radheef.info
ރަދީފު


ބ
އ ތާނައިގެ ފަސްވަނަ އަކުރު
ރައްކައުވުން
މ (1) ސަލާމަތްވުން (2) ފިލުން (3) ވިހެއުމަށް މާތްބަހުންނާއި އެންމެ މާތްބަހުން ކިޔާގޮތް
ރައްކާ
ނ (1) ސަލާމަތް (2) އެއްޗެއް ފޮރުވާ ފޮރުވުން (3) ފަޗިސްފޮތިގަނޑުގެ މެދުން ދެފަރާތުގައި ބުރަފަތިކޮށް ބަގިޔާޖަހައިފައި ހުންނަގޮޅި
ރައްކާވެތިބިއްޔާ ދަތުރެވެ
(ހަރުބަހެއް) (1) ދަތުރުކުރެވޭނީ ސަލާމަތްވާނެމަގު ހޯދައިގެންނެވެ. (2) ވިސްނާބަލައިގެން އުޅޭށޭ.
ރައްކެ
ނއ )ބދ ( ރައްކައުތެރި
ރައްކޯބައިން
ނ )ސ ( (1) ރިޔާ ކުނބުކުރީގައި ގެއްސުމަށް ހަންޖާވާންކުރާއިރު ދެހަންޖާއެއްކޮށް އަތްފޯރާ ހިސާބުގައި ބަންނަވާފަށް (2) ގުޅިރުއްކަނޑާއިރު ރުކާއެއްކޮށް އުނަގަނޑުގައި ބައްދާވާފަށް (3) މަޖާޒު: ބައެއްޒާތުގެ ކަންކަމުގައި ރައްކާތެރިކަމުގެ ގޮތުން އަޅާ ފިޔަވަޅު މިސާލު: މިރުސްގަސް ފަދަ ގަސްގަސް އިންދައިފައި އެތަންވަށާ ދަމާފަށް
ރައްދުކުރުން
މ (1) ފޯރުކުރުން (2) މީހަކު މީހަކަށް ދޭން ހަވާލުކުރިއެއްޗެއް ލިބެންވީ މީހާ އަށް ދިނުން
ރައްދުއަޑު
ނ (1) ތަނެއްގައި ޖެހިފައި އެނބުރި އަންނަ އަޑު (2) އަޑެއް ތަކުރާރުވާވުން
ރައްދުވުން
މ (1) މީހަކު މީހަކަށް ދިންއެއްޗެއް އެ މީހަކަށް ލިބުން (2) މަޖާޒު: ޒިނޭކުރުން (3) )ސ ( އަތުންހެލުން
ރައްޔިތުންގެދިދަ
ދިވެހި ދިދަޔާ އެއްގޮތަށް ކުލަތައް ހުރެފާ ހަނދުފަޅީގެ ބަދަލުގާ ހުދުކުލައިން އެއަތޮޅެއްގެ އަކުރު ޖަހައިފައި ހުރި ދިދައެއް މި ދިދަ ބޭނުން ކުރައްވައި އުޅުއްވީ އަތޮޅުވެރިން އަތޮޅު ތެރޭގައި ދަތުރު ކުރައްވާއިރުއެވެ
ރަވައިގަތުން
މ ބޮޑުކަމުދާންވުމަށް ހުތުރުބަހުން ބުނާގޮތެއް
ރަވާ
ނ ގޮދަނުގެފުށުން ރެވިއޮށެއްހާ ވަރަށް ހަދައިފައި ހުންނަ ފުއްތަކެއް މިހުންނަނީ ހުދުކުލައިގައެވެ މީ ޢާންމުގޮތެއްގައި ސޫޖީ ކައްކަން ބޭނުންކުރާ އެއްޗެކެވެ
ރަވި
ނ )ބދ ( (1) އަވިދޯދި (2) ބަބުޅާބެބުޅެން
ރަވެ
ނ )ބދ ( ކަކުނި
ރަވޯ
ނ ކުޑަކުދިންނާ ފޮށިގަންނަކަމަށް ބުނާ ދެތްވެއް މީގެ އުނދަގޫ ޖެހުމުން ކުއްޖާ ބަލިވެއުޅެން ފަށައެވެ މަތިބަލައި ރޮއިހަދައެވެ ބޮޑުވުން ހުއްޓި ކަޅުކަޅީގެ ކުލަ ހުދުވެއެވެ ބޯބޮޑުވެ ގާތުން ކިރު ނުބޯންއުޅެއެވެ މިބަލިޖެހިފައިތިބޭ ކުދިންނަށް ރަވޯ ކައިފައިތިބޭ ކުދިންނޭ ކިޔައެވެ
ރަވޯކައިފާހޮޑަށްލުން
މިސާލު: މާބޮޑަށް ރަވޯވެފައި ތިބޭކުދިންނާމެދު ބުނެއުޅޭ ބަހެއް
ރަވޯވުން
މ ރަވޯބަލި ޖެހުން
ރަމަން
ނ (1) ބޮލުގެ ހަމުގައި ތަތްލައިފައި ހުންނަ މިލަ (2) ބޯބާލާއިރު އޮމާންނުވެ ހުންނަ އިސްތަށިކޮޅު
ރަމަންނެގުން
މ (1) ބިރުގަނެގެން ނުވަތަ ދެހާ ތަޅައިގެން ބަލިވާ ހައު ކެޔޮފޮތީގެ ފަހަތުގައި ހުންނަ ފަތްކޮޅު އުފުލުން އެހެންވެސް ޖަނަވާރު އެއަށްވުރެ ގަދައެއްޗެއް ފެނުނީމާ ބިރުން ދިއުމަށްވެސް ކިޔަނީ މިހެންނެވެ (2) މަޖާޒު: މީހަކު މާމޮޅު މީހަކަށް ހެދިގެން އުޅެނިކޮށް މޮޅުމީހަކު އައީމާ ހެދިގެން އުޅޭ މީހާ ދެރަވުން
ރަމަންރަމަންފޯލި
ނ ކުޑަކުދިން މުގޯލި އަޅައިގެން ކުޅޭ ކުޅިވަރެއް މިކުޅިވަރުގައި މުގޯލިތައް ހުންނަނީ މެދުގައި އެއް މުގޯލި އަޅައި އޭގެ ވަށައިގެން އެހެން މުގޯލިތައް ހުންނަ ގޮތަށެވެ މިމުގޯލިތައް އަޅާނީ ކުދިން ތިބި ޢަދަދަކަށެވެ މެދު މުގޯލީގައި ހުންނަ ކުއްޖާ ހުންނާނީ ތުނި ފޮތިކޮޅަކުން ކަނުބަނދެފައެވެ އެކުއްޖާ ރަމަންރަމަންފޯލި ކޮބައިހޭ ކިޔާފައި އެއް މުގޯލިން އަނެއް މުގޯއްޔަށް ހިނގާއިރު އޭނާގެ އަތުނުޖެހޭން ވެގެން ކުދީން އެއް މުގޯލިން އަނެއް މުގޯއްޔަށް ދުވާނެއެވެ ކަނުބަނދެފައިވާ ކުއްޖާ މުގޯލިން ބޭރުގައި ހުރި ކުއްޖެއްގެ ގައިގައި އަތްލެވިއްޖެނަމަ އެ އަތްލެވުނު ކުއްޖާ ނުބައިވާނެއެވެ އެއީ ރަމަންރަމަން ފޯއްޔެވެ
ރަމަންބޯ
ނ ރަނގަޅަށް އޮމާން ނުވެ ހުންނަ ބޯ