radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ކޮރުލުން
މ (1) އަރާރުމުގެ ތެރޭގައި މީހުން ރުޅިއަރުވާން ކުރިމަތީގައި ފުމެފުމެފައި ވައްތަރު ޖެއްސުން (2) ކުދިން ކުޅިވަރަށް ފުމެފުމެފައި ދުވެދުވެފައި އުޅުން
ކޮޅުންފޯދުން
މ (1) ގަސްރުއް ދުވަސްވެގެން ގޮސް އެއްޗެހި ނުގަންނަ ވަރުވުން (2) މަޖާޒު: މީހުން މުސްކުޅިވެގެންގޮސް އަބަހައްދަވުން
ކޮޅުބިތް
ނ (1) ފުރާޅު ފަންގެލާއިރު ފަންވަތުގެ ކޮޅު ފުރާޅުގެ ކޮޅަށް އޮޅާލާތަން (2) ގޭގެ ދެކޮޅުންކުރެ ކޮންމެ ކޮޅެއްގައި ހުންނަބިތް
ކޮޅުކަނދު
ނ އޮޑިދޯނިފަހަރުގެ ހުރަސްފިލާގެ ދިރުނބާކޮޅުން ދެފަރާތުގައި ޖަހައިފައި ހުންނަ ފަށްބުރި
ކޮޅުއުނދޯލި
ނ އިހުގެ ގޭގޭގައި އެތެރޭގެ ދެކުނު އެނދު ހުންނަތާ ހުންނަ އުނދޯލި
ކޮޅުއުނގުރި
ނ ދިރުނބާކޮޅުން ފަށަނުގައި ތޮރުފައިފައި ހުންނަ އުނގުރި
ކޮޅުވަން
ނ (1) ފުޅަފުގައި ނުވަތަ ބިތުގައި ކޮޅަށް ޖަހަން ފަންތޮށިގަނޑު ބުރިކޮށްފައި ހުންނަ ހިކިފަން (2) ކޮޅުފަން
ކޮޅުވުން
މ (1) ކަމެއް ނިމުން (2) ފިރިހެން ހަށީގައި ވާގިޖެހުން (3) މީހަކު ލައްވައި ހިންމިޔަށް ހަޅަނގު ވެއްދުން
ކޮޅުވެއްޓި
ނ މީހުންނާއި މުދައު އެއްތަނުން އަނެއްތަނަށް ގެންދާން ބޭނުންކުރާ އިންޖީނުލީ އުޅަނދެއް މީގެ ދިރުބާކޮޅު ހުންނަނީ ހަމައަށެވެ މިތަން ވައްޓައި ނަގާ ހެދެއެވެ
ކޮޅުމައްޔަލުންޖެހުން
މ އޮޑިދޯނިފަހަރު އޭގެ ދުވެލީގައި ގޮސް ދިރުނބާ މައްޔަލުގެ ކޮޅުން އެއްޗެއްގައި ޖެހުން
ކޮޅުމަތި
ނ (1) މުންޑުގެ މެދުތެރޭގައި އެހެން ކުލަކުލައިގެ އުއިން ހަދައިފައި ހުންނަތަން (2) ފޭލީގެ ދެކޮޅުގައި ކަސަބުން ހަދައިފައި ހުންނަތަން (3) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން ހަދައިފައި އޮންނަތަން (4) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާން ކަސަބާއި ފަށުވިން ހަދައިފައި އޮންނަ އެތި (5) މަޖާޒު: ކަމެއްގެ ނުވަތަ ވާހަކައެއްގެ ފެށުމުގެ ނުވަތަ ނިމުމުގެ އަލާމާތް
ކޮޅުމަތިހެދުން
މ (1) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން އެހުންނަ ތަން ތައްޔާރުކުރުން (2) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާ ކަސަބާއި ފަށުވީގެ ކޮޅުމަތި ތައްޔާރުކުރުން (3) ވިޔެފައި ހުންނަ އެއްޗެހީގެ ކޮޅު ހެދުން
ކޮޅުމާ
ނ (1) އޮޑި ދޯނިފަހަރުގެ ހެރި ކުރާއިރު ދިރުނބާކޮޅުން ނުކުންނާން އޮންނަތަނާއި އެތަން ނިވާކުރާން އެލުވާފަން (2) އޮޑިހަރުގޭގެ ވައިމައްޗަށް ހުންނަކޮޅު ބައްދާންޖަހާ ބިތްގަނޑު
ކޮޅުފަހުލަގޮނޑި
ނ މަސްއޮޑިފަހަރުގެ ކޮޅުފަހުގައި ތިލަގަނޑު ޖަހާން ނެރެފައި ހުންނަ ތަން
ކޮޅުފައި
ނ (1) ދަށްފައި (2) ފައިގެ ކުރީކޮޅު ]މިބަސް ކިޔައި އުޅެނީ ފައިގެ އެ ހިސާބުން ކުރާއަމަލަކާ ގުޅުވައިގެންނެވެ މިސާލު: )ހ( ކޮޅުފައިން ޖެހުން )ށ( ކޮޅުފައިލުން
ކޮޅުފައިންޖެހުން
މ (1) އިހާނެތިކޮށްލުމުގެގޮތުން މީހެއްގެގައިގައި ފައިކުރުކޮށްފައި ފައިންޖެހުން. (2) މަޖާޒު: މީހެއްގެ ފަރާތުންލިބޭ ހެވަތާއި ލާބައަކަށް ނުބަލައި އެފަރާތަކަށް އިހާނެތިވާގޮތެއްގައި ވަކިވެގަތުން
ކޮޅުފަސް
ނ (1) އޮޑީގެ ކޮޅުފަސްކޮޅު މައްޔަލުގެ މަތީގައި ޚާއްޞަ ވަނައެއްލައިފައި ހުންނަ މުލައް (2) ކޮޅުފަސްކޮޅު
ކޮކަޑި
ނ މީދާ މަރަން ގެންގުޅޭ ވަރަށް ވަރުގަދަ ވިހައެއް މިހުންނާނީ ހުދުކުލައިގެ ހިމުން ފުށެއްހެނެވެ
ކޮކާހަނދުވަރު
ނ ގަސްގަހުގެ ފަތްތަކުގެ ތެރޭން ފުރޭނިގެން ތަންތަންކޮޅަށް ދީފައި ހުންނަ ހަނދުވަރު
ކޮކާބިބީ
ނ ބިބީގެ ބާވަތެއް. މަހުގެ ދެއަރިމަތީގެ ކުލައަކީ ހުދުކުލައެވެ. ދެއަރިމަތީގައި ދެކަތްޕަށްވާ ގޮތަށް އަޅިކުލައިގެ ރޮނގުތަކެއް ހުރެއެވެ. މަޑުކޮތަރިބައިގެ މަތިން ފެށިގެން މަހުގެ ލޯހުރަސްކޮށް ބަނޑުދަށް ފަރާތުގެ ކޮތަރިބައިގެ ނިމޭ ހިސާބަށް ކަޅުކުލައިގެ ފުޅާ ރޮނގެއް ހުރެއެވެ މަހުގެ ނިގޫ ކޮޅުގައި ހުންނަނީ ރީނދޫކުލައެވެ