radheef.info
ރަދީފު


ނުން
އ (ޏ، ސ) (1) ނޫނޭ (2) ނޫންތަ؟
ސަބުމެރިން
ނ ކަނޑުއަޑިން ދުއްވާބޯޓު މިއީ އަސްކަރީގޮތުން ބޭނުންކުރާ އުޅަނދެކެވެ
ސައިބޯނިބޮކި
ނ (1) ސައިބޯނި ފެނުން އެތެރެޔަށް ވައިވަދެގެން ހެދިފައި ހުންނަބޮކި (2) މަޖާޒު: ހަރުދަނާ ކަމެއް ނުހުންނަ ކަންތައް
ސައިބޯނިއޮށް
ނ ސައިބޯނި ގަހުގެ އޮށް މިއީ ކުންނާރު އޮށާ އެއްބޮޑު މިނެއްގައި ކުލަކުލައިގައި ހުންނަ އޮށްތަކެކެވެ މިއޮށްތައް ފެން އެއްޗަކަށް އެޅުމުން ފޮނުއަރާނެއެވެ މިބޭނުން ކުރަނީ ގިރިޓީކުރާއިރު އެ ގިރިޓީ ކުރާ އެއްޗެހި ސާފުކުރުމަށެވެ
ސައިބޯޖޯޑު
ނ ސައިބޯން ބޭނުންކުރާ އުޅައްލީ ތަށްޓެއް މިހުންނަނީ ވަތުތަށްޓާ އެކުގައެވެ
ސައިކުރާ
ނ ސައި ކައްކަން ބޭނުންކުރާ ކަންވާރެއް މިއީ ފެން އޮއްސުމަށް ވައްގަނޑެއް ލައިފައި ހުންނަ އެއްޗެކެވެ ހިފާނެ އުޅައްގަނޑެއްވެސް ހުރެއެވެ މީގެ މަތި ހުންނަނީ ނަގައިޖެހޭ ގޮތަށެވެ
ސައިފަތް
ނ ސައިފަތް ގަހުގެ ފަތް. މިއީ ތިރިކޮށް ހެދޭ ގަހެއްގެ ފަތެވެ. މިފަތް ހޫނުފެނަށް އެޅުމުން ފެނުގައި ކުލަހިފައެވެ. މީގެ ދެކުލައެއް ހުރެއެވެ. އެއީ ރަތްކުލައާއި ފެހިކުލައެވެ. މިއީ ހޫނުފެނަށް އަޅައި ކުލައާއި ރަހަނެރެ ބޯންބޭނުންކުރާ އެއްޗެކެވެ މިގޮތަށް ތައްޔާރު ކޮށްފައި ހުންނަ އެއްޗިއްސަށް ކިޔަނީ ސައެވެ
ސައިފަތްގަސް
ނ އެގަހެއްގެ ފަތް ހޫނުފެނަށް އަޅައިގެން ބޯންބޭނުންކުރާ ގަހެއް މިގަހުގެ ފަތަށް ކިޔަނީ ސައިފަތެވެ މީގެ ދެވައްތަރެއް ހުރެއެވެ އެއް ވައްތަރެއް ހޫނު ފެނަށް އެޅީމާ ހުންނަނީ ރަތްކުލައެވެ އަނެއް ވައްތަރެއް ހޫނުފެނަށްއެޅީމާ ހުންނަނީ ފެހިކުލައެވެ ދުނިޔޭގައި އެންމެ ޢާންމުކޮށް ބޭނުންކުރެވެނީ ރަތްކުލައެވެ
ސައިލެންސަރު
ނ (1) އިންޖީނުގެ ދުންބޭރު ކުރާއެތި މި އެއްޗަކީ އިންޖީނުގެ އަޑުމަޑު ކުރުމަށްވެސް ބޭނުންކުރާ އެއްޗެކެވެ (2) ބައެއްކަހަލަ ހަތިޔާރުގެ އަޑުމަޑު ކުރުމަށް ބޭނުންކުރާ އެއްޗެއް
ސައިޕޯޓު
ނ (1) ކުރުއަލަމާރި ބުރިއެއް މީގެ މަތީގައި ތައްޓާއި ޖޯޑުފަދަ އެއްޗެހި ބަހައްޓައިގެން މޭޒެއްގެ ގޮތުގައި ބޭނުންކުރެވެއެވެ (2) ކަފޭރާ
ސައްބު
ނ (1) ހުދުކުލައިގެ މަޢުދަނީ ލޮނެއް މިއީ ބޭހަށް ބޭނުންކުރާ އެއްޗެކެވެ މީގައި ދޫތޮރުފާގޮތެއް ހުރެއެވެ މި ހުންނަނީ ގަނޑުގަނޑަށް ހަރުކޮށެވެ (2) މަޖާޒު: ތުނބުޅި މަތިމަސް ނުފަޅާ ފިރިހެނާ
ސައްކެޔޮ
ނ ދޮންވުމުގެ ކުރިން ތަރުކާރީ އެއްގެގޮތުން ދޮންވީމާ މޭވާއެއްގެ ގޮތުން ބޭނުންކުރާ އެއްޗެއް މިހުންނަނީ ބަނބުކޭލާ ވައްތަރު ގޮތަކަށް އެއަށްވަރެ މާބޮޑެތި ކޮށެވެ މިއީ ގަހުގެ ދަނޑިގަނޑުންނާއި މުލުންވެސް ނުކުންނަ އެއްޗެކެވެ
ސަތަރި
ނ (1) އެއްޗެހި ނުވަތަ ތަންތަން ހިޔާކުރުމަށް ބޭނުންކުރާ ފޮތިގަނޑެއް މިއީ ފެން ނުފާއްދާގޮތަށް ހަދައިފައި ހުންނަ އެއްޗެކެވެ (2) )މަލިކު( ބޮލަށް ނަގާކުޑަ
ސަލާންބަލައިގަތުން
މ މީހަކު އައްސަލާމް ޢަލައިކުމް މިހެން ބުނުމުން އެއަށް ޖަވާބުދިނުން
ސަލާމަތްބުއްދި
ނ ހަމަވިސްނުން
ސަލްފަރު
ނ (1) ރީނދޫކުލައިގައި ހުންނަ ފުށެއް ކެމިކަލްގޮތުން މި އެންމެ އެއްގޮތީ އޮކްސިޖަނާއެވެ ބަޑިބޭހާއި އަލިފާން ދަނޑިއާއި ކަރުދާސް ހަދާ ފެކްޓަރީތަކުގައި މި ބޭނުންކުރެއެވެ (2) ކައްސަނދުވާނި
ސަގަންގޫރު
ނ ސަހަރާގެ ތެރޭގައި އުޅޭ ސުއިތްޕެއް. މިއީ ރަކިސް ބޮނޑަށްވުރެ ކުދިކޮށް އެވައްތަރަކަށް ހުންނަ އެއްޗެކެވެ މިއީ ބާހުގަދަ ކުރުމަށް ބޭނުންކުރާ އެއްޗެކެވެ
ސަޒާދިނުން
މ އަދަބު ދިނުން
ސަޓަނި
ނ ފިޔަޔާއި މިރުހާއި ކޮށައި އޭގެތެރެއަށް ހުތްޖަހައި ލޮނުލައިގެން މޮޑެފައި ހުންނަ ކާ އެއްޗެއް މިއީ ކެއުމުގެ ތެރޭގައި ބޭނުންކުރާ އެއްޗެކެވެ މިއަށް ތަފާތު ބާވަތް ބާވަތުގެ އެއްޗިހި ލައިގެން ތަފާތު ސަޓަނި ހަދައި އުޅެއެވެ
ސަޕުލައި
ނ (1) ގެއަކަށް ނުވަތަ ތަނަކަށް ކަރަންޓް ދިނުމަށް ދަމައިފައިވާ ފަލަނަރު (2) ބޭނުންވާ ހުރިހާ ސާމާނު މިސާލު: ރިސޯޓުގެ ސަޕުލައި
ސަޤާފަތް
ނ (1) އިންސާނުން އެކި ބައިބަޔަށް އުޅެމުން އަންނައިރު އެބައެއްގެ ތެރޭގައި ވިސްނުމާ ޚިޔާލާ ވާހަކަ ދެއްކުމާ މަސައްކަތްތެރިކަމާ ކުޅިވަރާ މިޔުޒިކާ ނެށުމާ މި ހުރިހާ ކަމަކާ ގުޅިފައިވާ އާދަކާދަ (2) އިންސާނުން ދިރއުޅޭގޮތް