radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ކޮށްފަރިތަ
ނ ގިނައިން ކަމެއް ކޮށްކޮށް ހޭނިފައި ހުންނަ ހޭނުން
ކޮނޑި
ނ )ޏ ( (1) ގަސްގަހުގެގޮފިން ނުކުމެފައި ހުންނަ ކުދިގޮފި (2) ކޯނި (3) ދެތިން ހަތަރު މަހުން ބަނދެފައި ހުންނަ ރޯމަސް
ކޮނޑު
ނ (1) ކޮނޑުހުޅުންފެށިގެން ކަނދުރާއާ ދެމެދު (2) ލިބާހުގެ އަތާއި ބަދަނާއި ގުޅުނުތަން (3) ބޯވަޅުއެޅި ލިބާހުގެ ކޮނޑުމައްޗަށް ވާހިސާބުން ކަފައިލައިފައި އޮންނަތަން (4) ގުޑިއާއި ތެލަނގަފަދަ އެއްލާ ތަކެތީގެ ލަނބާދުނީގައި ބޮލު ރޮދީން ބޭރަށް އޮންނަ ތަން (5) ބައެއް މަހާނަގަލުގެ ދެފަރާތުން ކަނޑައިފައި ހުންނަ ކައްވާދު (6) ފިރިހެން މަހާނަގަލުގެ ބޮލުގެ ދެފަރާތުގައި އޮންނަ ވަނާގެ މަތި (7) ހެދުން އަޅުވަން ބައިމަތީގެ ބައްޓަމަށް ހަދައިފައި ހުންނަ އެއްޗެއް
ކޮނޑުން
މ )ބދ ( (1) ވޭވޭ ހުންނަ ބައެއްކަންތައް ނުވަތަ ހިނގަހިނގައި ހުންނަ ބައެއް ކަންތައް ހުއްޓުން (2) ލިބިލިބި ހުރި އެއްޗެއް ހުއްޓުން
ކޮނޑުކެނޑި
ނ ގިރުވާނެއް އަތެއް ގޮށްފޮއްޗެއްނެތި ހުންނަ ގަންޖުފަރާސް
ކޮނޑުކެނޑި މަހާނަގައު
ނ ދެކޮނޑުމަތީގައި ކުރިބޯއްޓެއްހެން ދެވަނާލައިފައި ހުންނަ މަހާނަގައު މިބާވަތުގެ ގައު ޖަހަނީ ހެވިންގެ މަހާނާގައެވެ
ކޮނޑުމައު
ނ (1) ފުރަތަމަ ޤާނޫނު އަސާސީ ފާސްވެގެން ވަޒީރުން ތުރުކުރެއްވި ކިނާރީއެޅި ހެދުންކޮޅުގައި ކޮނޑުމަތީގައި ހުންނަ މަޚުމާފަށް ކިލެގެބޭކަލެއްނަމަ މަޚުމާފަށުގެ މެދުގައި ރަންކުލައިގެ ތަރިއެއްހުރެއެވެ މިއީ ރަތުލޮއިން ހަދައިފައިހުންނަ އެއްޗެކެވެ ކިލެގެބޭކަލެއްނޫންނަމަ ހުންނަނީ ހަމައެކަނި މަޚުމާފަށެވެ (2) ސިފައިންގެ ޔުނިފޯރމުގައި ކޮނޑުމައްޗަށް އަރާފައި ހުންނަ ނިޝާން
ކޮނޑެލި
ނ ހަތަރެސްކަން ރިޔަލުގައި އައްތެލީގެ ކޮޅު ވައްދާން ރޯނުން ހަދައިފައި ހުންނަ ބޮޅު
ކޮނެކެއުން
މ މަޖާޒު: (1) މަސައްކަތެއް ނުކޮށް އެކިމީހުން އަތުން އެކިދުވަހު ކެއުން (2) ދިރިއުޅޭނެ ޚާއްސަގޮތެއްނެތި އެގޮތް މިގޮތުން ކައި އުޅުން
ކޮންނަބޯޓު
ނ ތަންތަންކޮނެ ފުންކުރަން ބޭނުންކުރާ މެޝީން ހަރުކޮށްފައި ހުންނަ އުޅަނދު
ކޮންމެ
ނއ (1) ގިނަ އެއްޗެހިތަކެއްގެ ހުރިހައި ތަކެތި ވަކިވަކިން ބުނެދިނުމަށްޓަކައި ބޭނުންކުރާ ބަހެއް މިސާލު: ކޮންމެ ފޮތެއްގައި ނަންބަރުޖަހާށެވެ (2) ގިނަ ބައެއްގެ ތެރެއިން ހުރިހައި މީހުން ވަކިވަކިން ބުނެދިނުމަށްޓަކައި ބޭނުންކުރާބަހެއް މިސާލު: ކޮންމެ ކުއްޖަކީ ފަތަން ދަންނަ ކުއްޖަކަށް ވާންވާނެއެވެ
ކޮންމެވެސް
)ނއ ( (1) ކުރުމާއި ނުކުރުމުގެ މައްޗަށް ކުރާ އަމުރު ގަދަކުރުމަށް ޖުމުލައިގެ ކުރިއަށް ގެންނަ އަކުރެއް މިސާލު: )ހ( ކޮންމެވެސް އަންނާތި )ށ( ކޮންމެވެސް ނުދާތި (2) އެއްޗެހިތަކެއްގެ ތެރޭން ވަކިއެއްޗެއް ޚާއްޞަނުކޮށް އެކަތި ކަމަށް އިޝާރާތްކުރާ އަކުރެއް މިސާލު: )ހ( ކޮންމެވެސް އެއްޗެއްދެއްވާ (3) ބައެއްގެ ތެރޭން ވަކި މީހަކު ނުވަތަ ވަކިބަޔަކު ޚާއްޞަނުކޮށް އެކަކު ކަމަށް ނުވަތަ ބައެއް މީހުންކަމަށް އިޝާރާތްކުރާ އަކުރެއް މިސާލު: ކޮންމެވެސް މީހަކުއައެވެ
ކޮންސެލްކަން
ނ (1) ދަށުދަރަޖައިގެ ސަފީރުކަން. (2) އެއްދައުލަތަކުން އަނެއް ދައުލަތަކަށް ފޮނުވައިފައި ހުންނަ އެފޮނުވި ދަޢުލަތުގެ ރައްޔިތުންގެ ވިޔަފާރިއާއި އެހެނިހެން ކަންތައް ބަލަހައްޓާ ވަކީލުކަން
ކޮންޓްރެކްޓް
ނ (1) ކުރާވަކިކަމެއްގެ ބަދަލުގައި އަގެއް ނުވަތަ ޚިދުމަތެއް ދިނުމަށް ދެފަރާތެއްގެ ދެމެދުގައި ލިޔެ ސޮއިކުރާ އެއްބަސްވުން (2) ދެމީހެއްގެ ދެމެދުގައި ނުވަތަ ދެމީހުންނަށްވުރެ ގިނަ ބައެއްގެ މެދުގައި އެއްބަސްވެވޭ އެއްބަސްވުމެއް މިއެއްބަސްވުމަކީ ގާނޫނު ޤަބޫލުކުރާ ނުވަތަ ޤާނޫނު ބާރުދޭ އެއްބަސްވުމަކަށް ވާންވާނެއެވެ
ކޮންޓްރެކްޓްކުރުން
މ (1) ކުރާވަކި ކަމެއްގެ ބަދަލުގައި އަގެއް ނުވަތަ ޚިދުމަތެއް ދިނުމަށް ދެފަރާތެއްގެ ދެމެދުގައި އެއްބަސްވުމެއް ލިޔެ ސޮއިކޮށް އެއްބަސްވުން (2) ދެމީހެއްގެ ދެމެދުގައި ނުވަތަ ދެމީހުންނަށްވުރެ ގިނަބައެއްގެ މެދުގައި އެއްބަސްވުން )މިއެއްބަސްވުމަކީ ޤާނޫނު ޤަބޫލުކުރާ ނުވަތަ ޤާނޫނު ބާރުދޭ އެއްބަސްވުމަކަށް ވާންވާނެއެވެ
ކޮރުކަލޯމަގު
ނ މެދުގައި ބޮޅު ހުންނާނޭހެން އެއްޗިހީގެ ކައިރިފަށުގައި އަޅާ ބާވަތެއްގެ ކުރެހުމެއް
ކޮރުކޮކާ
ނ ކަޅުމުށިކުލައިގެ ވަރަށް ކުޑަކޮކާލެއް މީގެ ފިޔައިގައި ހަށިގަނޑާގުޅޭ ހިސާބު ހުންނާނީ ގަދަ ދަނބުކުލައެއްގައެވެ ފިޔައިގެ ވަރަށް ފަނޑުހުދު ތިކިތަކެއް ހުރެއެވެ
ކޮރުކޮކާހުއި
ނ ބާވަތެއްގެ ވިނައެއް މިބާވަތުގެ ވިނައިގެ ތެރޭގައި ކޮރުކޮކާ ގިނައިން އުޅެއެވެ މިއީ ބިލެތު ހުއިހެން ހުންނަ އެއަށްވުރެ ހިމަދިގު ވިނައެކެވެ
ކޮރުއެއްލުން
މ (1) ކޮރުޖެހުން (2) ގަސްދުގައި ކޮރުވައްތަރު ޖެއްސުން
ކޮރުވަޅު
ނ (1) ދޮރުގެ ކަނިމުޑިފަދަ ތަކެތި ޖަހާން އެއްޗެހީގައި ކޮނެފައި ހުންނަ ވަޅުކޮޅު (2) ކަންފަތުގެ ހިނދުރި