްޗެއް ލައްވައިފައެވެ
ޖަންކުޝަން
ނ ފާޚާނާގައި ބޭނުންކުރާ ފެންބޭރުކުރާ ދެހޮޅިއެއް ނުވަތަ އެއަށް ވުރެ ގިނަހޮޅި ގުޅޭތަންތާނގައި ރާނައިފައި ހުންނަ ވަޅުގަނޑު
ޖަރީކުރުން
މ (1) ވިދާ އެއްޗެހިތަކުން ކުރެހުން އެޅުން ނުވަތަ ޒީނަތްތެރި ކުރުން (2) ކަސީދާކުރުން
ޖައުޒާ
ނ (1) މުރިނގާ ޖެހިގެން ދެކުނުގައިވާ މިސްރާބު (2) ހަމްލުރާހިން ތިންވަނަ ބުރުޖު ނުވަތަ ރާހި
ޖަވާބު
ނ (1) ޒުވާބު (2) ލިޔެވޭ ނުވަތަ ބުނެވޭ އެއްޗަކާމެދު ބުނާބަސް (3) ހިސާބު ޢިލްމުގެ ބަހުރުވައިގައި ސުވާލެއްގެ ނުވަތަ ނަންބަރެއްގެ ޙައްލު (4) ސިޓީއެއް ނުވަތަ މެސެޖަކަށް ދޭ ރައްދު (5) ޤާނޫނީ ބަހުރުވައިގައި އަނެއްފަރާތެއްގެ ވާހަކަޔަށް ކުރާއިންކާރު ނުވަތަ ޤަބޫލު ނުކުރާ ނުކުރުން (6) ދޭރައްދު
ޖަވާބު ދިނުން
މ (1) ޒުވާބު ދިނުން (2) ލިޔެވޭ ނުވަތަ ބުނެދޭ އެއްޗަކާމެދު ބަހެއް ބުނުން (3) ހިސާބު ޢިލްމުގެ ސުވާލެއް ނުވަތަ ނަންބަރެއްގެ ޖަވާބު ނެރުން (4) ސިޓީއެއް ނުވަތަ މެސެޖަކަށް ރައްދެއް ދިނުން (5) ރައްދު ދިނުން
ޖިމުނާސްޓިކު
ނ ހުނަރުވެރިކަމާއެކު ދައްކާ ނުވަތަ ކުރާ ކަސްރަތުގެ ޙަރަކާތްތައް
ޖިޒީ
ނ (1) ދައުލަތެއްގެ ދަށުގައިވާ ސަރުކާރަކުން އެދައުލަތަކަށް ދައްކާ ފައިސާ ނުވަތަ ތަކެތި (2) މަޖާޒު: ހަދިޔާ
ޖުބުލީ
ނ (1) ޔޫބީލް (2) އުފާފާޅުކުރުމުގެ ހަފްލާ (3) ކަމަކަށް ނުވަތަ ތަނަކަށް ފަންސަވީސް ނުވަތަ ފަންސާސް ނުވަތަ ހަތްދިހަފަސް އަހަރު ފުރޭ އަހަރު
ޖުޒާމުބަލި
ނ ހަށިގަނޑުގެ ހިއްސުތަކަށް ޙަމަލާދޭ މައިކޮބެކްޓީރިއަލް ލެޕްރާ ކިޔާ ފަންޏެއް ނުވަތަ ޖަރާސީމެއްގެ ސަބަބުން ޖެހޭ ބައްޔެއް މިއީ ގައިން ގަޔަށް އަރާ ބައްޔެކެވެ ގިނައިން މިބަލިފާޅުވަނީ މޫނާއި ނޭފަތާއި ކަންފަތް ފަދަ ތަންތަނުންނެވެ ޢާންމުކޮށް މިބަލީގެ އަސަރު ހުންނަ ތަންތާނގައި އިޙްސާސެއް ނުހުރެއެވެ
ޖެހިތަދުވުން
މ ތަނެއްގައި ޖެހިގެން ނުވަތަ އެއްޗަކުން ޖެހިގެން ހަށިގަނޑުގައި ވޭނެއް ހަރުލުން
ޖެހުން
މ (1) މީހެއްގެ ނުވަތަ ޖަނަވާރެއްފަދަ އެއްޗެއްގެ ގައިގައި ބޮނޑި ޔެއް އެޅުން. (2) ދެމީހެއްގެ ދެމެދުގައި އަރާރުން ނުވަތަ ދެކޮޅު ވެރިކަން އުފެދޭގޮތްވުން (3) ބައެއްކަހަލަ ތަކެތި ހެދުން މިސާލު: )ހ( ބުޅިޖެހުން )ށ( ހުޅިޖެހުން )ނ( ގޮނޑިމޭޒުފަދަ ތަކެތި ޖެހުން (4) މިޔުޒިކުގެ ބައެއްކަހަލަ ތަކެތި ކުޅުން މިސާލު: )ހ( ބެރުޖެހުން )ށ( ތަބުލާޖެހުން (5) ދެމީހަކު ނުވަތަ ދެއެއްޗެއް އައިސް ލައިގަތުން (6) ބައެއްކަހަލަ އެއްޗެހި ވެއްދުން މިސާލު: )ހ( ބަސްތާ އަށް ބަންބުޑި ޖެހުން )ށ( މޮހޮރުޖެހުން (7) ކިޔުމުގައި ނުވަތަ ޓައިޕުން ލިޔުމުގައި ކުށެއްވުން މިސާލު: )ހ( އޭނާ އަލްޙަމްދު ކިޔެވިއިރު ވަރަށް ގިނަ ކުށްޖެހުނެވެ )ށ( މިލިޔުން ކުށް ނުޖަހައި ޓައިޕް ކުރެވޭތޯ ބަލާށެވެ (8) ބައެއް ކަހަލަ ކަންތައްކުރުން މިސާލު: )ހ( ކުޅުޖެހުން )ށ( ދަނޑިޖެހުން )ނ( ބަޑިޖެހުން )ރ( ފަލިޖެހުން (9) ބައެއް ހާލަތުތައް މެދުވެރިވުން މިސާލު: )ހ( ބަނޑަށް ޖެހުން )ށ( ބިތްޖެހުން )ނ( ލޯބިޖެހުން )01( ދަތީގައި ނުވަތަ މަޅިފަތީގައި ތިބުން މިސާލު: )ހ( ދަތީގައި ޖެހުން )ށ( މަޅިފަތީގައި ޖެހުން (11) ތަތްކުރުން މިސާލު: )ހ( ސިމެންތިޖެހުން )ށ( މުށިޖެހުން
ޖެއްސުން
މ (1) ޖެހުން މިބަސް ކުރުވުމުގެ މާނައިގައި ބުނާގޮތް. (2) ލޮލަށް ލިބޭ ގެއްލުމެއްގެ ސަބަބުން ނުވަތަ ލޮލަށް ކުނިކޮޅެއްފަދަ އެއްޗެއް ވެއްޓުމުގެ ސަބަބުން ލޮލުގައި އެއްޗެއް ޖެހޭހެން ހީވުން (3) މަދު އެތިއެތި ފޮދުން ބޯންދިނުން މިސާލު: )ހ( ފަނިތިކި ޖެއްސުން )ށ( ބުއްޖެއްސުން (4) ބަނދަރުކުރުން މިސާލު: މާލެ ދާނީ ގަލުފަޅުގައި ޖައްސައިފައެވެ (5) އުދުހޭ ބައެއްތަކެތި ތިރި ކުރުން މިސާލު: މަތިންދާބޯޓު ޖެއްސުން (6) އަނެކަކު ރުޅިއެރުވުމަށް ކުރާ ކަންތައް
ޖޯލި
ނ އިށީނދެ އޮށޯވެ ހެދުމަށް އެތެރެއަށް ފުންކޮށް ހުންނާނެ ހެން ގޮޅިހުންނަ ގޮތަށް ރޯނުފަދަ އެއްޗަކުން ގަތައިފައި ނުވަތަ ގޯނި ފަދަ އެއްޗެއް ޖަހައިގެން ދަނޑިން ނުވަތަ ދަގަނޑުހޮޅިން ހަދައިފައި ހުންނަ އެއްޗެއް
ޖޯޑުވުން
މ (1) ދެޖިންސުގެ ދެމީހުން ނުވަތަ ދެޖިންސުގެދޭތި ޖިންސީ ގުޅުން ހިންގުން (2) ޖިމާޢުވުން
ޗަސްތެޅުން
މ ކިލާ ނުވަތަ އެނޫންވެސް ހަޑިއެއްޗަކުން ތަތްތެޅުން
ޗާޓަރު
ނ (1) މުދާ ނުވަތަ ފަސިންޖަރުން އުފުލުމަށްޓަކައި މަތިންދާ ބޯޓެއް ނުވަތަ ކަނޑުދަތުރުކުރާ އުޅަނދެއް އެދަތުރަކަށް ޓަކައި ކުއްޔަށް ހިފާ ހިފުން ނުވަތަ ކުއްޔަށް ދޫކުރާ ދޫކުރުން (2) އ ދ ފަދަ ބޮޑެތި ޖަމާޢަތް ތަކުގެ އަސާސީ ޤަވާޢިދު
ޗާޓަރުކުރުން
މ މުދާ ނުވަތަ ފަސިންޖަރުން އުފުލުމަށްޓަކައި މަތިންދާ ބޯޓެއްނުވަތަ ކަނޑު ދަތުރުކުރާ އުޅަނދެއް ވަގުތީ ގޮތުން ކުއްޔަށް ހިފުން