radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ޒީނަތްތެރިކުރުން
މ ތަނެއް ނުވަތަ އެއްޗެއް ނުވަތަ މީހަކު ނަލަހައްދައި ރީތި ކޮށް ފުރިހަމަކުރުން
ޒުވާބު
ނ (1) ޖަދަލު (2) ދެކޮޅުވެރިކަމުގެ ގޮތުން ދެފަރާތުން ރައްދު ކުރާ ބަސް (3) ދެމީހަކު ނުވަތަ ގިނަބަޔަކުވާ އަރާރުން (4) ޖަވާބު (5) ގިނަބަޔަކުވެގެން ލަވަކިޔާއިރު ނަގާކިޔާމީހާގެ ފަހަތުން އެހެން މީހުން ކިޔަންޖެހޭބައި
ޒުވާބުކުރުން
މ (1) ޖަދަލު ކުރުން (2) ދެމީހަކު ނުވަތަ ގިނަބަޔަކު އަރާރުންވުން
ޓަކުންޓަކުން
ނ ފުންނާބު އުސްފައިވާން ނުވަތަ އުށްޖެހި މަރަވަޅީގައި ހިނގާ އިރު އިވޭއަޑު
ޓިކެޓު
ނ ވަކިސިފަޔަކަށް ކަރުދާހުން ތައްޔާރުކޮށްފައި ހުންނަ އެއްޗެއް. މިއީ ކަމަކަށް ނުވަތަ އެއްޗަކަށް އަގުދައްކައިފައިވާ ކަމުގެ ހެއްކެއްގެ ގޮތުން ދޫކުރާ އެއްޗެކެވެ. މިދެއްކުމުން ވަކިތަނަކަށް ވަނުމަށް ނުވަތަ ވަކި އުޅަނދަކުން ނުވަތަ ވަކިއެއްޗަކުން ދަތުރުކުރުމަށް ހުއްދަ ލިބެއެވެ
ޓުރާންސުްޕޯޓު
ކއ މީހުން ނުވަތަ މުދާ ނުވަތަ މީހުނާއިމުދާ އެއްތަނުން އަނެއް ތަނަށް އުފުލައިދޭ
ޓުކުރި
ނ އެތެރެއަށް އެއްޗެހި އެޅޭގޮތަށް ވިޔެފައި ނުވަތަ ގަތައިފައި ހުންނަ ވަށިގަނޑުފާޑު އެއްޗެއް މިޒަމާނުގައި ވިޔެފައި ހުންނަ ގޮތަށް ރަބަރުން ނުވަނަ ޕްލާސްޓިކުންވެސް ހަދައިފައި ހުރެއެވެ
ޓުވަރިސްޓް
ނ ހިތްއުފާކޮށްލުމަށް ނުވަތަ ތިމާގެ ޤައުމުނޫން އެހެން ޤައުމެއް ބަލައިލުމަށް ދަތުރުކުރާމީހާ
ޓުވަރިޒަމް
ނ ހިތްއުފާކުރުމަށް ނުވަތަ ތިމާގެ ޤައުމުނޫން އެހެން ޤައުމެއް ބަލައިލުމަށް ދަތުރުކުރާ މީހުންގެ ކަންތައް އިންތިޒާމްކޮށް ބެލެހެއްޓުމާއި އެކަމާގުޅޭ ގޮތުން ކޮށްފައި ހުންނަ ތައްޔާރުތައް
ޓެނިސް
ނ (1) ކޯޓުއަޅައިގެން ކުޅޭކުޅިވަރެއް މިކުޅިވަރުގައި ދެމީހުންނަށް ނުވަތަ ހަތަރު މީހުންނަށް ބައިވެރިވެވެއެވެ ކޮޅެއްގައި އެކަކު ނުވަތަ ދެމީހުންނެވެ ޓެނިސްކޯޓުގައި ހުންނަނީ މެދުގައި ދާގަނޑެއް ދަމައިފައެވެ މިއީ ބޯޅައަކުން ދާގަނޑުމަތިން ކުޅޭކުޅިވަރެކެވެ ކުޅެން ގެންގުޅެނީ ރެކެޓެވެ (2) ރަބަރާއި ފޮތިން ހަދައިފައިހުންނަ ފައިތިލަ ފޮރުވޭ ކަހަލަ ފައިވާނެއް
ޓެންޓު
ނ (1) ފޭލިގެ. (2) ތަރަފާލު ނުވަތަ ބޯފޮއްޗަކުންހަދާ ވަގުތީ ގޮތުން ހިޔާވަހިކަން ލިބިދޭތަނެއް. މިތަން ކޮޅަށްޖަހަނީ ލުއި ދަނޑީގެ ނުވަތަ ހޮޅީގެ ބޭނުންކޮށްގެންނެވެ ވެއްޓުނަނުދީ ހިފަހައްޓަނީ ނަނު ނުވަތަ ވާޖަހައިގެންނެވެ
ޓެކުން
މ ކެހިވެރިގޮތުން މީހުންގެ އަތުން ފައިސާ ނުވަތަ ތަކެތިއަތުލުން
ޓެކުސް
ނ (1) ވާރު (2) ބޯބޯމަތިން ނުވަތަ ވަކިކަމެއްކުރާ ބައެއްގެ އަތުން ގަވާއިދެއްގެ މަތިންސަރުކާރަށް ނަގާ އެއްޗެއް
ޓެކްނިކަލް
ނއ (1) ވަކި ޚާއްޞަ ފަންނެއްގެ ނުވަތަ މަސައްކަތެއްގެ ޢިލްމާ ގުޅޭ (2) މަސައްކަތެއްގެ ފާޑުވެރިކަމާގުޅޭ
ޓެލިޑްރާމާ
ނ ޓެލެވިޒަން މެދުވެރިކޮށްގެން ދައްކާގޮތަށް ކުޅެފައިވާ ބައެއް ކަހަލަ ތަމްސީލު ނުވަތަ ޑްރާމާ
ޓެލެކުސް
ނ (1) މުވާޞަލާތުގައި ބޭނުންކުރާ ޓައިޕްރައިޓަރެއް ކަހަލަ މެޝިނެއް. މިހުންނަނީ އޮޓޮލެޓިކް އެކްސްޗޭންޖާ ނަރުގެޒަރީއާއިން ގުޅިފައެވެ. އެތަން މެދުވެރިކޮށް ތަންތަނަށް މެސެޖާއި ޚަބަރު ފޮނުވައި ޚަބަރާއި މެސެޖް ލިބޭގޮތަކަށް މީގެ ބޭނުން ކުރެވެއެވެ (2) ޓެލެކްސް މެޝިން މެދުވެރިކޮށް ފޮނުވާ ނުވަތަ ލިބޭ ލިޔުން
ޓެލެވިޒަން
ނ (1) ޙަރަކާތްކުރާ ނުވަތަ ޙަރަކާތް ނުކުރާ ފޮޓޯއާއި މަންޒަރު އަޑާއެކު އަތުލައިގަނެވޭ އިލެކްޓްރޯނިކް ނިޒާމެއް (2) ޖައްވުގެ ތެރެއިން އަޑާއެކު ފޮޓޯއާއި މަންޒަރު އަތުލައި މީހުންގެ ލޮލަށްފެނި އަޑުއިވޭގޮތް ހަދައިދޭ ފޮށްޓެއް
ޓެސްޓުމެޗު
ނ ދެޤައުމެއްގެ ތަމްސީލުކުރާ ދެޓީމެއްގެ ދެމެދުގައިކުޅެވޭ ކިރިކެޓް ނުވަތަހޮކީ ނުވަތަ ރަނގަބީމެޗު
ޓޭންކު
ނ (1) އެއްގަމު ސިފައިން ބޭނުންކުރާ ހަނގުރާމަމަތީ އުޅަނދެއް. މިހުންނަނީ މެޝިން ބަޑިޔާއި ލުއިބޮޑުބަޑި ހަރުކޮށްފައެވެ. މިއީ ވަޒަން ނުވަންނަ ގޮތަށް ހަދައިފައި ހުންނަ އެއްޗެކެވެ. މީގެ ފުރޮޅުތައް ހުންނަނީ ފުޅާކޮށް ފަތިކޮށް ހުންނަ ދިއުޅިއެއްކަހަލަ ބަންދެއްގެ ތެރޭގައެވެ (2) ފެން ނުވަތަ އެފަދަ ދިޔާތަކެތި އެޅުމަށް ހަދައިފައި ހުންނަ އެކި ވަރުގެ ތާނގީ
ޓޭޓަރު
ނ ބައިސްކޯފު ނުވަތަ ތަމްސީލުދެއްކުމަށް ތައްޔާރު ކޮށްފައި ހުންނަ އިމާރާތް