radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ޖުޒާމުބަލި
ނ ހަށިގަނޑުގެ ހިއްސުތަކަށް ޙަމަލާދޭ މައިކޮބެކްޓީރިއަލް ލެޕްރާ ކިޔާ ފަންޏެއް ނުވަތަ ޖަރާސީމެއްގެ ސަބަބުން ޖެހޭ ބައްޔެއް މިއީ ގައިން ގަޔަށް އަރާ ބައްޔެކެވެ ގިނައިން މިބަލިފާޅުވަނީ މޫނާއި ނޭފަތާއި ކަންފަތް ފަދަ ތަންތަނުންނެވެ ޢާންމުކޮށް މިބަލީގެ އަސަރު ހުންނަ ތަންތާނގައި އިޙްސާސެއް ނުހުރެއެވެ
ޖޫރީން
ނ ޝަރުޢީކަންކަމުގައި ކަމަކާބެހޭގޮތުން ޢަދުލުވެރިގޮތެއް ނިންމުމަށް ހޮވައިފައިވާ ކޮމެޓީއެއްގެ މީހުން މިމީހުން ތިބޭނީ ހުވާ ކޮށްގެންނެވެ
ޖެއްސުން
މ (1) ޖެހުން މިބަސް ކުރުވުމުގެ މާނައިގައި ބުނާގޮތް. (2) ލޮލަށް ލިބޭ ގެއްލުމެއްގެ ސަބަބުން ނުވަތަ ލޮލަށް ކުނިކޮޅެއްފަދަ އެއްޗެއް ވެއްޓުމުގެ ސަބަބުން ލޮލުގައި އެއްޗެއް ޖެހޭހެން ހީވުން (3) މަދު އެތިއެތި ފޮދުން ބޯންދިނުން މިސާލު: )ހ( ފަނިތިކި ޖެއްސުން )ށ( ބުއްޖެއްސުން (4) ބަނދަރުކުރުން މިސާލު: މާލެ ދާނީ ގަލުފަޅުގައި ޖައްސައިފައެވެ (5) އުދުހޭ ބައެއްތަކެތި ތިރި ކުރުން މިސާލު: މަތިންދާބޯޓު ޖެއްސުން (6) އަނެކަކު ރުޅިއެރުވުމަށް ކުރާ ކަންތައް
ޖޭމު
ނ (1) ގަހެއްގައިއަޅާ ކުދިކުދިމޭވާއެއް މީގެ އެތެރޭގައި ހުންނާނީ ފޮނިރަހަލާ ދިޔަޔާ އެކުވެފައިވާ ކުދިކުދި ފުއްތަކެއްކަހަލަ އޮށްތަކެކެވެ (2) ހަކުރު އަޅައިގެން މޭވާއިން ކައްކައި ތައްޔާރުކުރާ ކާ އެއްޗެއް މިބޭނުންކުރަނީ ޕާންފަދަ އެއްޗެހީގައި ޖަހައިގެން ކެއުން ފަދަ ކަންކަމަށެވެ
ޖޯކަރު
ނ (1) ތާސްބައިގައި ވަކިރަނގައެއްގައި ނުހިމެނޭގޮތަށް އޮންނަ ގަނޑެއް މިގަނޑުގައި ކުރަހައިފައި ހުންނާނީ ހެއްވާސިފަޔަކަށްހުންނަ ސޫރައެކެވެ މިގަނޑު ބޭނުންކޮށްގެން ތާސްބައިން ޚާއްޞަ ކުޅިވަރެއް ކުޅެއެވެ (2) މަޖާޒު: ހެއްވާގޮތް ހުންނަމީހާ
ޗަރުކޭސް
ނ އިންސާނުންނާ ޖަނަވާރުގެ ޖިސްމާނީ ޙަރަކާތްތައް ދައްކައިދޭ ކުޅިވަރުތައް
ޗަސް
ނ (1) ބައެއް އެއްޗެހި ކައްކާއިރު މާބޮޑަށް މަޑުވީމާ ހުންނަގޮތް. (2) ފަސްހުންނަ ތަނަކަށް ދިޔާ އެއްޗެއް މާގިނައިން އެޅުނީމާވާގޮތް. (3) ޗޮސް. (4) ދޮންކޭލާއި ފަޅޯ ފަދަ ތަކެތި ދޮންވެގެން ގޮސް އެތެރެ ގިރޭވަރަށްވާ ފާ
ޗާކު
ނ ހުޅުވައި ލެއްޕޭގޮތަށް ހުންނަވަޅި މިހުންނަނީ މުށްގަނޑުގެ ތެރެއަށް ތިލަ މަޅައިލެވޭ ގޮތަށެވެ
ޗާޕު
ނ )ހ ( ފޮތްފޮތާއި ލިއުމާއި ކުރެހުން ކަރުދާހަށް ކޮޕީކުރާއިރު ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ކޮޕީ ކުރާކުރުން މިގޮތުން ކަރުދާހާއި ފޮތިފަދަ އެއްޗެތީގައި ކުރެހުންތަކާއި ޑިޒައިންތައް ޗާޕުކޮށް ހަދައެވެ މިހާރަކަށް އައިސް މިމަސައްކަތަށް ގިނައިން ބޭނުންކޮށް އުޅެނީ މިކަމަށް ހަދައިފައި ހުންނަ މެޝިނެވެ
ޗާޕުކުރުން
މ ފޮތްފޮތާއި ލިޔުމާއި ކުރެހުން ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ނުވަތަ ވަކި ބާވަތެއްގެ އެއްޗެއްގައި ލިޔެ އޭގައި ދެލި އުނގުޅައި އޮބައިގެން ކަރުދާހަށް ކޮޕީކުރުން މިހާރަކަށް އައިސް މިކަމަށް ބޭނުންކުރަނީ މިކަމަށް ތައްޔާރުކޮށްފައި ހުންނަ މެޝިނެވެ
ޗިޗަންޑާ
ނ ވެލެއްގައި އަޅާފެހިކަންގަދަ ހިތިވަހެއް ހުންނަ ތަރުކާރީގެ ބާވަތެއް މީގެ ތަފާތު ބާވަތްތައް ހުރެއެވެ މީގެ އެއް ވައްތަރު ހުންނަނީ ވަރަށް ދިގުކޮށެވެ
ޗޫސް
ނ (1) މާބޮޑަށް ކުޅިއެއްޗެތި ކެވުނީމާ އަނގައިން ގޮއްވޭ އަޑެއް (2) ބާރަށް ހަލުއިކޮށް ދެމިގަތުމަށް ބުނެއުޅޭބަހެއް
ޗޭނު
ނ (1) ހިލިހިލާ (2) މަޢުދަނީ ދިއުޅި (3) މަޖާޒު: ގުޅުން
ޗޭނުބުލޮކް
ނ ދޭއް ނުވަތަ އެއަށްވުރެވެސް ގިނަ ބުރުތައް ލައިފައިވާ ކައްޕި އެއް މިބޭނުން ކުރަނީ ބަރުއެއްޗެހި އެކަކު ނުވަތަ މަދުބަޔަކުވެގެން އުފުލުމަށެވެ އޮޑި ދޯނި ފަހަރު އެހެލުމަށްވެސް މިބޭނުން ކުރެއެވެ
ޙަނަފީމަޒުހަބު
ނ ސުންނަތް ޖަމާއަތުގެ އިމާމުންކުރެ އަލްއިމާމު އަބޫޙަނީފާގެ ފިޤުހީގޮތުން އިޚުތިޔާރުކުރެއްވިގޮތް
ޙަނޫޠު
ނ މައްޔިތާ ކަފުން ކުރާއިރު ދެކަފުން ދެމެދަށް އަޅާ މީރުވަސް ދުވާއެއްޗެއް މިހަދަނީ ބޮކަރާއި ކެލާ ގޭނުމަށްފަހު ބޮކަރު އަތަރާއި ކެލާއަތަރާއި ހުދުކާފޫރު އެއްކޮށްގެންނެވެ
ޙަރާންވުން
މ ދީނީގޮތުން މަނާވުން
ޙަރާމު
ނ (1) ދީނީގޮތުން ހުއްދަނުވާނުވުން (2) ދީނުގައި މަނާ ވާވުން
ޙަކީމީބޭސް
ނ (1) ޔޫނާނީބޭސް (2) ދިވެހިބޭސް
ޙައިރާންމާކު
ނ ލިޔެކިޔުމުގައި ބޭނުންކުރާ ނިޝާނެއް. މިނިޝާން ޖަހަނީ ޙައިރާންވާ ކަހަލަ ވާހަކައެއް ނުވަތަ ރުޅިވެރިކަމެއް ނުވަތަ ހިތާމައެއް ނުވަތަ އަމުރެއް ނުވަތަ މަލާމާތެއް ނުވަތަ އިސްތިޙުސާނެއް އެކުލެވޭ ބަސްބަހާއި ޖުމުލައިގެ ފަހަތުގައެވެ